JAKARI 10:6 - Bibəl ta Sar̄

⁶ M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

Bible sar

⁶ M-ā m-ə́la go̰ kem de gə̄ kə́ Juda tə́. M-ā m-ájə́ ngán Israel gə̄. M-ā m̄-tél sedə́ yā reē sedə́ gogə́ ɓēé, tām̄ kumḿ o̰o̰m̄ sedə́. Nin̄ a ton̄ tītə̄ kə́ m̄-mbātə́də́ kété aĺ beē. A̰á̰ā̰, mā i Kɔ́ɔ̄ɓē, Nə́ɓā yādə́ ō, m-ā m̄-dal ndɔ̄ȳ yādə́ gə̄ ō.

JAKARI 10:6 Referans Kwoze

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JAKARI 10:12

M-ā m-ādə̄ gír deē yāḿ gə̄ tɔ́gə ō, nin̄ a rāān̄ yá̰á̰ kə́ nelə̄m̄ ō. I mā Kɔ́ɔ̄ɓē n m-ə́da najə̄ ń noō ní.

JEREMI 3:18

Kem ndɔ̄ gə̄ ń noō tə́ ní, ngé kə́ Juda tə́ gə̄ ō, ngé kə́ Israel tə́ gə̄ ō, a télən̄ yā reē naā tə́ mbak. Nin̄ a ḭḭn̄ dām̄ mbɔ́r ɓē kə́ ko̰ó̰ tə́ yā reē kugə̄ kem ɓēé ń m-ādə̄ kaadə́ gə̄ ní tə́.

JAKARI 8:11

Ba ngɔlaā ní, mā Kɔ́ɔ̄ɓē kə́ bo kə́ tɔ́gən i ngá̰ý m-ə́dá wáńg na: De gə̄ kə́ dan gír de gə̄ ń toō tə́ ń teēn̄ ta yo tə́ ní, m-ā m̄-rāādə́ yá̰á̰ ń m̄-rāā sedə́ kété ní to̰ alé.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

IJAI 41:10

Ī-lōō ɓōĺ, na mā i naā tə́ seí. Ī-lōō ka̰a̰ loo kə́ gidií tə́ kə sōlōó. A̰á̰ā̰, Nə́ɓā yāí i mā. m̄-rāā adə̄ tɔ́gí to. m̄-reē dḭḭ̄ tə́ ō, m̄-ngɔ̄mī kə jīḿ kə́ kə tɔ́gɔ́ ō kə́ tetə rɔ̄ɔ̄ ō.

MISE 7:16

Nápar de gə̄ a a̰a̰n̄də́. Tɔ́gə́də́ i ngá̰ý ɓá tā, banī rɔ̄də́ a sɔl̄də́. Nin̄ a gerə̄n̄ yá̰á̰ kə́ yā kəda aĺ ō, a gḛyn̄ koō yá̰á̰ kógə̄ḿ aĺ ō.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

MISE 4:13

Kɔ́ɔ̄ɓē əda na: Sḭḭ̄ de kə́ Jerusalem gə̄, ḭ́ḭī dɔɔ́ ə́ndaī kōō gémē! M-ā m̄-rāāsí kadə̄ ā ī-ngangī tītə̄ man̄g kə́ gajən i gində̄ ō, hēl̄ njan gə̄ i gində̄ nə̄ngá kasə ō. Sḭḭ̄ ā ī-rējī gír de gə̄ ngá̰ý. Yá̰a̰ kənge yādə́ gə̄ ń ā ī-taāī jīdə́ tə́ ní ā ī-gɔ̄mī tām̄ yāḿ mā Kɔ́ɔ̄ɓē ń i kɔ́ɔ̄ dɔ nang malang ní tə́.

OJEE 2:23

Kɔ́ɔ̄ɓē əda na: Ndɔ̄ ń noō tə́ ní, m-ā m-ādə̄ yá̰á̰ ń dɔ rā̰ ndi a ngóō ta jīḿ tə́ ní ō, dɔ rā̰ a adə̄ yá̰á̰ ń dɔ nang ndi a ngóō ta jīn tə́ ní ō.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

EJEKIEL 39:25

I beé ní, yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, kumḿ a o̰o̰m̄ tām̄ yā Israel gə̄ tə́, kumḿ a o̰o̰m̄ tām̄ yā ngé gə̄ ń Jakob ojədə́ ní tə́. M-ā m̄-tél kə dəngáy yādə́ gēé yā reē sedə́ gogə́ ō, m-ā m̄-rā kə de gə̄ malang ta ɓōĺ gidə rīḿ kə́ táĺ ō.

EJEKIEL 37:16

Ḭ̄ ngōn̄ deē, ún dugə̄jū kāgə̄ kógə̄ḿ ba ī-ndang najə̄ ń toō dɔ tə́: Juda ō, Israel gə̄ kə́ kem ɓē ko̰o̰ ń toō tə́ ō. Gō tə́ anī, ún dugə̄jū kāgə̄ kə́ rang ba ī-ndang dɔ tə́ na: Jəjep, aláa Epəraim ō, Israel gə̄ kə́ kem ɓē ko̰o̰ ń toō tə́ ō.

EJEKIEL 36:11

Kutə de gə̄ gē dā̰ gē a reē ngá̰ý kə̄ dɔ naā tə́ kə̄ loo gə̄ tə́ malang. Ā ójiī ngán gə̄ ō, kutəsí a reē ngá̰ý ō. De gə̄ a ton̄ ngá̰ý kem ɓēé tītə̄ kə́ kété ō, ā ə́ngeī yá̰a̰ tɔȳ kə́ kété ō. Loo ń noō tə́ ā ī-gerī kadə̄ Kɔ́ɔ̄ɓē i mā.

