JAKARI 10:9 - Bibəl ta Sar̄

⁹ Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.

Bible sar

⁹ Kété ní, m̄-tə̄ndā m̄-tḭ̄ḭ̄də́ kə̄ loo gə̄ tə́ dan nápar de gə̄ tə́, tītə̄ loo dubə̄ kum yá̰a̰ beé. Ba loo ń nin̄ i kem ɓē kə́ sa̰y gə̄ tə́ anī, a əga kemdə́ dɔḿ tə́. Nin̄ a ndin̄ nú kə ngáńdə́ gēé, ba gō tə́ anī, a télən̄ yā reē.

JAKARI 10:9 Referans Kwoze

EJEKIEL 6:9

A əga kem deē yāsí gə̄ ń teēn̄ ta yo tə́ ní dɔḿ tə́, dɔ dáń nápar de gə̄ ń a əhɔn̄də́ nin̄ dɔ gúú tə́ aw̄n̄ sedə́ dandə́ tə́ ní, nin̄ ń m-ā m̄-tétə̄ ngarā̰ kemdə́ kə́ a rāā ájə́ba ń mbātə́m̄ kɔ̄ɔ́ ní ō, kumdə́ gə̄ kə́ rāān̄ háĺ ájə́ba kə ɓesə̄ yādə́ gēé ō ní. Nin̄ a a̰ā̰n̄ ta kum naā to̰ alé ɔjəń dɔ yá̰á̰ kə́ majaĺ ń nin̄ rāān̄ ní ō, sɔɔ̄ń dɔ yá̰á̰ kə́ majaĺ ngá̰ý gə̄ malang yādə́ ō.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

JEREMI 31:27

Kem ndɔ̄ gə̄ ń a reēn̄ noó tə́ ní, m-ā m̄-dubə̄ de gə̄ ō, dā̰ gə̄ ō, kə́ Israel tə́ ō, Juda tə́ ō tītə̄ loo dubə̄ kōō beé.

IJAI 65:23

Nin̄ a ɔrən̄ ndāńg karī to̰ alé. Nin̄ a ojən̄ ngán gə̄ yā ka̰a̰də́ loo koy tə́ to̰ alé. Tɔdɔ̄ nin̄ rāān̄ rɔ̄də́ i kojə yā ngé gə̄ ń mā m̄-tɔ́r̄ taḿ dɔdə́ tə́ ní, nin̄ gə̄gē ngáńdə́ gə̄gē.

IJAI 65:9

Banī gír de gə̄ yā Jakob ní, m-ā m-ādə̄də́ ngán gə̄, gír ɓē yā Juda ní, m-ā m-ādə̄də́ ngán kaadə́ gə̄. Nin̄ a əngen̄ mbal̄ bo yāḿ gə̄ yá̰a̰ ndəbā tə́. Ngé gə̄ ń m̄-gə̄rādə́ ní a əngen̄ mbal̄ bo yāḿ gə̄ ní, ngé gə̄ ń rāān̄ kəla adə̄mə̄n̄ ní a ndin̄ tū tə́.

ESTER 8:17

Gō nang gə̄ kógə̄ḿ kógə̄ḿ ō, ɓē gə̄ kógə̄ḿ kógə̄ḿ ō ń yá̰a̰ ń mban̄g ndang kadə̄ yā rāā ugə̄ tū tə́ ní, rɔ̄ Jipə kə́ tū tə́ gə̄ nel̄də́ ō, nin̄ ɔjən̄ rɔ̄nel̄ yādə́ kə̄ ndágá ō, rāān̄ yá̰a̰ kəsa kə́ ngá̰ý ō, rāān̄ nāā ō. De gə̄ ngá̰ý dan gír de kə́ rang gə̄ tə́ télən̄ Jipə, tɔdɔ̄ nin̄ ɓōlə́n̄ Jipə gə̄ ngá̰ý.

NEHEMI 1:9

Banī ré gō tə́ jə-tél jə-reē gogə́ rɔ̄í tə́ ba jə-ngɔ̄m̄ gō míndə gə̄ ń ə́dájí kadə̄ jə-rāā ní ō, jə-rāādə́ ō anī, ká ré ɔyn̄jí aw̄n̄ sejí i ta ngóy dɔ rā̰ tə́ gə̄gē anī, ḭ̄ na ā āw̄ gōjí tə́ yā reē sejí loo ń ī-gə̄rā yā kadə̄ rīí i dɔ tə́ ní tə́.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

AMOS 9:9

A̰á̰ā̰, m-ā m-ə́dá yá̰a̰ gə̄ kə́ kadə̄ de gə̄ rāān̄, dan nápar de gə̄ tə́ malang ní, m-ā m̄-yéȳ gír de gə̄ ń i ngán Israel gə̄ ní, tītə̄ ń deē a əgań kum yá̰a̰ kə yḛngəreé noō beē, adə̄ kɔkərɔ kógə̄ḿ a əsō nang tə́ alé.

Makətūbə̄ ń Pol ndang adə̄ Rom gə̄ ní 11:24

Ḭ̄ ń i Jipə aĺ ní, ī-rāā rɔ̄í i ta jī kāgə̄ olibə kə́ bembeé tə́. Gāngə̄n̄ ta jī kāgə̄ olibə kə́ bembeé ní, ba do̰ō̰n̄ tū gír gisə kāgə̄ olibə kə́ ɓēé tə́, adə̄ i kə gō jī loo rāā ń a rāān̄nəń kété gə̄ ní alé. Ba Jipə gə̄ nin̄ i ta jī kāgə̄ olibə kə́ kəhɔ ɓēé, adə̄ tél kəhɔdə́ gogə́ ta gūrūdə́ tə́ i yá̰á̰ kə́ tōr̄ alé.

KƏLA RĀĀ 8:4

Ngé gə̄ ń tə̄ndā tḭ̄ḭ̄n̄də́ kə̄ loo gə̄ tə́ ní, unən̄ gō ɓē gə̄ ba ɔjən̄ de gə̄ Najə̄ kə́ Majə.

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

IJAI 44:21

Israel, gír de gə̄ yā Jakob, ādə̄ əga kemií dɔ yá̰á̰ ń toō tə́: Ḭ̄ i nge kəla yāḿ. Mā m̄-rāāī i yā kadə̄ ī-rāā ādə̄m̄. Israel, dɔḿ ndígə̄nalií alé.

IJAI 64:4

Ngé gə̄ ń rāān̄ yá̰á̰ kə́ gōtə́ kə rɔ̄nelēé ní, ngé gə̄ ń əga kemdə́ dɔí tə́ kadə̄ unən̄ róbə yāí ní, ḭ̄ ī-tə́nī tadə́. Ḭ̄ ī-rāā wōn̄g najə̄ yá̰a̰ rāājí kə́ gōtə́ aĺ gə̄ tə́. Ba ré j-un róbə́ kə́ kété jóo gə̄ anī j-a j-ajə.