JAKARI 10:7 - Bibəl ta Sar̄

⁷ De kə́ dəngam gə̄ kə́ Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

Bible sar

⁷ De kə́ dəngam gə̄ kə́ *Epəraim a əhɔn̄ rɔ̄də́ tɔgə, tītə̄ go̰ rɔ̄ɔ̄ gə̄ beé. Rɔ̄də́ a nel̄də́, tītə̄ kə́ a̰ȳn̄ i kasə *nduú beé. Dan ń ngáńdə́ gə̄ a̰a̰n̄də́ anī, a rāān̄ rɔ̄nel̄ ō, a ndāmə̄n̄ ndām̄ rɔ̄nel̄ najə̄ yā Kɔ́ɔ̄ɓē tə́ ō.

JAKARI 10:7 Referans Kwoze

JAKARI 9:15

Kɔ́ɔ̄ɓē kə́ bo kə́ tɔ́gən i ngá̰ý a ngɔ̄m̄ de gə̄ kə́ dan gír deē yān gə̄ tə́. Kɔkərɔ gə̄ kə́ kem bējə̄ gə̄ tə́ ní, nin̄ a nujənə̄ń kɔ̄ɔ́ ō, a tɔ̄ɔ̄n̄ kɔ̄ɔ́ ō. A ɓōkə́n̄ mósə madə̄ ba̰ā̰də́ gə̄ nang tə́ tītə̄ kasə nduú beē. Nin̄ a ɓōkə́n̄ tītə̄ mósə dā̰ kə́ tɔ̄l̄ yā tun̄ beé, kem bay ndējə̄ yá̰á̰ tə́, aláa tītə̄ mósə́ kə́ ɓōkə́ tū gajə gə̄ kə́ kíl loo tun̄ yá̰á̰ tə́ beē.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

KƏLA RĀĀ 2:26

I tām̄ ń toó tə́ n kemḿ nelə̄m̄ ō, m-ə̄nā pā kə rɔ̄nelēé ō ní. Ká ré m-óyń kɔ̄ɔ́ gə̄gē anī, m-ə̄ndā kemḿ dɔí tə́

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

Najə̄ kə́ Majə yā Jeju ń Luk ndang ní 1:47

Kɔ́ɔ̄ɓē Nə́ɓā nge kajəḿ rāām̄ adə̄ rɔ̄ḿ nelə̄m̄ ngá̰ý.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

SOPONI 3:14

Ɓē kə́ Siyo̰, ə̄nī pā ō, ī-ndām̄ ō! Sḭḭ̄ de kə́ Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.

JEREMI 32:39

M-ā m-ādə̄də́ ngarā̰ kem ō, háĺ kə́ kógə̄ḿ beē ō, yā kadə̄ ɓōlə́n̄neé ndílə́ḿ ngándáńg tām̄ yā majə yādə́ tə́ ō, tām̄ majə yā ngáńdə́ gə̄ kə́ gotədə́ tə́ ō.

IJAI 66:14

Dan ń ā ī-ndiī dan yá̰á̰ ń noō tə́ anī, kemsí i kə rɔ̄nelēé ō, dā̰ rɔ̄sí a tél yā ndi kə kumneé gogə́ tītə̄ mu kə́ gō man̄ kə́ edə tə́ beē. Kɔ́ɔ̄ɓē a rāā yá̰a̰ kə tɔ́gɔ́ tām̄ yā ngé gə̄ ń rāān̄ kəla adə̄nən̄ tə́ ní, banī madə̄ ba̰ā̰n gə̄ a gerə̄n̄ kɔȳ wōn̄g yān.

IJAI 38:19

I ngé gə̄ ń nin̄ ndin̄ kə kumdə́ ní ngóy n asən̄ kɔsə gɔnií ní, tītə̄ ń mā m-ɔ́səń gɔnií ɓōólaā ní. Ngé kojə ngán gə̄ a ɔjən̄ ngáńdə́ gə̄ kənda kə́ ī-ra dɔ ndūí tə́ kadə̄ gerə̄n̄.

PĀ GƏ̄ 104:15

Kasə nduú rāā adə̄ rɔ̄ de gə̄ nel̄də́ ō, rāā adə̄ ta kumdə́ ndə́lē tɔȳ yibə̄ kə́ ndum ō, yá̰a̰ kəsa tél adə̄də́ tɔ́gə ō.

