JAKARI 12:2 - Bibəl ta Sar̄

² M-ā m̄-rāā Jerusalem i kópə kógə̄ḿ kə́ kasə nduú wōn̄g yāḿ rosə kem tə́. Kasə wōn̄g yāḿ ní, a tūr̄ dɔ gír de gə̄ malang ń ndin̄ kadən tə́ ní. Dan ń a ənīn̄ ɓē kə́ Jerusalem rɔ̄ɔ̄ anī, dɔ de kə́ Juda gə̄ malang a ndi gōtə́ alé.

Bible sar

² M-ā m̄-rāā Jerusalem i kópə kógə̄ḿ kə́ kasə *nduú wōn̄g yāḿ rosə kem tə́. Kasə wōn̄g yāḿ ní, a tūr̄ dɔ gír de gə̄ malang ń ndin̄ kadən tə́ ní. Dan ń a ənīn̄ ɓē kə́ Jerusalem rɔ̄ɔ̄ anī, dɔ de kə́ *Juda gə̄ malang a ndi gōtə́ alé.

JAKARI 12:2 Referans Kwoze

JAKARI 14:14

De kə́ dəngam gə̄ kə́ Juda a rɔ̄ɔ̄n̄ kem ɓē kə́ Jerusalem tə́. Nin̄ a ɔyn̄ yá̰a̰ kənge gə̄ kə́ kem ɓē gə̄ kə́ kadədə́ gə̄ tə́ malang. Adə̄ i lɔ́r ō, i gində̄ arjā̰a̰ ō, i kūbə̄ gə̄ kə́ ngá̰ý ō. Nin̄ a kánə̄n̄ yá̰a̰ gə̄ ń noō kə̄ dɔ naā tə́ gidə ɓēé.

PĀ GƏ̄ 75:8

Tɔdɔ̄ i Nə́ɓā n i nge gān̄g sarya ní. Ni-tél kə nge kə́rēý kə̄ nang tə́ ō, tél un nge kə́ noō dɔɔ́ gogə́ ō.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

JEJU TEĒ KUM JA̰A̰ 18:6

Yá̰á̰ ń ni-rāā kə madə̄n gēé ní, ī-rāāī seneé ō, yá̰á̰ ń ni-rāā ní ī-rāāī seneé loo nja kə́ jōó tə́ ō, kópə ń ni guŕ kasə nduú kemeé adə̄ de gə̄ ní, ī-guríī kemeé loo nja kə́ jōó tə́ ādīin̄ ō.

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

JEREMI 51:57

M-ādə̄ de kə́ bo yān gə̄ ō, kum kɔ̄ɔ́ yān gə̄ ō, ngé ko̰o̰ ɓē yān gə̄ ō, ngé rāā sarya yān gə̄ ō, go̰ rɔ̄ɔ̄ yān gə̄ ō, kasə nduú adə̄ rāādə́. Nin̄ a ɓīīn̄ ɓīī kə́ njɔ́ḿ gə̄ tə́ ō, a ndólə̄n̄ to̰ aĺ ō. I Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní n əda najə̄ ń noō ní.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə nduú yān, bátə́ adə̄ gerə̄n̄ kum najə̄ to̰ alé.

JEREMI 49:12

Rɔ̄kum, najə̄ ń Kɔ́ɔ̄ɓē əda ní n toó: Á̰a̰ī tá, ngé gə̄ ń majə kadə̄ yá̰a̰ tōr̄ rāādə́ aĺ ní, gāngə̄n̄ sarya dɔdə́ tə́ kadə̄ yá̰á̰ kə́ tōr̄ rāādə́. Ní ḭ̄ tá ā ī-teē kum tə́ karī a? Ā ī-teē kum tə́ karī alé. A ɔdə rɔ̄í gáŕ!

JEREMI 25:17

m̄-taā kópə jī Kɔ́ɔ̄ɓē tə́ ō, m-ādə̄ nápar de gə̄ malang ń Kɔ́ɔ̄ɓē əlam̄ kə̄ rɔ̄də́ tə́ ní m-ādə̄ a̰ȳn̄ ō.

JEREMI 25:15

Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

JAKARI 14:2

Kɔ́ɔ̄ɓē a ɔsə dɔ nápar de gə̄ malang kə̄ naā tə́, yā kənīń ɓē yāsí rɔ̄ɔ̄. Nin̄ a taān̄ ɓē kə́ Jerusalem ō, a ɔyn̄ yá̰a̰ gə̄ kə́ kem kújə gə̄ tə́ ō, a sāān̄ dəyá̰ gə̄ dɔ gúú tə́ ō. A ɔyn̄ núsə de kə́ kem ɓēé gə̄ yā kaw̄ sedə́ dɔ ɓē kə́ rang tə́ dɔ gúú tə́, banī gotə de gə̄ a teēn̄ kɔ̄ɔ́ kem ɓēé alé.