JAKARI 11:1 - Bibəl ta Sar̄

¹ Sḭḭ̄ mbal̄ bo gə̄ kə́ Liban, ī-teēī ta róbə yāsí gə̄ ō, ādə̄ hor o̰o̰ kāgə̄ sedər yāsí gə̄ ō!

Bible sar

¹ Sḭḭ̄ mbal̄ bo gə̄ kə́ Liban, ī-teēī ta róbə yāsí gə̄ ō, ādə̄ hor o̰o̰ kāgə̄ sedər yāsí gə̄ ō!

JAKARI 11:1 Referans Kwoze

JEREMI 22:23

Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JAKARI 10:10

M-ā m-ɔ́ýdə́ dɔ nang kə́ Ejiptə tə́ yā reē sedə́ gogə́ ō, m-ā m-ɔ́ýdə́ dɔ nang kə́ Asiri tə́ yā kɔsə dɔdə́ naā tə́ ō. M-ā m-ɔ́r nodə́ gō nang kə́ Galaad tə́ ō, dan mbal̄ bo gə̄ kə́ Liban tə́ ō. Nge ń noō gə̄gē loo a asədə́ alé.

Makətūbə̄ yā Aje 1:8

Ālī kə̄ dɔ ngán mbal̄ gə̄ tə́, ī-sāāī kāgə̄ gə̄ ī-reēīń, ba ī-tél ī-rāāī kújə́ kə́ bo yāḿ gogə́ rang. Loo ń noō tə́ a nelə̄m̄ ō, m-ā m-ə́nge kɔsə gɔn tū tə́ ō. I mā Kɔ́ɔ̄ɓē n m-ə́da najə̄ ń noō ní.

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

EJEKIEL 31:3

Ī-to i tītə̄ kāgə̄ sedər kə́ Liban ń ta jīn kə́ tɔ̄ɔ̄ gə̄ majən̄ ngá̰ý ō, ndílən utə̄ dɔ yá̰a̰ malang ō ní. Ni ngāl̄ ngá̰ý kum kə̄ dɔɔ́ adə̄ dɔn ɔdə kil̄ man̄ gə̄.

JAKARI 11:2

Sḭḭ̄ kāgə̄ sipəres gə̄, ī-nōōī ādə̄ oōn̄ ndūsí, tɔdɔ̄ kāgə̄ sedər gə̄ tə́sōn̄ kɔ̄ɔ́. Nujən̄ kāgə̄ kə́ majə ngá̰ý gə̄ ń noō kɔ̄ɔ́. Sḭḭ̄ kāgə̄ sén gə̄ kə́ Basan, ī-nōōī ādə̄ oōn̄ ndūsí, tɔdɔ̄ nujən̄ ku kāgə̄ yāsí kə́ nder̄ nginding kɔ̄ɔ́.

JAKARI 12:6

Kum mbang ngeé ń noō tə́ ní, m-ā m̄-rāā ngār kə́ Juda gə̄ kadə̄ a tél a ton̄ tītə̄ hor kə́ a o̰o̰ gír kīr̄ kə́ kán̄ dɔ naā tə́ bing beé, aláa a ton̄ i tītə̄ mu kə́ ndégə̄ kem jī kógə̄ḿ ba kəla hor tū tə́ gír dɔ do̰ō̰ kōō gə̄ tə́ beē. Gír de kə́ rang gə̄ ń ndi gīrə̄n̄ gidədə́ ní, nin̄ a nujən̄də́ kə̄ ta gə̄ tə́. Banī de kə́ Jerusalem gə̄ a na̰yn̄ kə̄ loo ndi tə́ loo ń toō tə́.