JAKARI 11:7 - Bibəl ta Sar̄

⁷ Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

Bible sar

⁷ Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

JAKARI 11:7 Referans Kwoze

JAKARI 11:14

Gō tə́ anī, m̄-tétə̄ kāgə̄ yāḿ kə́ nge ko̰ jōó ń rīn na i ɓoo naā ní kɔ̄ɔ́. Yá̰á̰ ń ɓoo Juda naā tə́ kə Israel adə̄ to tītə̄ kə́ nin̄ i ngákó̰o̰ naā gə̄ beé ní, m̄-tētə̄ yá̰á̰ ní kɔ̄ɔ́ i tītə̄ ń noō.

JAKARI 11:4

Kɔ́ɔ̄ɓē Nə́ɓā yāḿ ədam̄ na batə̄ gə̄ ń i gáŕ kadə̄ a tɔ̄lə̄n̄də́ ní, kə m̄-tél nge kul̄də́.

IJAI 11:4

Ni a gān̄g sarya yā ngé ndoō gə̄ i kə gō róbə́ yá̰á̰ kə́ gōtə́. De kə́ kem ɓēé gə̄ ń de kə́ nge rɔ̄ɔ̄ dɔdə́ tə́ gətóó ní, ni a gān̄g sarya kə́ gōtə́ tām̄ yādə́ tə́. Ni a ənda de kə́ kem ɓē yān tə́ gə̄ kə najə̄ kə́ tan tə́ tītə̄ kə́ i kə sálang kāgāá beē. Najə̄ kə́ tan tə́ a tɔ̄l̄ de kə́ majaĺ gə̄.

SOPONI 3:12

I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

JA̰A̰ 10:16

Batə̄ yāḿ kə́ rang gə̄ i noó ɓáý, ba nin̄ i kem gɔng ń toō tə́ alé, i gáŕ kadə̄ m̄-teē sedə́ ō. Nin̄ a oōn̄ ndūḿ, adə̄ a télən̄ ɓūtə̄ yá̰a̰ kul̄ kə́ kógə̄ḿ beē ō, nge kul̄də́ i kógə̄ḿ beē ō.

MARK 12:37

Ní, dan ń Dabid ɓārə́n na i Kɔ́ɔ̄ɓē ní, loo kadə̄ ni ngōn̄ kaan ɓáý to̰ ní i ba̰ý? Anī kósə de gə̄ ngá̰ý oōn̄ najə̄ yān ní kə rɔ̄nelēé.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

1 SAMUEL 17:43

Pilistin ní ədan na: Mā i bísə́ á ī-reē kə̄ rɔ̄ḿ tə́ kə sálang kāgāá a? Gō tə́ anī Pilistin ní ɓāŕ rī ɓesə̄ yān gə̄ ndɔ̄ĺəń Dabid,

1 SAMUEL 17:40

Ni-un sálang kāgə̄ yān ba aw̄ kum wól man̄ tə́ aw̄ kə̄tó kɔkərɔ̄ kə́ gidədə́ ndə́lē majə gə̄ mí, ba ɓōkə́də́ kem ngong kul̄ yá̰a̰ yān tə́. Gō tə́ anī əhɔ bējə̄ jīn tə́ ba aw̄ kum kə̄ rɔ̄ Goliat tə́.

LEBI GƏ̄ 27:32

Man̄g, aláa batə̄, aláa bə̄yā̰ ń a mān̄ gír jī nge kul̄ yá̰á̰ tə́ ní, kə́ nge ko̰ kutə i yā Kɔ́ɔ̄ɓē.

PĀ GƏ̄ 27:4

m̄-dəje Kɔ́ɔ̄ɓē yá̰á̰ kógə̄ḿ ō, m̄-gḛy kənge gáŕ ō. I kadə̄ m̄-ndi kem kújə yā Kɔ́ɔ̄ɓē tə́ kə dɔ ndɔ̄ gə̄ malang ń m̄-ndiń kə kumḿ ní, yā kadə̄ m-á̰a̰ń majə Kɔ́ɔ̄ɓē ō, m-ə̄ndań kumḿ gíŕ kújə yān tə́ ō.

PĀ GƏ̄ 90:17

Ādə̄ háĺ kə́ sɔl̄ lɔm yā Kɔ́ɔ̄ɓē Nə́ɓā yājí i sejí! Ī-rāā ādə̄ kəla ń jə-rāā kə jījí ní əla ngəran ngan̄g, a̰á̰ā̰, kəla ń toō ń jə-rāā kə jījí ní, ī-rāā ādə̄ ra ngan̄g.

JEREMI 39:10

Ni əya̰ ngé ndoō gə̄ ń əngen̄ yá̰a̰ aĺ ní adə̄ ndin̄ gotoó ō, ba nəɓōdə́ kāgə̄ nduú gə̄ ō, loo ndɔr̄ gə̄ ō.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

MISE 7:14

Kɔ́ɔ̄ɓē, ɔ́ŕ gír deē yāí gə̄ ta róbə kə kāgə̄ yāí ń ā ī-ngɔ̄məń yá̰a̰ kul̄ gə̄ ní. Nin̄ ndin̄ i kə kéŕdə́ dɔ nang kə́ tutə kɔ̄ɔ́ tə́. Kāgə̄ kə́ kan̄ gə̄ gīrə̄n̄ gidədə́. Ɔ́ŕdə́ ta róbə tītə̄ kə́ kété, āw̄ sedə́ dɔ mu gə̄ kə́ Basan tə́ ō, dɔ nang kə́ Galaad tə́ ō!