JAKARI 10:2 - Bibəl ta Sar̄

² Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

Bible sar

² Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán *Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.

JAKARI 10:2 Referans Kwoze

MATIYE 9:36

Dan ń Jeju a̰a̰ kósə de gə̄ anī kumən o̰o̰n tām̄ yādə́ tə́, tɔdɔ̄ de gə̄ ní ɔrən̄ ō, tɔ́gə́də́ ur̄ wak kɔ̄ɔ́ ō, tītə̄ batə̄ gə̄ kə́ nge kul̄də́ gətóo beé.

HABAKUK 2:18

Rāā nə́ɓā kə́ rɔ̄kum aĺ gə̄ ní, i yā rāań rí? Nin̄ i gində̄ kə́ nō horoó rāā yá̰á̰ tə́ ngóy. Nin̄ rāān̄ adə̄ deē taā kem yá̰á̰ kə́ rɔ̄kum aĺ gə̄. I kɔdə̄ kógə̄ḿ n rāādə́ ní ō, nin̄ ɔrə̄n̄ najə̄ aĺ ō. Ní, i tām̄ rí tə́ á kɔdə̄ ngeé ń toō ənī kemən mámák adə̄də́ ní?

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

EJEKIEL 34:5

Batə̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́, tɔdɔ̄ nge kul̄də́ gətóo. Adə̄ dā̰ kə́ bembeé gə̄ malang əhɔ əsan̄də́ kɔ̄ɔ́.

JEREMI 27:9

Ba sḭḭ̄ tā anī, ī-lōōī koō najə̄ kɔr̄ ngé koō ta yāsí gə̄ ō, kɔdə̄ sāā yāsí gə̄ ō, ngé nī yāsí gə̄ ō, ngé bógə̄rō de gə̄ yāsí gə̄ ō, mbōlí yāsí gə̄ ō ń ədan̄sí na: Ā ə́lan̄ dɔsí gíŕ tɔ́gə yā mban̄g kə́ Babilon tə́ alé ní.

TA KƏLA 31:19

Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.

EJEKIEL 34:8

Tītə̄ ń m̄-ndiń kə kumḿ rɔ̄kum noō, yá̰á̰ ń mā Kɔ́ɔ̄ɓē Nə́ɓā m-ə́dá ní n toó. Ɓūtə̄ yá̰a̰ kul̄ yāḿ gə̄ i kem jī ngé ɓogə gə̄ tə́. Dā̰ kə́ bembeé gə̄ malang əhɔn̄ batə̄ gə̄ əsan̄də́ kɔ̄ɔ́, tɔdɔ̄ nge kul̄də́ gətóo. Ngé ngɔ̄m̄ yá̰a̰ kul̄ yāḿ gə̄ aw̄n̄ ndəledə́ tə́ alé. Ni a a̰a̰n̄ i gō rɔ̄də́ nin̄ kɔ́ gə̄, nin̄ a̰a̰n̄ gō yá̰a̰ kul̄ yāḿ gə̄ alé.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

EJEKIEL 21:29

I tām̄ najə̄ ń noō tə́ n mā Kɔ́ɔ̄ɓē Nə́ɓā m-ə́dásí yá̰á̰ ń toō ní: Sḭḭ̄ ī-rāāī adə̄ dɔ deē ndígə̄nal dɔ dɔ ngan̄g yāsí tə́ aĺ ō, ɔ́jiī majaĺ yāsí gə̄ kə̄ ndágá tū yá̰a̰ rāāsí gə̄ tə́ malang ō. I tītə̄ ń noō n ā ī-terīiń kemḿ dɔ yá̰a̰ rāāsí kə́ gōtə́ aĺ gə̄ tə́ ngándáńg kanjə̄ kadə̄ asəsí ní. I beé ní, madə̄ ba̰ā̰ a əhɔsí dəngáy, tām̄ sḭḭ̄ ī-rāāī adə̄ dɔḿ ndígə̄nalsí alé.

EJEKIEL 21:21

Kaskar kə́ a əja yá̰a̰ gān̄g, ī-tə́gā de gə̄ ko̰ó̰ gē geleé gē! Ī-tūr̄ taí kə́ atə límbé límbé kə̄ loo gə̄ tə́ malang.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 51:23

M-úniī m̄-tə̄ndań ngé kul̄ yá̰a̰ gə̄ ō, yá̰a̰ kul̄ yādə́ gə̄ ō, ngé ndɔr̄ gə̄ ō, man̄g ndɔr̄ yādə́ gə̄ ō, kɔsə ndɔr̄ yādə́ gə̄ ō, ngé ko̰o̰ ɓē gə̄ ō, ngé rāā sarya gə̄ ō.

JEREMI 50:17

Kété ní Israel i batə̄ kə́ ra kə keŕneé adə̄ ɓɔl gə̄ ngɔ̄də̄nən̄. I mban̄g kə́ Asiri tə́ n ənī ta kəsan ta kəga dɔ ní. Gō tə́ anī, i Nabukodonosor, mban̄g kə́ Babilon tə́ n əsan bátə́ ngor kə̄ngān dɔ tə́ ní.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 14:13

m̄-téĺ m-ə́da na: Á, Kɔ́ɔ̄ɓē Nə́ɓā, yá̰á̰ ń ngé koō ta gə̄ ədan̄də́ ní n toó: Sḭḭ̄ ā á̰a̰ī kaskar aĺ ō, ɓō a rāāsí aĺ ō. Banī m-ādə̄ ā ī-ndiī majə rɔ̄kum loo ń toō tə́.

