JAKARI 10:4 - Bibəl ta Sar̄

⁴ Ngār kə́ tayā tayā gə̄ a ḭḭn̄ Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

Bible sar

⁴ Ngār kə́ tayā tayā gə̄ a ḭḭn̄ *Juda yā reē. Nin̄ ngangə̄n̄ tītə̄ mbal̄ kə́ majə tām̄ yā kújə́ tə́ beē, tītə̄ bēl̄ gə̄ kə́ yā kənda nang tə́ do̰ō̰ń kújə tandā beé, tītə̄ ga̰ gərā kə́ yā rɔ̄ɔń beē.

JAKARI 10:4 Referans Kwoze

JAKARI 9:10

Ni a rāā kadə̄ púsə rɔ̄ɔ̄ gə̄ kə́ Epəraim gətóon̄ kɔ̄ɔ́ ō, ni a rāā kadə̄ sə́nda gə̄ kə́ Jerusalem gətóon̄ kɔ̄ɔ́ ō. Ni a tétə̄ ga̰ gərā gə̄ kə́ yā rɔ̄ɔń kɔ̄ɔ́ ō, a rāā kadə̄ lɔm to dan nápar de gə̄ tə́ ō. Əla gír bā katə̄ tə́ bátə́ bā bo kə́ no ɓē tə́ ō, bā Opəratə tə́, bátə́ ta ngóy ɓē kə́ dām̄ kə́ rang tə́ ō ní, ni i ngol de gə̄.

JAKARI 9:8

M-ā m̄-njə̄rā kə gō gidə ɓē yāḿ yā kəndāń kumḿ gírən tə́, ba rɔ̄ɔń dɔn tə́, najə̄ yā madə̄ ba̰ā̰ gə̄ ń a aw̄n̄ ō, a télən̄ ō ní tə́. Ngār kógə̄ḿ kə́ tə̄rā a reē yā rējə̄ gír deē yāḿ gə̄ to̰ alé. Tām̄ ngɔlaā ní, m-ə̄ndā kumḿ gír deē yāḿ gə̄ tə́.

TƏ́DA 24:17

Ōōī najə̄ kɔrə̄ḿ: M-á̰á̰ yá̰á̰ ń a rāā yā reē ní, ba a reē i kə́ ngɔr ń toō tə́ aĺ ɓáý. M-ə̄ndā ma̰ȳ yá̰á̰ kógə̄ḿ kə́ a rāā yá̰a̰ m-á̰a̰ m̄-ger̄. Ba i yá̰á̰ kə́ a rāā yá̰a̰ i ndɔ̄ń tə́ ɓáý. Yá̰á̰ ní n toó: Tə́yō̰ kógə̄ḿ teē gír kaa yā Jakob tə́, nge ko̰o̰ ɓē kógə̄ḿ teē dan ngán Israel gə̄ tə́, tə̄ndā no de gə̄ kə́ Moab gə̄ ō, dɔ ngán Set gə̄ ō, kə kāgə̄ ko̰o̰ ɓē kə́ jīn tə́.

JEJU TEĒ KUM JA̰A̰ 17:14

Nin̄ a rɔ̄ɔ̄n̄ Ngōn̄ Batə̄, ba Ngōn̄ Batə̄ a tetədə́ rɔ̄ɔ̄, tɔdɔ̄ ni i Kɔ́ɔ̄ɓē kə́ dɔ Kɔ́ɔ̄ɓē gə̄ tə́ ō, mban̄g kə́ dɔ mban̄g gə̄ tə́ ō. Ngé gə̄ ń ni-ɓāŕdə́ ō, ngé gə̄ ń ni gə̄rādə́ ō, ngé gə̄ ń ran̄ dɔ ndūdə́ tə́ ō ní, a tetən̄ rɔ̄ɔ̄ seneé ō.

2 TIMOTE 2:4

Náā nəkɔ́ ń udə áskaraá á sāā rāā yá̰á̰ kə́ nel̄ deē ń unən áskaraá ní, a ɔr̄ kemən kɔ̄ɔ́ dɔ yá̰a̰ rāā de kə́ karī gə̄ tə́.

MATIYE 9:38

ní ī-dəjeī kɔ́ɔ̄ kōō ní adə̄ əla kə de gēé kadə̄ əjan̄ kōō yān ní.

