JAKARI 12:10 - Bibəl ta Sar̄

¹⁰ M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

Bible sar

¹⁰ M-ā m̄-ɓōkə́ ndíl kem majə ō, ndɔ̄ȳ Nə́ɓā ō, dɔ de gə̄ kə́ kem kojə yā Dabid tə́ ō, dɔ de gə̄ kə́ kem ɓē kə́ Jerusalem tə́ ō. Nin̄ a a̰a̰n̄ loo kum kə̄ rɔ̄ḿ mā tə́, najə̄ yā nge ń nin̄ ɔsənən̄ adə̄ teē dām̄ kə́rēý tə́ ní tə́. Nin̄ a ənīn̄ pā kəhɔ ndoō tām̄ yān tə́, tītə̄ ń deē a rāań ndɔ̄ yo ngōn̄ kə́ dəngam kə́ kal kógə̄ḿ beē tə́ ní. A nōōnən̄ tītə̄ loo nōō ngōn̄ hágə beé.

JAKARI 12:10 Referans Kwoze

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

JEREMI 6:26

Sḭḭ̄ gír deē yāḿ gə̄, ə́laī kūbə̄ kəhɔ ndoō rɔ̄sí tə́. Ī-wángə̄lāī kum bumbə́rú tə́. Əhɔī ndoō tītə̄ loo rāā ndoō ngōn̄ kə́ dəngam kə́ kal kógə̄ḿ beē kə́ oy. Ī-nōōī rɔ̄sí kə wur katāá. Tɔdɔ̄ nge nujə loo a teē sejí rétə́ gēé.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

EPEJƏ 6:18

Ī-ndɔ̄yī kə kum mbang gə̄ malang kə ta kūl̄ Ndíl. Əhɔī rɔ̄sí tɔgə loo ndi já̰já̰ tə́ ō, ī-rāāī Nə́ɓā ɓɔ́ tām̄ yā deē yān gə̄ tə́ malang ō.

Makətūbə̄ ń Pol ndang adə̄ Rom gə̄ ní 8:26

Adə̄ i tītə̄ ń toō beé n Ndíĺ kə́ Táĺ reē yā dḭḭ̄jí najə̄ yā ngan̄g aĺ yājí tə́ ní. Tɔdɔ̄ jə-gerī loo ndɔ̄ȳ kə gōó alé. Ndíĺ a dəje yá̰a̰ tām̄ yājí tə́ i kə to̰ō̰ kógə̄ḿ kə́ deē asə kəda kum kə najá alé.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

MATIYE 24:30

Loo ń noō tə́ yá̰á̰ kə́ ɔjə dɔ Ngōn̄ Deē a teē dɔ rā̰ tə́. Dan ngeé ń noō tə́ ní, gír ɓē kə́ dɔ nang tə́ gə̄ malang a sɔ̄mə́n̄, nin̄ a əndan̄ kadədə́ ō, a a̰a̰n̄ Ngōn̄ Deē loo reē tə́ dɔ kil̄ man̄ gə̄ tə́ dɔ rā̰ tə́, kə tɔ́gə́ kə́ ngá̰ý ō, kə kɔsə gɔn kə́ ngá̰ý ō.

AMOS 8:10

M-ā m̄-rāā kadə̄ ndɔ̄ rāā nāā yāsí gə̄ télən̄ ndɔ̄ kəhɔ ndoō ō, pā yāsí gə̄ malang ní m-ā m̄-rāā kadə̄ a télən̄ i pā yo gə̄ ō. De gə̄ malang a əlan̄ i kūbə̄ kəhɔ ndoō rɔ̄də́ tə́. De gə̄ malang a dəsān̄ dɔdə́ kɔ̄ɔ́, tītə̄ kə́ ndɔ̄ yo ngōn̄ kə́ kal kógə̄ḿ beē tə́ beē. Ba yá̰a̰ gə̄ ń noō malang ní, ta tɔ̄l̄ ta a to i tītə̄ ndɔ̄ kógə̄ḿ kə́ rɔ̄nelāĺ i ngá̰ý kemeé adə̄ rɔ̄ deē atə̄n beē.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

KƏLA RĀĀ 11:15

M-ə́lá gír kɔr̄ najə̄ ɓáý anī Ndíĺ kə́ Táĺ reē dɔdə́ tə́ tītə̄ ń reēń dɔjí tə́ ta kəla gíŕ tə́ ní.

KƏLA RĀĀ 10:45

Ngé taā kem gə̄ ń reēn̄ kə Piyer á nin̄ i Jipə gə̄ ní, ɔr̄ kumdə́ ngá̰ý kadə̄ de gə̄ ń nin̄ i Jipə aĺ gə̄ ní gə̄gē əngen̄ Ndíĺ kə́ Táĺ.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

Makətūbə̄ ń Jud ndang ní 1:20

Banī sḭḭ̄ kó tár yāḿ gə̄, ī-raī dɔ taā kem yāsí tə́ kə háĺ kə́ kɔr̄ kam̄ tām̄ yā Nə́ɓā tə́ ō, ə̄ndāī tɔ́gə́sí dɔ tə́ ī-rāāīneé yá̰a̰ kum kə̄ kété kété ō. Ī-ndɔ̄yī Nə́ɓā kə ta kūl̄ Ndíĺ kə́ Táĺ.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

PĀ GƏ̄ 51:12

Nə́ɓā, ī-rāā ādə̄ kemḿ unjə̄ njáý njáý. Ī-tūr̄ ndílə́ḿ ādə̄ téĺ kə́ kijə ō, ī-rāān ādə̄ ra ngan̄g ō.