JEREMI 10:8

I mbóo gə̄ malang ō, gerə̄n̄ najə̄ aĺ ō. Ɓesə̄ yādə́ gə̄ ń unən̄ gōdə́ ní, ndóōn̄də́ yá̰á̰ kə́ kanjə̄ kumən gə̄.

JEREMI 8:11

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰a̰ kógə̄ḿ sḛ́ý kə́ to majə gətóo.

JEREMI 6:14

Nin̄ tebəlen̄ ngá̰ý loo kəda gír deē yāḿ gə̄ ń nujən̄ sák sák tə́ ní na: Loo to majə, loo to majə. Banī yá̰á̰ kógə̄ḿ sḛ́ý kə́ to majə gətóo.

IJAI 46:5

Ɔ́jiī seḿ i náā? I náā n ī-gírī kadə̄ m̄-to tītə̄n ní? Ā ə̄ndāmī i kadə náā tə́ yā kɔjəń kadə̄ jə-teē naā seneé ní?

IJAI 44:9

Ngé tɔ́sə̄ yá̰a̰ rāā ɓesə̄ tə́ gə̄ ní, nin̄ i yá̰á̰ kógə̄ḿ aĺ ō, yá̰a̰ yādə́ kə́ majə gə̄ ní, deē a rāań yá̰á̰ kógə̄ḿ aĺ ō. Yá̰á̰ kə́ tɔ́sə̄ gə̄ ngeé ń toō i de kə́ kum tə́ yādə́ gə̄, banī i de kə́ kum tə́ gə̄ kə́ kumdə́ a̰a̰ yá̰á̰ kógə̄ḿ aĺ ō, nin̄ gerə̄n̄ yá̰á̰ kógə̄ḿ aĺ ō, nin̄ a əlan̄ i rɔ̄sɔl̄ kə́ ngá̰ý dɔdə́ tə́ ō.

Makətūbə̄ yā Job 21:34

I beé ní, ī-nāāī sɔl̄ kemḿ kə najə̄ kə́ kanjə̄ kumən gēé i tām̄ rí tə́? Yá̰á̰ ń teē tū najə̄ gə̄ ń sḭḭ̄ ī-tūr̄ ə́daī tə́ ní, i yá̰á̰ kə́ gōtə́ alé.

Makətūbə̄ yā Job 13:4

Ba yāsí sḭḭ̄ ngé gól̄ loo gə̄ tāa anī, sḭḭ̄ i ngé rāā de gə̄ mo̰y kə́ rɔ̄kum aĺ gə̄.

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

TƏ́DA 27:17

kadə̄ ɔr nodə́ ta kaw̄də́ tə́ ō, ta téldə́ ō, ɓáa anī de gə̄ a ton̄ tītə̄ batə̄ gə̄ kə́ nge kul̄də́ gətóo alé.

MARK 6:34

Loo ń Jeju teē kem to tə́, ba a̰a̰ kósə de gə̄ ngá̰ý anī, kumən o̰o̰n sedə́. Tɔdɔ̄ nin̄-ton̄ tītə̄ batə̄ gə̄ kə́ nge kul̄də́ gətóo beé, ba ni-əla gíŕ ndóōdə́ yá̰á̰ ngá̰ý.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

NDŪ NAJƏ̄ 13:2

Majanī a dansí tə́ ní nge koō ta, aláa de kə́ nī rāān, a ḭḭ yā kədasí najə̄ yá̰á̰ kógə̄ḿ kə́ to ɓōĺ ngá̰ý kə́ a rāā yā rāā yá̰a̰.

IJAI 41:29

Nin̄ i yá̰á̰ kógə̄ḿ aĺ ō, nin̄ rāān̄ yá̰á̰ kógə̄ḿ aĺ ō. Yá̰á̰ kə́ tɔ́sə̄ yādə́ gə̄ i nél karī, i yá̰á̰ kə́ kem wōȳ!

IJAI 44:25

Ngɔlaā ní m-ɔ̄r̄ tɔ́gə najə̄ kɔr̄ kɔdə̄ sāā gə̄ kɔ̄ɔ́. m̄-rāā adə̄ ngé kəda yá̰á̰ kə́ a rāā yā reē ɓáý gə̄ a̰ȳn̄ kɔ̄r̄ kɔ̄ɔ́. M-ūtə̄ ta ngé kum kedə̄ gə̄ kɔ̄ɔ́ ō, m-ɔ́jə kə̄ ndágá kadə̄ yá̰á̰ ń nin̄ gerə̄n̄ ní i yá̰á̰ kə́ to mbóo ō.

JEREMI 27:10

I najə̄ kə́ rɔ̄kum alé n ngé koō ta gə̄ ń noō ədan̄sí kadə̄ ə́ya̰īneé dɔ nang yāsí kɔ̄ɔ́ ní. Kə́ rɔ̄kum tə́ ní, m-ā m̄-tə̄ndā yā tḭ̄ḭ̄sí ō, ā óyiī ō.

JEREMI 27:14

Ī-lōōī koō najə̄ yā ngé koō ta gə̄ ń ədan̄sí na; Rɔ̄kum ā ī-rāāī kəla yā kadə̄ mban̄g kə́ Babilon tə́ aĺ bátə́. Ní, nin̄ ədasí i najə̄ kə́ rɔ̄kum alé.