JEREMI 1:18

Ɓōólaā m-ə̄ndāī dɔ ɓē tə́ kə taá malang tītə̄ ɓē bo kə́ ngan̄g ngá̰ý ō, tītə̄ ngaa dan gində̄ ō, tītə̄ ndogə̄ mbal̄ kə́ rāā kə gində̄ nə̄ngá kasaá ta kum mban̄g gə̄ kə́ Juda tə́ ō, de kə́ bo gə̄ tə́ ō, ngé tun̄ yá̰a̰ yān gə̄ tə́ ō, ta kum gír de kə́ kem ɓēé gə̄ tə́ ō.

IJAI 54:16

A̰á̰ā̰, i mā n m̄-rāā kɔdə̄ ní, ni tóo yā̰l̄ hor kə́ ajə ying gə̄ kə ndúbə ō, ni-rāā yá̰a̰ rɔ̄ɔ̄ kə́ tayā tayā gə̄ ō. Deē ń asə nujə yá̰a̰ rɔ̄ɔ̄ gə̄ ń noō ní, i mā n m̄-rāān ō.

IJAI 49:2

Ni-rāā adə̄ najə̄ yāḿ i kaskar kə́ a əja yá̰a̰ gān̄g. Ni ɓɔ̄ɔ̄m̄ ndíl jīn tə́. Ni-rāā adə̄ mā i kum gərā kə́ usən̄ kum majə, ni əlam̄ kem ngong gərā yān gə̄ tə́.

IJAI 19:13

Ngār gə̄ kə́ Soan télən̄ ngé kɔ̄r̄ gə̄, i ngār gə̄ kə́ kem ngán ɓē kə́ ndágá tə́ n ndɔ́rə̄n̄ ɓē kə́ Ejiptə aw̄n̄ seneé dɔ róbə́ kə́ majaĺ tə́ ní.

PĀ GƏ̄ 118:22

Mbal̄ ń ngé kəndā kújə gə̄ mbátə́n̄ kɔ̄ɔ́ ní, tél mbal̄ kə́ kíĺ kújə́ tə́.

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

1 SAMUEL 14:38

Anī Saul ɓāŕ ngār gə̄ malang ba ədadə́ na: Ə̄ndāī ma̰ȳ majə á̰a̰ī ké i yá̰á̰ rí kə́ majaĺ n i kə́ rāā ɓōólaā ní wa.

TA KƏLA 49:24

ba ga̰ gərā yān ngan̄g. Nə́ɓā kə́ nge tɔ́gə yā Jakob rāā adə̄ jī Jəjep ənge tɔ́gə. I tītə̄ ń noō n ni téləń nge ngɔ̄m̄ yá̰a̰ kul̄ gə̄ ō, mbal̄ ń Israel ndə̄nā rɔ̄n tū tə́ ní ō.

Najə̄ kə́ Majə yā Jeju ń Luk ndang ní 20:17

Anī Jeju əndā kumən dɔdə́ tə́ ba ədadə́ na: Ɔ́jəmī kum najə̄ ń ndangən̄ ədan̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní.

EPEJƏ 2:20

Ngəra kújə́ ní i ngámbang kəla gə̄ ō, ngé koō ta gə̄ ō, ba Kərist nəkɔ́ i mbal̄ kə́ nge kəhɔ kújə́ ní dɔɔ́.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.

JEREMI 51:20

Kété ní ī-rāā rɔ̄í i rə̄ngō yāḿ tə́, i yá̰a̰ rɔ̄ɔ̄ yāḿ tə́. M-úniī m̄-tə̄ndāń nápar de gə̄ ō, m̄-nujəń ɓē ko̰o̰ gə̄ ō.

IJAI 28:16

I tām̄ najə̄ ń toō tə́ n najə̄ yā Kɔ́ɔ̄ɓē Nə́ɓā n toó ní: M-ə̄ndā mbal̄ nja kújə́ kógə̄ḿ kə́ ngan̄g ngá̰ý Siyo̰ tə́, i mbal̄ kógə̄ḿ kə́ kəla rāān bo tɔȳ yā madə̄ gə̄ malang, əndān̄ mbal̄ ní adə̄ ndi ngan̄g. Deē ń a ndə̄nā rɔ̄n kadə tə́ ní, a əsō alé.