JAKARI 11:6 - Bibəl ta Sar̄

⁶ Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

Bible sar

⁶ Mā Kɔ́ɔ̄ɓē m-ə́dá wáńg na: Kumḿ a o̰o̰m̄ kə de kə́ dɔ nang tə́ gēé to̰ alé. M-ā m-ə́la deē ndul gə̄ kógə̄ḿ kógə̄ḿ kem jī madə̄ ɓēdə́ gə̄ tə́ ō, kem jī mban̄g yādə́ tə́ ō. Mban̄g gə̄ a nujən̄ dɔ nang kɔ̄ɔ́ malang ō, m-ā m̄-taā deē kógə̄ḿ jīdə́ tə́ yā kəya̰n dɔɔ́ aĺ ō.

JAKARI 11:6 Referans Kwoze

JEREMI 13:14

M-ā m̄-rāā kadə̄ bɔbə̄ ngán gə̄ ō, ngán gə̄ ō, malang tɔ́sə̄n̄ dɔdə́ naā tə́ tɔ̄ɔ̄n̄. De kógə̄ḿ kə́ kadə̄ m-ə́ya̰n karī gətóo. Yá̰á̰ kə́ a ɔgə̄m̄ nujə sedə́ a gətóo. M-ā m-á̰a̰ kum tō ndoō yādə́ aĺ ō, m-ā m̄-mā̰ȳ rɔ̄ḿ dɔdə́ tə́ aĺ ō, kumḿ o̰o̰m̄ sedə́ aĺ ō. Najə̄ ń Kɔ́ɔ̄ɓē əda ní n noó.

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

PĀ GƏ̄ 50:22

Sḭḭ̄ gə̄ ń dɔsí ndígə̄nal Nə́ɓā ní, ə̄ndāī kemsí dɔ najə̄ ń noō tə́ majə. Aĺ anī m-ā m̄-rə́yā̰sí naā tə́ háráńg háráńg kɔ̄ɔ́ ō, de kə́ yā taāsí jīḿ tə́ a gətóo ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

JA̰A̰ 19:15

Banī nin̄-unən̄ ndūdə́ kə̄ dɔɔ́ ngá̰ý ədanə̄ń na: Ādə̄ oy! Ādə̄ oy! Əndan kə máyá̰ tū kāgə̄ kə́ dēsə́ tə́! Pilatə tél ədadə́ na: Kə m-ə́nda mban̄g yāsí kə máyá̰ tū kāgə̄ kə́ dēsə́ tə́ a? Anī Ngol gə̄ kə́ dɔ ngé tun̄ yá̰a̰ gə̄ tə́ tél ədan̄ na: Jḭḭ j-aw̄ kə mban̄g kə́ rang alé, i Sejar ngóy!

MATIYE 24:10

Dan ngeé ń noō tə́ ní, de gə̄ ngá̰ý a əya̰n̄ taā kem kɔ̄ɔ́. Nin̄ a unən̄ dɔ naā yā gātəń ō, a imə̄n̄ naā ō.

MATIYE 10:21

De gə̄ a əlan̄ ngákó̰ó̰də́ gə̄ ta yo tə́ ō, bɔbə̄ ngōn̄ a əla ngōnən ta yo tə́ ō. Ngán gə̄ a ḭḭn̄ yā mbātə́ bɔbə̄də́ gə̄ kə kó̰ó̰də́ gə̄ ō, a əlan̄də́ ta yo tə́ ō.

JAKARI 14:13

Ndɔ̄ ngeé ń noō tə́ ní, Kɔ́ɔ̄ɓē a rāā kadə̄ ɓōĺ kə́ to ɓōĺ ngá̰ý a rāādə́. Nin̄ a rɔ̄ɔ̄n̄ naā ō, nin̄ kógə̄ḿ kógə̄ḿ ń i madə̄ ɓē naā gə̄ ní, a ənīn̄ naā rɔ̄ɔ̄ ō.

JAKARI 11:14

Gō tə́ anī, m̄-tétə̄ kāgə̄ yāḿ kə́ nge ko̰ jōó ń rīn na i ɓoo naā ní kɔ̄ɔ́. Yá̰á̰ ń ɓoo Juda naā tə́ kə Israel adə̄ to tītə̄ kə́ nin̄ i ngákó̰o̰ naā gə̄ beé ní, m̄-tētə̄ yá̰á̰ ní kɔ̄ɔ́ i tītə̄ ń noō.

JAKARI 11:9

Tā anī, m-ə́dádə́ na: M-ā m-á̰a̰ gōsí to̰ alé. Ngé gə̄ ń kadə̄ oyn̄ ní, ādə̄ oyn̄! Ngé gə̄ ń kadə̄ gətóon̄ ní, ādə̄ gətóon̄! Ba ngé gə̄ ń gō tə́ anī nin̄ a ndin̄ kə kumdə́ ɓáý ní, ādə̄ əsan̄ naā!

