JAKARI 10:5 - Bibəl ta Sar̄

⁵ Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

Bible sar

⁵ Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

JAKARI 10:5 Referans Kwoze

Makətūbə̄ yā Aje 2:22

M-ā m̄-mbə́rē mban̄g gə̄ yā tə́nīdə́ ō, m-ā m̄-nujə tɔ́gə yā ɓē ko̰o̰ gə̄ kə́ dɔ nang tə́ ō, m-ā m̄-mbə́rē púsə rɔ̄ɔ̄ gə̄ kə ngé kal̄də́ gēé yā tə́nīdə́ ō. Tɔ́gə́ sə́nda gə̄ a gətóo ō, ngé kal̄də́ gə̄ a tɔ̄lə̄n̄ naā ō.

JAKARI 12:8

Kum mbang ngeé ń noō tə́ ní, Kɔ́ɔ̄ɓē a ngɔ̄m̄ de kə́ Jerusalem gə̄. De kə́ tɔ́gə́də́ gətóo al̄ naā gə̄ kə́ dandə́ tə́, a télən̄ de kə́ ngan̄g tītə̄ Dabid gə̄. Tām̄ yādə́ nin̄ tə́ ɓáa, de gə̄ kə́ kem kojə yā Dabid tə́, a ton̄ i tītə̄ Nə́ɓā beé ta kumdə́ tə́, a ton̄ tītə̄ de kə́ dɔ rā̰ tə́ yā Kɔ́ɔ̄ɓē beé.

JAKARI 9:13

M-ā m-ún dɔ nang kə́ Juda tītə̄ loo kun ga̰ gərā kə́ yā rɔ̄ɔń beē. Epəraim a rāā rɔ̄n i kum gərā tə́. Ḭ̄ ɓē kə́ Jerusalem, m-ā m-ə́lá ngání gə̄ kadə̄ aw̄ ənīn̄ Gərek gə̄ rɔ̄ɔ̄. M-ā m-úńdə́ yā rāań kəla tītə̄ kaskar yā nge rɔ̄ɔ̄ beē.

PĀ GƏ̄ 20:7

Ngɔlaā m̄-ger̄ tā: Kɔ́ɔ̄ɓē tetə rɔ̄ɔ̄ adə̄ mban̄g ń ni gə̄rān ní. Ndi i kə̄ kem loo kə́ táĺ yān kə́ dɔ rā̰ tə́ tə́ n oōń ndūn ní. Jī ko̰n rāā yá̰á̰ kə́ to rī ɓār̄ tetəń rɔ̄ɔ̄ adə̄n.

2 TIMOTE 4:7

m̄-rɔ̄ɔ̄ rɔ̄ɔ̄ kə́ majə, m̄-tɔ̄l̄ ta ngɔ̄də̄ yāḿ, m̄-ngɔ̄m̄ taā kem yāḿ.

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

KƏLA RĀĀ 7:22

Ndóōn̄ Moijə yá̰a̰ malang ń de kə́ Ejiptə tə́ gə̄ gerə̄n̄ ní. Adə̄ ni-tél de kə́ tɔ́gən i ngá̰ý tū najə̄ kɔrə̄n tə́ ō, tū kəla rāān gə̄ tə́ ō.

Najə̄ kə́ Majə yā Jeju ń Luk ndang ní 24:19

Jeju tél dəjedə́ ké i yá̰á̰ rí gə̄ wa. Anī nin̄-tél ədanən̄ na: Yá̰a̰ gə̄ ń reēn̄ dɔ Jeju kə́ Najaret kə́ nge koō ta, kə́ rāā kəla kə tɔ́gɔ́ ō, ɔr̄ najə̄ kə tɔ́gɔ́ ō, ta kum Nə́ɓā tə́ ō, ta kum ngán Israel gə̄ tə́ malang ō ní, ḭ̄ ōō aĺ a?

MATIYE 4:3

Loo ń noō tə́ diabəl reē rɔ̄n tə́ ngɔr ba ədan na: Ré ḭ̄ i Ngōn̄ Nə́ɓā anī, ə́da kūbə̄rū mbal̄ gə̄ ń toō ādə̄ télən̄ mápa.

JAKARI 14:13

Ndɔ̄ ngeé ń noō tə́ ní, Kɔ́ɔ̄ɓē a rāā kadə̄ ɓōĺ kə́ to ɓōĺ ngá̰ý a rāādə́. Nin̄ a rɔ̄ɔ̄n̄ naā ō, nin̄ kógə̄ḿ kógə̄ḿ ń i madə̄ ɓē naā gə̄ ní, a ənīn̄ naā rɔ̄ɔ̄ ō.

