JAKARI 10:8 - Bibəl ta Sar̄

⁸ M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

Bible sar

⁸ M-ā m̄-ɓāŕ de gə̄ kə́ dan gír deē yāḿ gə̄ tə́, yā kɔsə dɔdə́ naā tə́. A̰á̰ā̰, m-ā m-ɔ̄r̄də́ ɓəloó ō, kutədə́ a reē ngá̰ý tītə̄ kə́ kété ō.

JAKARI 10:8 Referans Kwoze

IJAI 5:26

Kɔ́ɔ̄ɓē udə dərapóo rɔ̄ɔ̄ kógə̄ḿ dɔɔ́, yā kɔrə̄ń najə̄ kə nápar de gə̄ ń ndin̄ sa̰y ní. Nin̄ ń ndin̄ i ta ngóy dɔ nang tə́ ní, ni-ɓāŕdə́ kə ngélé. Anī gír de gə̄ ní nin̄ n toó, nin̄ reēn̄ láẃ ngá̰ý, njadə́ hɔɔ́lɔ̄.

IJAI 7:18

Ndɔ̄ kógə̄ḿ tə́ anī, Kɔ́ɔ̄ɓē a kɔ̄ŕ yá̰a̰ ta kógə̄ḿ, yā ɓārə́nń kón̄g gə̄ kə́ gō loo ń bā Nil a əsō kum bā bo tə́ tū tə́ ní tə́ ō, tejə gə̄ kə́ dɔ nang kə́ Asiri tə́ ō, kadə̄ reēn̄.

JEREMI 33:22

M-ā m̄-rāā kadə̄ ngán kaa nge kəla yāḿ Dabid ō, ngán kaa Lebi gə̄ ō ń i de kə́ bo yāḿ gə̄ ní, a bəlan̄ ngá̰ý tītə̄ tə́yō̰ gə̄ kə́ dɔ rā̰ tə́ gə̄ ō, nán̄g ngárə̄ḿnjēý kə́ ta bā bo tə́ ō ń deē asə tə́da aĺ ní.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

JAKARI 9:11

Kɔ́ɔ̄ɓē əda na: Sɔɔ̄ń madə̄ naā ń m-ə́hɔ sesí ní ō, mósə́ kə́ ɓōkə́ nang tə́ kə́ ɔjə kadə̄ m-ə́hɔ madə̄ naā sesí rɔ̄kum ō ní, de gə̄ ń əhɔn̄də́ dəngáyá á ton̄ gə́le bəlo taā man̄ ndi kə́ man̄ gətóo kemeé tə́ ní, m-ā m-ɔ̄r̄də́ dəngáyá.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 44:22

m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.

1 MBAN̄G GƏ̄ 4:20

De kə́ Juda tə́ gə̄ ō, kə́ Israel tə́ gə̄ ō, i ngá̰ý tītə̄ nán̄g ngárə̄ḿnjēý kə́ ta bā tə́ beē. Nin̄-əsan̄ ō, a̰ȳn̄ ō, rāān̄ rɔ̄nel̄ ō.

Teē Ngán Israel gə̄ 1:7

Ngán Israel gə̄ ojən̄ naā ngá̰ý adə̄ kutədə́ ō, tɔ́gə́də́ ō i ngá̰ý. Nin̄-taān̄ kem ɓē malang.

JEJU TEĒ KUM JA̰A̰ 7:9

Gō yá̰á̰ ń noō tə́ anī, m-á̰á̰ kósə de kə́ ngá̰ý gə̄, kə́ deē asə tə́dádə́ alé. Nin̄-ḭḭn̄ i kə̄ dan nápar de gə̄ tə́ malang ō, dan gír ɓē gə̄ tə́ malang ō, dan gír de gə̄ tə́ malang ō. Nin̄-ndan̄ kə njadə́ dɔɔ́ ta kōr̄ kāgə̄ mbang tə́ ō, kə̄ no Ngōn̄ batə̄ tə́ ō. O̰ō̰n̄ kūbə̄ ngāl̄ kə́ ndaa gə̄ ō, əhɔn̄ ta jī kāgə̄ túmbur gə̄ jīdə́ tə́ ō.

IJAI 7:19

Nin̄ malang a reēn̄ yā ndi wól man̄ gə̄ kə́ mbal̄ gə̄ i tū tə́ tə́ ō, mbo̰ō̰ mbal̄ kə́ njár̄ gə̄ tə́ ō, kem túpə́ kámbə gə̄ tə́ malang ō, loo malang ń man̄ i tū tə́ ní tə́ ō.

IJAI 48:20

Ī-teēī kɔ̄ɔ́ kem ɓē kə́ Babilon tə́, ā̰yī ɓē ń toō kɔ̄ɔ́. Ə̄nīī mbēr̄ najə̄ kə́ kijə ń toō kə rɔ̄nelēé, ī-selíī najə̄ ní bátə́ ta ngóy dɔ nang tə́. Ə́daī na: Kɔ́ɔ̄ɓē ɔr̄ Jakob nge kəla yān ɓəloó kɔ̄ɔ́.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.