JAKARI 11:5

Ngé mangdə́ gə̄ tɔ̄lə̄n̄də́, ba ɔjənə̄ń na n rāān̄ yá̰á̰ kógə̄ḿ kə́ majaĺ aĺ ō, ngé gātə̄ sedə́ gə̄ ədan̄ na ādə̄ jə-rāāī Nə́ɓā kə́ra, tām̄ jə-téliī ngé kənge yá̰a̰ gə̄ kɔ̄ɔ́ ō! Ngé kul̄də́ gə̄gē a kumdə́ o̰o̰də́ tām̄ yādə́ tə́ aĺ ō.

JAKARI 8:10

Kété ní, kəla ń de gə̄ rāān̄ ní, deē əgādə́ aĺ ō, kəla ń dā̰ gə̄ rāān̄ ní, deē ənge yá̰á̰ gírí aĺ ō. Deē asə kənī kemən njə̄rań aĺ ō, najə̄ yā madə̄ ba̰ā̰ gə̄ tə́. Tɔdɔ̄ kété ní, m̄-sə̄lā de gə̄ malang dɔ naā tə́.

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.

MISE 6:14

Ā ə́saī yá̰a̰, banī ɓō a rāāsí ɓáý. Ā ī-gerī yá̰á̰ ń i ɓō kə́ əsō ní. Ā ī-ngɔ̄mī yá̰a̰ kəsa tām̄ yāsí tə́, banī a to ta kaw̄ jóo alé. Ba ré ī-ngɔ̄mī yá̰á̰ kə́rēý anī, m-ā m̄-nujəń kɔ̄ɔ́ kə rɔ̄ɔ́.

OJEE 2:10

Ni-a̰a̰ yá̰á̰ ń toō ger̄ alé: I mā n m-ādə̄n gémē ō, kasə nduú kə́ kijə ō, yibə̄ kə́ kijə ō ní. M-ādə̄n gində̄ arjā̰a̰ ō, lɔ́ŕ ō, ɔy aw̄ ndējə̄ ɓesə̄ Baal ní alé. Banī ni ɔy tām̄ yā Baal tə́.

OJEE 1:6

Gomer ndān̄ ngōn̄ ɓáý to̰ ba ojə ngōn̄ kógə̄ḿ kə́ dəyá̰. Anī Kɔ́ɔ̄ɓē əda Ojee na kə əndā rī ngōn̄ ní na i Loo Ruhama ń kumən na i tárəm̄ alé ní. Tɔdɔ̄ m-ā m̄-ɔ́jə́ tár kə̄ ndágá tām̄ yā de gə̄ kə́ Israel tə́ to̰ alé, m-ā m̄-táŕdə́ to̰ aĺ i kə́ bátə́ gə̄ tə́.

EJEKIEL 9:10

Adə̄ m-ā m-ə́yá̰də́ alé, kumḿ a o̰o̰m̄ tām̄ yādə́ tə́ alé. M-ā m̄-rāā kadə̄ yá̰á̰ kə́ majaĺ ń nin̄ rāān̄ ní tél əsō dɔdə́ nin̄ kɔ́ gə̄ tə́.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 3:5

De gə̄ a rāān̄ yá̰a̰ i kə dɔ́nɔ́ kə naá, nin̄ kógə̄ḿ kógə̄ḿ ní, a rāān̄ yá̰a̰ i kə dɔ́nɔ́ kə madə̄də́ gēé, ngásáā gə̄ a rāān̄ de kə́ tɔgə gə̄ yá̰á̰ kə́ majaĺ ō, de kə́ ngáā aĺ gə̄, a rāān̄ de kə́ ngáā gə̄ yá̰á̰ kə́ majaĺ ō.

NŌŌ RƆ̄ 2:21

Balsáa gə̄ ō, de kə́ tɔgə ɓə́ga gə̄ ō, ton̄ nang tə́ kum róbə kɔsə gə̄ tə́. Ngáń kə́ mandə yāḿ gə̄ ō, kə́ balsáa yāḿ gə̄ ō, oyn̄ yo kaskar. Ī-tɔ̄l̄də́ ndɔ̄ wōn̄g yāí tə́ ō, ə́já míndə́də́ kanjə̄ kadə̄ kumií o̰o̰ī ō.

NŌŌ RƆ̄ 5:8

Ɓəlo gə̄ ndin̄ dɔjí tə́, ba de kə́ yā taājí jīdə́ tə́ gətóo.