PĀ GƏ̄ 102:28

Banī ḭ̄ ī-ndi kum gotií, ta tɔ̄l̄ ta ndɔ̄í gətóo.

PĀ GƏ̄ 28:7

Kɔ́ɔ̄ɓē i loo ɓɔ̄ɔ̄ rɔ̄ yāḿ kə́ ngan̄g ngá̰ý ō, i der yāḿ ō. M-ə̄ndā kemḿ dɔn tə́, anī ni dḭḭ̄m̄. Adə̄ m̄-rāā walya ō m-ə̄nī pā m-ɔ́səń gɔnən ō!

PĀ GƏ̄ 13:5

na sōgə́ madə̄ ba̰ā̰ḿ əda na n-tetəm̄ rɔ̄ɔ̄ ō, ngé rɔ̄ɔ̄ḿ gə̄ tɔ̄ȳn̄ jīdə́ dɔḿ mā ń m̄-to nang tə́ ní ō.

1 SAMUEL 2:1

Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

TA KƏLA 43:34

Jəjep adə̄ aw̄n̄ kə yá̰a̰ kəsa gə̄ ń ndin̄ non tə́ ní adə̄n̄də́, ba Benjamḛ tá ənge tɔȳ madə̄n gə̄ nja mí. A̰ȳn̄ kasə nduú naā tə́ kə Jəjepé ō, rɔ̄də́ nel̄də́ mbak ō.

TA KƏLA 18:19

m̄-gə̄rān i tām̄ kadə̄ əndā dɔ ngánən gə̄ tə́ ō, dɔ ngán kaan gə̄ tə́ ō, kadə̄ unən̄ róbə yāḿ, kadə̄ háĺdə́ i gōtə́ ō, súmūú ō, yā kadə̄ m̄-rāań yá̰á̰ ń m-ə̄nī míndə́ḿ yā rāā kadə̄n ní.

KƏLA RĀĀ 13:33

ni-rāā yá̰á̰ ní ngɔlaā adə̄jí jḭḭ̄ ngán kaadə́ gə̄. Tɔdɔ̄ Jeju ń oy ní, ni-ndólən dan de kə́ koy gə̄ tə́, tītə̄ ń ndangən̄ kem makətūbə̄ Pā gə̄ tə́ dɔ ninə̄n i jōó ní. Ndangən̄ na: I ḭ̄ n i Ngōnə̄ḿ ní, əla gír ɓōólaā ní mā i Bɔbí.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

PĀ GƏ̄ 90:16

Ādə̄ ngé kəla yāí gə̄ a̰a̰n̄ kəla rāāí kə kumdə́ ō, ādə̄ ngáńdə́ gə̄ a̰a̰n̄ ndə́lē ń ī-ndə́lē ngá̰ý ní ō.

PĀ GƏ̄ 33:21

Rɔ̄nel̄ kə́ kemjí tə́ ḭḭ i rɔ̄n ni tə́ ō, jḭḭ̄ j-əndāī kemjí i dɔ rīn kə́ táĺ ngá̰ý tə́ ō.

IJAI 54:13

Ngání gə̄ malang ní, m-ā m̄-ndóōdə́ yá̰a̰ ō, nin̄ a ndin̄ dan majə tə́ ō.

EJEKIEL 37:25

Ā ī-ndiī kem ɓē ń m-ādə̄ nge kəla yāḿ Jakob tə́ ní, loo ń kaasí gə̄ ndin̄ tū tə́ kété tə́ ní. Ā ī-ndiī noó i kə́ njɔ́ḿ gə̄ tə́, sḭḭ̄ gə̄gē, ngáńsí gə̄ gə̄gē, ngán kaasí gə̄ gə̄gē, kaa gugə̄sí gə̄ gə̄gē. Ā ə́ngeī ngār kə́ tītə̄ nge kəla yāḿ Dabid i kə́ njɔ́ḿ gə̄ tə́.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.

IJAI 25:9

Ba ndɔ̄ ngeé ń noō tə́ ní, a ədan̄ na: I ni n i Nə́ɓā yājí ní. Kété ní j-əndā kemjí i dɔn tə́ ō, ni ajəjí ō. A̰á̰ā̰, kété ní j-əndā kemjí i dɔ Kɔ́ɔ̄ɓē tə́. Ādə̄ jə-ndāmī ndām̄ rɔ̄nel̄, ādə̄ jə-rāāī rɔ̄nel̄: Ni ajəjí!

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.