JAKARI 14:3

Loo ń noō tə́ Kɔ́ɔ̄ɓē a rɔ̄ɔ̄ gír de kə́ rang gə̄. Ni a rɔ̄ɔ̄ tītə̄ ń a rɔ̄ɔń dan yā rɔ̄ɔ̄ gə̄ tə́ ngándáńg ní.

JAKARI 12:4

Kum mbang ngeé ń noō tə́ ní, mā Kɔ́ɔ̄ɓē m-ə́dá wáńg na: M-ā m-ə́la ɓōĺ kem sə́nda gə̄ tə́ malang ō, ngé kal̄də́ gə̄ a a̰ȳn̄ kɔ̄r̄ ō. M-ā m-ə̄ndā kumḿ gō ɓē kə́ Juda tə́, banī sə́nda gə̄ malang yā nápar de gə̄ ní, m-ā m̄-rāādə́ kadə̄ kumdə́ a̰a̰ loo alé.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

AMOS 2:15

Nge kur gərā a asə ra dɔɔ́ aĺ ō, nge ka̰ȳ ngɔ̄də̄ a teē kum tə́ aĺ ō, ngé kal̄ sə́nda a ajə rɔ̄n aĺ ō.

EJEKIEL 38:15

Ɓē yāí ń ndi i ta ngóy dɔ nang tə́ dām̄ mbɔ́r ɓē kə́ ko̰ó̰ tə́ ní, ā ḭ́ḭ tū tə́ yā reē, naā tə́ kə áskar gə̄ yā ɓē gə̄ kə́ gíŕdə́ i ngá̰ý. Sḭḭ̄ malang ní ā ī-ndiī i dɔ sə́nda gə̄ tə́ ō, kutəsí i ngá̰ý ō, ā ī-téliī ngé rɔ̄ɔ̄ gə̄ kə́ tɔ́gə́də́ i ngá̰ý ō.

IJAI 41:12

Ngé rɔ̄ɔ̄í gə̄ ní, ā ī-sāādə́ banī ā ə́ngédə́ to̰ alé. De gə̄ ń toō ń rɔ̄ɔ̄īn̄ ní, a nujən̄də́ kɔ̄ɔ́ ō, nin̄ a hində̄n̄ lim kɔ̄ɔ́ ō.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

IJAI 8:9

Sḭḭ̄ gír de gə̄, ī-ndewiī ō, ādī ɓōĺ tɔ̄l̄sí kɔ̄ɔ́ ō! Sḭḭ̄ ɓē gə̄ ń ī-ndiī ta ngóy dɔ nang tə́ ní, ī-nēlī mbīsí majə! Ásiī kəndā dɔ rɔ̄sí danaá majə tām̄ yā rɔ̄ɔ̄ tə́, banī ɓōĺ to a ngóōsí noō. A̰á̰ā̰, ásiī kəndā dɔ rɔ̄sí danaá majə tām̄ yā rɔ̄ɔ̄ tə́, ba ɓōĺ to a ngóōsí noō!

PĀ GƏ̄ 45:3

Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

PĀ GƏ̄ 33:16

I kutə ngé rɔ̄ɔ̄ kə́ ngá̰ý gə̄ n a ajə mban̄g ní a? I tɔ́gə kə́ ngá̰ý n a ajə go̰ rɔ̄ ní a?

PĀ GƏ̄ 18:42

Nin̄ əgan̄ kɔŕ banī deē dḭḭ̄də́ alé. Nōōn̄ kə̄ dɔ Kɔ́ɔ̄ɓē tə́ banī ədadə́ najə̄ alé.

2 SAMUEL 22:43

m̄-rāādə́ bumbə́rú tə́. m̄-rējə̄də́, m̄-tə́ɓādə́ tītə̄ bɔr kə́ kum róbó beē.

2 SAMUEL 22:8

Loo ń noō tə́ dɔ nang ndebə ō, dɔ rā̰ yéȳ ō. Dan ń wōn̄g rāā Kɔ́ɔ̄ɓē ní, dɔ rā̰ ō, dɔ nang ō ndewn̄.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

JOJUE 10:42

Jojue tetə mban̄g gə̄ ń nuū rɔ̄ɔ̄ gidə kógə̄ḿ ō, taā dɔ nang yādə́ ō, tɔdɔ̄ Kɔ́ɔ̄ɓē Nə́ɓā yā Israel n rɔ̄ɔ̄ tām̄ yā Israel tə́ ní.

JOJUE 10:14

Kété no ndɔ̄ ń nuū tə́, aké gō ndɔ̄ ń nuū tə́ ní, ndɔ̄ kə́ rang kə́ tītə̄ ndɔ̄ ń nuū gətóo. I ndɔ̄ ń nuū tə́ ngóy n Kɔ́ɔ̄ɓē raań yá̰a̰ kə gō ń deē ndul dəjenəń ní. Tɔdɔ̄ i Kɔ́ɔ̄ɓē nəkɔ́ n rɔ̄ɔ̄ tām̄ yā ngán Israel gə̄ tə́ ní.