MATIYE 26:75

Anī kə́ra kə̄njá nōō kə̄ ta jī tə́ noō. Loo ń noō tə́ əga kem Piyer dɔ najə̄ ń Jeju ədan kété tə́ ní, ədan na: Ḭ̄ ā ī-nējə̄ najə̄, ā ə́da na ī-gerə̄m̄ aĺ nja mətá pá tá kə́ra kə̄njá a nōō ɓáý. Loo ń noō tə́ Piyer teē ndágá, ba nōō wuk wuk kə wur katāá.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

Gōsə̄ najə̄ gə̄ 4:3

Mā i ngōn̄ kə́ majə tām̄ yā bɔbə́ḿ tə́ kété ō, kó̰ó̰ḿ rāā tɔdɔ̄ḿ tītə̄ loo rāā tɔdɔ̄ ngōn̄ kə́ kal kógə̄ḿ beē beé ō.

IJAI 45:22

Sḭḭ̄ ń ī-ndiī ta ngóy dɔ nang tə́ ní, ī-tūrī kumsí kə̄ rɔ̄ḿ tə́, anī ā ájiī. A̰á̰ā̰, mā i Nə́ɓā ō, nə́ɓā kə́ rang gətóo ō.

JEREMI 31:19

Dan ń m-ə́lá gír reē kə̄ rɔ̄í tə́ anī, m̄-ndə̄ngā rɔ̄ḿ ngá̰ý, najə̄ yā tūr̄ ń m̄-tūr̄ gidəḿ taí tə́ kɔ̄ɔ́ ní. tá dan ń kumḿ teē dɔ yá̰a̰ gə̄ ń m̄-rāā tə́ ní anī, kemḿ rāām̄ sarya. Rɔ̄ḿ sɔlə̄m̄ ō, m̄-ger̄ yá̰á̰ kə́ yā rāā aĺ ō, i yá̰á̰ kə́ to rɔ̄sɔl̄ gə̄ ń m̄-rāā kə ngōn̄ dūúḿ ní n m-ā m-ə́ngá ndéyn toó.

EJEKIEL 20:43

Ā ī-gírī dɔ háĺsí kə́ mān̄ kɔ̄ɔ́ tə́ ō, dɔ yá̰a̰ rāāsí gə̄ malang ń rāān̄sí adə̄ ī-téliī de kə́ yḛr gə̄ ní tə́ ō loo ngeé ń noō tə́. Rɔ̄sí a nel̄sí kə rɔ̄sí sḭḭ̄ kɔ́ gɔ̄ɔ́ alé, sɔɔ̄ń yá̰a̰ malang kə́ majaĺ ń ī-rāāī ní.

EJEKIEL 37:14

M-ā m-ə́lá ndílə́ḿ kemsí tə́, adə̄ ā ī-ndiī kə kumsí. M-ā m-ə̄ndāsí dɔ nang yāsí tə́. Loo ń noō tə́ ā ī-gerī kadə̄ i mā Kɔ́ɔ̄ɓē n m-ɔ̄r̄ najə̄ ní ō, m̄-rāā yá̰á̰ ń m-ə́dá ní ō. Najə̄ ń Kɔ́ɔ̄ɓē əda ní n noó.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

TA KƏLA 45:1

Jəjep asə tə́gā tan ta kum de gə̄ ń gīrə̄n̄ gidən malang tə́ ní to̰ alé, adə̄ əga kɔŕ əda na kə de gə̄ kə teēn̄ ndágá malang. Adə̄ dan ń Jəjep rāā adə̄ ngákó̰o̰n gə̄ ger̄nən̄ ní, de kə́ rang gətóo sedə́.

TA KƏLA 45:2

Ni nōō kə kɔrɔ́ adə̄ de kə́ Ejiptə tə́ gə̄ oōn̄, adə̄ aw̄ ədan̄ Parao̰.

TƏ́DA 21:9

Moijə rāā lī gində̄ ní əla ta kāgə̄ kə́ ngāl̄ tə́. Anī de gə̄ malang ń lī do̰o̰də́ ba unən̄ kumdə́ kə̄ dɔɔ́ a̰a̰nə̄ń lī gində̄ ní, kɔ́ɔ̄ gə̄ ajən̄.

1 SAMUEL 7:2

Ndɔ̄ gə̄ mānən̄ ngá̰ý gō ndɔ̄ ń əndānəń sandúkə yā Kɔ́ɔ̄ɓē Kiryat Yearim tə́ ní. Ndɔ̄ gə̄ ń mānə̄n̄ ní asən̄ ɓāl̄ kutə jōó pá tá kadə̄ ngán Israel gə̄ əlan̄ gír nōō kə̄ dɔ Kɔ́ɔ̄ɓē tə́ ɓáý.