JAKARI 10:1 - Bibəl ta Sar̄

¹ Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

Bible sar

¹ Ī-dəjeī Kɔ́ɔ̄ɓē man̄, dan ń ndɔr̄ gə̄ a gḛyn̄ man̄ ní. I ni n i nge rāā kadə̄ man̄ edə kə néĺ kə́ əla kə ngangá ngá̰ý ní. Ni a rāā kadə̄ man̄ edə ngá̰ý ō, ni a adə̄ de gə̄ kógə̄ḿ kógə̄ḿ mu kə́ ndɔrɔ́ ō.

JAKARI 10:1 Referans Kwoze

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

JAKƏ 5:7

Tā anī ngákó̰ó̰ḿ gə̄, ī-tə́gāī tasí bátə́ kadə̄ Kɔ́ɔ̄ɓē reē ugə̄ń. Á̰a̰ī nge ndɔr̄ loo ngóō kōō ń i yá̰á̰ kə́ majə ngá̰ý tām̄ yān tə́ kə́ teē dɔ nang tə́ ní: Ni-tə́gā tan bátə́ kadə̄ man̄ kə́ ta kəga dɔ edə ō, man̄ kaw̄ ɓēé edə ō.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

IJAI 30:23

Loo ń noō tə́ Kɔ́ɔ̄ɓē a rāā kadə̄ man̄ edə dɔ kum yá̰a̰ gə̄ ń ī-dubə̄ tə́ ní ō, yá̰a̰ kəsa ń dɔ nang a adī ní a i ngá̰ý ō, a nel̄ ngá̰ý ō. Ndɔ̄ ngeé ń noō tə́ ní, ɓūtə̄ yá̰a̰ kul̄ yāí gə̄ a aw̄n̄ ko̰ó̰ loo kə́ bo tə́.

PĀ GƏ̄ 65:9

Yá̰a̰ gə̄ ń ī-rāā yā kɔjəń de gə̄ kum yá̰a̰ ní, ɔr kum de kə́ ta ngóy dɔ nang tə́ gə̄. Ḭ̄ ī-rāā ādə̄ loo kə́ gír ɓē tə́ ō, kə́ no ɓē tə́ ō, urən̄ kɔĺ rɔ̄nel̄.

NDŪ NAJƏ̄ 28:23

No rā̰ kə́ dɔí tə́ a ngan̄g tītə̄ gində̄ nə̄ngá kasə beé ō, dɔ nang kə́ gír njaí tə́ a ngan̄g tītə̄ gində̄ beé ō.

JA̰A̰ 16:23

Ndɔ̄ ń noō tə́ ní ā ī-dəjemī kum yá̰á̰ kógə̄ḿ to̰ alé. Ādə̄ m-ə́dásí najə̄ kə́ bo ngá̰ý, ré ī-dəjeī Bɔbə́ḿ yá̰á̰ kógə̄ḿ kə rīḿ anī, ni a adə̄sí.

MISE 5:7

Israel gə̄ ń na̰yn̄ kə kumdə́ dan nápar de gə̄ tə́, dan gír de gə̄ kə́ ngá̰ý gə̄ tə́ ní, a ngangə̄n̄ tītə̄ ɓɔl beé dan dā̰ gə̄ kə́ kem kuú tə́, a ngangə̄n̄ tītə̄ balsáa ɓɔl beé dan ɓūtə̄ batə̄ gə̄ tə́. Loo malang ń ni mān̄ tū tə́ ní, ni əhɔ dā̰ gə̄ ba rə́yā̰də́ naā tə́ ō, de kə́ asə taādə́ jīn tə́ gətóo ō.

AMOS 4:7

M-ɔ̄gə̄sí man̄, adə̄ man̄ edə dɔsí tə́ alé nāā mətá kété no sāā kōō gə̄ tə́. m̄-rāā adə̄ man̄ edə dɔ ɓē kógə̄ḿ tə́ banī edə dɔ ɓē kə́ rang tə́ alé. M-ādə̄ man̄ edə dɔ ndɔr̄ kógə̄ḿ tə́ banī edə dɔ ndɔr̄ kə́rēý tə́ alé, adə̄ ndɔr̄ ní tutə kɔ̄ɔ́.

OJEE 10:12

Ré yá̰á̰ ń ī-dubī ní i yá̰á̰ kə́ gōtə́ anī, yá̰á̰ ń ā ə́jaī ní, i kem majə. Ī-tə́gāī loo ndɔr̄ kə́ kijə tām̄ yāsí tə́. I kum mbang sāāḿ mā Kɔ́ɔ̄ɓē n toó, tá yā ngóoń kadə̄ m̄-reē m̄-rāā man̄ yá̰á̰ kə́ gōtə́ kadə̄ edə dɔsí tə́.