NDŪ NAJƏ̄ 20:1

Ré āw̄ yā rɔ̄ɔ̄ madə̄ ba̰ā̰í gə̄, ba á̰á̰ sə́nda gə̄ ō, púsə rɔ̄ɔ̄ gə̄ ō, kósə de gə̄ kə́ kutədə́ i ngá̰ý tɔȳ yāí ō anī, ī-lōō ɓōĺ. Tɔdɔ̄ Kɔ́ɔ̄ɓē Nə́ɓā yāí ń teē seí kɔ̄ɔ́ kem ɓē kə́ Ejiptə tə́ ní i naā tə́ seí.

JEJU TEĒ KUM JA̰A̰ 19:17

Gō tə́ anī, m-á̰a̰ de kə́ dɔ rā̰ tə́ kógə̄ḿ ra kum mbang tə́ kə njan kə́ dɔɔ́. Ni-əga kɔŕ ngá̰ý ədań yel̄ gə̄ malang ń nēlə̄n̄ ɓōdə̄ rā̰ tə́ dɔɔ́ ní na kə reēn̄ kə ɔsən̄ dɔdə́ naā tə́ tām̄ yā yá̰a̰ kəsa kə́ ngá̰ý ń Nə́ɓā na a rāā tə́ ní.

2 TIMOTE 4:17

Banī Kɔ́ɔ̄ɓē ra rɔ̄ḿ tə́, ni-adə̄m̄ tɔ́gə adə̄ m-ɔ́jəń de gə̄ ń nin̄ i Jipə aĺ gə̄ ní najə̄ yān malang kə taá ō, ni ɔrə̄m̄ kɔ̄ɔ́ ta ɓɔl tə́ ō.

KƏLA RĀĀ 18:24

Jipə kógə̄ḿ kə́ rīn na i Apolos reē ugə̄ kem ɓē kə́ Epejə tə́. Ojənən̄ i Aleksandəri. I de kə́ nge gōsə̄ najə̄ ō, i de kə́ ger̄ najə̄ gə̄ kə́ kem makətūbə̄ yā Nə́ɓā tə́ ngá̰ý ō.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

PĀ GƏ̄ 44:5

Ɓɔ́ Nə́ɓā, ḭ̄ ń i mban̄g yāḿ ní, ādə̄ ndūí anī Jakob a tetə rɔ̄ɔ̄.

IJAI 41:25

m̄-rāā adə̄ deē kógə̄ḿ ḭḭ dām̄ mbɔ́r ɓē kə́ ko̰ó̰ tə́ a reé noó. Loo ń mbang əɓa tū tə́ ní, m̄-ɓārə́n kə rīneé. Ni rējə̄ ngé kɔr no de gə̄ tītə̄ loo mbə̄sā bɔr beé, tītə̄ ń kɔdə̄ jóo a rējəń nánjə kə jīneé ní beē.

MISE 5:8

Gír de gə̄ yā Israel, ə̄nī madə̄ ba̰ā̰í gə̄ rɔ̄ɔ̄. Ī-rāā ādə̄ ngé rɔ̄ɔ̄í gə̄ malang gətóon̄!

2 MBAN̄G 9:33

Yehu ədadə́ na kə mbəren̄ Jesabel kadə̄ əsō nang tə́. Nin̄ mbərenən̄ adə̄ əsō. Mósən kə̄rā tū ndogə̄ mbal̄ tə́ ō ɔdə sə́nda gə̄ ō. Yehu tə́ɓān kə njaneé.

IJAI 31:1

Ngé kaw̄ dɔ nang kə́ Ejiptə tə́ sāā de kə́ ngé rāā sedə́ gə̄ tə́ ní, i yá̰á̰ kə́ to kum kaȳ aĺ kə́ ba̰ý beē n i tām̄ yādə́ tə́ ní! Nin̄ əndān̄ tɔ́gə́də́ i dɔ sə́nda gə̄ tə́, nin̄ əndān̄ kemdə́ i dɔ púsə rɔ̄ɔ̄ gə̄ tə́, tām̄ púsə rɔ̄ɔ̄ gə̄ i ngá̰ý ō, əndān̄ kemdə́ i dɔ ngé kal̄ sə́nda gə̄ tə́, tām̄ nin̄ ngangə̄n̄ ngá̰ý ō. Banī nin̄ a̰a̰n̄ loo kum kə̄ rɔ̄ Nə́ɓā kə́ táĺ yā Israel tə́ alé. Nin̄ sāān̄ Kɔ́ɔ̄ɓē alé.