JEREMI 31:31

Ndɔ̄ gə̄ ń a reēn̄ noó tə́ ní, m-ā m-ə́hɔ madə̄ naā kə́ kijə kə de kə́ gír yā Israel tə́ gə̄ ō, kə kə́ gír yā Juda tə́ gə̄ ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

JEREMI 31:1

Kem ndɔ̄ gə̄ ń noō tə́ ní, m-ā m̄ tél Nə́ɓā yā gír kojə gə̄ malang kə́ Israel tə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

PĀ GƏ̄ 89:21

M-ə́nge nge kəla yāḿ Dabid, m-ɔ̄r̄ kamə̄n kə yibə̄ kə́ táĺ.

MISE 4:6

Kɔ́ɔ̄ɓē əda kə̄ ndágá wáńg na: Ndɔ̄ ń noō tə́ ní, ngé gə̄ ń əngen̄ do ní, m-ā m-ɔ́sə dɔdə́ naā tə́ ō, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní ō, ngé gə̄ ń m̄-rāādə́ yá̰á̰ kə́ ngan̄g ní ō, m-ā m̄-kán̄də́ kə ɓūtə̄də́ gēé.

ABƏDIAS 1:18

Kojə yā Jakob ō, yā Jəjep ō, a ton̄ tītə̄ hor beé. Nin̄ a nujən̄ de gə̄ kə́ kem kojə yā Esau tə́ malang kɔ̄ɔ́ tītə̄ mu beé. De kə́ yā ndi kə kumneé a gətóo. I mā Kɔ́ɔ̄ɓē n m-ə́da najə̄ ń noó ní.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

IJAI 11:12

Ni a udə dərapóo rɔ̄ɔ̄ yā tāań nápar de gə̄ ngeé ń toō najə̄ yá̰á̰ ń ni sāā rāā tə́ ní. Israel gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni a ɔsə dɔdə́ naā tə́ ō, Juda gə̄ ń aw̄n̄ kə̄ kíl dɔ nang kə́ sɔ́ gə̄ tə́ ní, ni a kán̄də́ kə̄ naā tə́ ō.

IJAI 54:4

Ī-lōō ɓōĺ na rɔ̄í a sɔlī ngá̰ý to̰ alé. Ī-lōō kadə̄ kemií nujə na a tájīn̄ to̰ alé. Dɔí a ndígə̄nal rɔ̄í ń sɔlī dan ń ī-na̰y ngōn̄ ɓáý tə́ ní. Ndū gə̄ ń tájīn̄ dan ń ḭ̄ i dəyá̰ kə́ ngaa koy ní, dɔí a ndígə̄nal kɔ̄ɔ́.

IJAI 54:8

Wōn̄g rāām̄ seí ngá̰ý, adə̄ m̄-mbātə́ ka̰a̰ī kum mbang kə́ sḛý beē tə́. Banī m-ɔ́jiī kemḿ kə́ gḛyiī kə táŕ kə́ ta tɔ̄l̄ tan gətóo. I mā Kɔ́ɔ̄ɓē, mā ń i nge taā kəya̰ī dɔɔ́ ní n m-ə́daī najə̄ ń noō ní.

JAKARI 1:16

I tām̄ najə̄ ń toō tə́ n m-ə́da najə̄ ń toō ní, mā ń i Kɔ́ɔ̄ɓē kə́ bo kə́ tɔ́gə́ḿ i ngá̰ý ní. M-ā m̄-tūr̄ rɔ̄ḿ kə̄ rɔ̄ Jerusalem tə́ ɓáý to̰ kə kem kə́ majaá. Loo ń noō tə́ a télən̄ yā rāā kújə́ kə́ bo yāḿ gogə́ rang ō, a télən̄ yā rāā ɓē gogə́ rang ō.

JAKARI 9:16

Ba ndɔ̄ ngeé ń noō tə́ ní, Kɔ́ɔ̄ɓē Nə́ɓā yādə́ a ajədə́, tītə̄ ń nge ngɔ̄m̄ yá̰a̰ kul̄ a ajəń ɓūtə̄ yá̰a̰ kul̄ yān gə̄ ní beē. Nin̄ a ndílēn̄ kem ɓē yān tə́ tītə̄ mbal̄ gə̄ kə́ gātə̄də́ i ngá̰ý gə̄, kə́ tə́lan̄ tū jākā mbang tə́ beē.

JEREMI 30:20

Ngánən gə̄ a télən̄ yā ndi majə tītə̄ kə́ kété ō, deē yān gə̄ a télən̄ yā kán̄ naā majə ta kumḿ tə́ ō. Ngé rāā kumən ndoō tə́ gə̄ malang ní m-ā m-ɔ́jə́də́ kum ō.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

MISE 5:3

Ba ni kə́ ngār ń ədan̄ najə̄ yān kété ní, a ḭḭ yān ō, a tél nge kul̄də́ ō, kə ta kūl̄ tɔ́gə yā Kɔ́ɔ̄ɓēé ō, kə ta kūl̄ ndi kə́ to kɔsə gɔn yā Kɔ́ɔ̄ɓē Nə́ɓā yān ō. De gə̄ kə́ dan gír deē yān gə̄ tə́ a ndin̄ kanjə̄ sōl̄ yá̰á̰ kógə̄ḿ. Tām̄ tɔ́gən a aw̄ bátə́ yā kugə̄ ta ngóy dɔ nang tə́.