JAKARI 11:16 - Bibəl ta Sar̄

¹⁶ Tɔdɔ̄ m-ā m-ə́la kə nge kul̄ yá̰á̰ kə́ kijə kadə̄ reē kem ɓēé: Batə̄ gə̄ ń gətóon̄ kɔ̄ɔ́ ní, ni a əndā kumən gōdə́ tə́ aĺ ō, ngé gə̄ ń tadə́ tḭ̄ḭ̄ kɔ̄ɔ́ ní, ni a aw̄ ndəledə́ tə́ aĺ ō, ngé gə̄ ń əngen̄ do ní, ni a ndem̄ ta dodə́ aĺ ō, ngé gə̄ ń rɔ̄də́ ngan̄g ní, ni a adə̄də́ yá̰a̰ kəsa aĺ ō. Banī ni a əsa dā̰ ngé kə́ bo gə̄ ō, a ró̰ȳ hēl̄ njadə́ kɔ̄ɔ́ ō.

Bible sar

¹⁶ Tɔdɔ̄ m-ā m-ə́la kə nge kul̄ yá̰á̰ kə́ kijə kadə̄ reē kem ɓēé: Batə̄ gə̄ ń gətóon̄ kɔ̄ɔ́ ní, ni a əndā kumən gōdə́ tə́ aĺ ō, ngé gə̄ ń tadə́ tḭ̄ḭ̄ kɔ̄ɔ́ ní, ni a aw̄ ndəledə́ tə́ aĺ ō, ngé gə̄ ń əngen̄ do ní, ni a ndem̄ ta dodə́ aĺ ō, ngé gə̄ ń rɔ̄də́ ngan̄g ní, ni a adə̄də́ yá̰a̰ kəsa aĺ ō. Banī ni a əsa dā̰ ngé kə́ bo gə̄ ō, a ró̰ȳ hēl̄ njadə́ kɔ̄ɔ́ ō.

JAKARI 11:16 Referans Kwoze

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.

JA̰A̰ 10:1

Ādə̄ m-ə́dásí najə̄ kə́ bo ngá̰ý, nge ń udə kə ta róbə gɔng batə̄ gēé alé, ba al̄ i dɔ gɔng tə́ n jə̄ngā kemeé ní, i nge ɓogə ō, nge gān̄g róbə ō.

EJEKIEL 34:21

Dā̰ kə́ tɔ́gə́də́ gətóo gə̄ ní, sḭḭ̄ ə̄ndāī kār̄ bɔ̄gə̄sí ī-mbə́rēīneédə́ ō, ī-mbə́rēīdə́ kə kadəsí ō, ī-tɔ́sīdə́ kə gajəsí ō. Ta tɔ̄l̄ ta anī, sḭḭ̄ ī-tə̄ɓāīdə́ kə̄ loo gə̄ tə́ adə̄ nin̄-teēn̄ kɔ̄ɔ́ loo kəsa mu tə́.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

TA KƏLA 33:13

Ba Jakob tél ədan na: Ī-ger̄ kadə̄ ngán gə̄ ngangə̄n̄ aĺ ō, kadə̄ mā i kə kó̰o̰ batə̄ gēé ō, kə kó̰o̰ man̄g gēé ō, kə́ ngáńdə́ gə̄ a ilən̄ i mba ɓáý. Ré deē njə̄rā sedə́ ngá̰ý ndɔ̄ kógə̄ḿ anī a oyn̄ malang.

TA KƏLA 31:38

m̄-rāā ɓāl̄ kutə jōó ɓēé looí ní, kó̰o̰ batə̄ yāí gə̄ ō, kó̰o̰ bə̄yā̰ yāí gə̄ ō, tɔ́rə̄n̄ ngán gə̄ alé. M-ə́sa bal batə̄ kə́ dan yá̰a̰ kul̄ yāí gə̄ tə́ aĺ ō.

DANIEL 11:36

Mban̄g ní a rāā yá̰á̰ ń kemən ndigə ní. Rɔ̄n a nelə̄n ngá̰ý al̄ naā ō, a ɔsə rɔ̄n kə̄ dɔɔ́ dɔ nə́ɓā gə̄ tə́ malang ō, a ndájə̄ najə̄ dɔ Nə́ɓā kə́ dɔ nə́ɓā gə̄ tə́ ō. Ni a aw̄ i kum kə̄ kété kété tū kəla rāān gə̄ tə́ bátə́ kadə̄ wōn̄g yā Nə́ɓā ɔjəń rɔ̄ kə̄ ndágá. Loo ń noō tə́ Nə́ɓā a rāā yá̰á̰ ń əda rī rāā ní.