EJEKIEL 34:26

M-ā m-ə́yá̰də́ yā kadə̄ nin̄ a ndin̄ kə kumdə́ kadə ngōn̄ mbal̄ bo yāḿ kə́ táĺ tə́. M-ā m̄-rāā man̄ kadə̄ a edə kə kum mbang kə́ majə ō, man̄ ní a rāā majə sedə́ ō.

JEREMI 14:22

Dɔ dáń yá̰á̰ kə́ kanjə̄ kumən gə̄ ń i ɓesə̄ yā nápar de gə̄ ní, i ngé kə́ rá gə̄ n rāān̄ man̄ adə̄ edə ní? Aké i dɔ rā̰ n rāā man̄ adə̄ edə ní a? I ḭ̄ Kɔ́ɔ̄ɓē Nə́ɓā yājí aĺ a? J-a jə-ngóō ta jīí tɔdɔ̄ i ḭ̄ n i nge rāā yá̰a̰ gə̄ ń noō malang ní.

JEREMI 10:13

I ni n ɔsə dɔ man̄ gə̄ kə́ no rā̰ tə́ naā tə́ ō, rāā adə̄ kil̄ man̄ ḭḭ ta ngóy dɔ nang tə́ aw̄ kum kə̄ dɔɔ́ ō, rāā adə̄ man̄ tel̄ ō, man̄ edə ō, ni-rāā adə̄ nél teē kem loo ɓɔ̄ɔ̄ rɔ̄ yān tə́ ō ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

Gōsə̄ najə̄ gə̄ 16:15

Dan ń dɔ kum mban̄g nelə̄n anī de gə̄ ndin̄ majə! Kem majə yān to i tītə̄ man̄ kə́ rāā majə kə kōō gēé beē.

PĀ GƏ̄ 104:13

Kɔ́ɔ̄ɓē, ḭ̄ ī-ndi dɔɔ́ dɔ rā̰ tə́ ī-rāań adə̄ man̄ edə dɔ mbal̄ bo gə̄ tə́. Dɔ nang əsa tətōí ndān̄.

JEREMI 51:16

Dan ń ndūn ɓār̄ anī, man̄ gə̄ ɔsən̄ dɔdə́ naā tə́ dɔ rā̰ tə́, ni-rāā adə̄ kil̄ man̄ gə̄ ḭḭn̄ i ta ngóy dɔ nang tə́. Ni-rāā adə̄ man̄ tel̄ yā kadə̄ man̄ edəń. Ni-rāā adə̄ nél teē kem loo ɓɔ̄ɔ̄ rɔ̄ yān tə́.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

1 KORḚNTƏ 3:6

Mā m-ə̄ndā kāgə̄ ō, Apolos i nge rāā man̄ dɔ tə́ ō, banī i Nə́ɓā n i nge rāā tá kadə̄ kāgə̄ tɔgə ní.

OJEE 6:3

Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.

PĀ GƏ̄ 72:6

Ādə̄ ni risə tītə̄ man̄ kə́ a edə kə̄ dɔ mu kə́ tél sitə gogə́ tə́, tītə̄ man̄ kə́ edə ba rāā adə̄ dɔ nang sɔl̄ beé!

Makətūbə̄ yā Job 29:23

De gə̄ ngóōn̄ taḿ tītə̄ loo ngóō man̄ kə́ kadə̄ a edə beé. Nin̄ teēn̄ tadə́ tītə̄ kə́ a taānəń i man̄ ndī yel̄ beé.

PĀ GƏ̄ 135:7

Ni-rāā adə̄ kil̄ man̄ gə̄ ḭḭn̄ ta ngóy dɔ nang tə́ kum kə̄ dɔɔ́ rāā adə̄ man̄ tel̄ yā kedə̄. Ni teē kə nélé loo ngɔ̄mən tə́.

JEREMI 5:24

Nin̄ mbātə́n̄ kəda kə̄ kemdə́ tə́ na: Jə-ɓōlíī ndíĺ Kɔ́ɔ̄ɓē Nə́ɓā yājí, Nə́ɓā ń adə̄ man̄ edə kə kum mbangneé, ɓaraá ō, ta ɓāl̄ tə́ ō ní ni ń gə̄rā dəmásə gə̄ kə́ yā sāań kōō adə̄jí ní.