JAKARI 1:6 - Bibəl ta Sar̄

⁶ Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

Bible sar

⁶ Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i *ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

JAKARI 1:6 Referans Kwoze

NŌŌ RƆ̄ 2:17

Kɔ́ɔ̄ɓē rāā yá̰á̰ ń núm̄ yā rāā ní. Ni-rāā yá̰á̰ ń əda najə̄n ní. Nujə kə looó sák sák kanjə̄ kadə̄ kumən o̰o̰n. Rāā adə̄ rɔ̄ madə̄ ba̰ā̰í nelə̄n dɔí tə́ ō, rāā adə̄ tɔ́gə́ ngé rɔ̄ɔ̄í gə̄ i ngá̰ý ō.

NDŪ NAJƏ̄ 28:15

Ba ré ōō ta Kɔ́ɔ̄ɓē Nə́ɓā yāí alé, ré gō míndə gə̄ ō, ndū najə̄ gə̄ ō ń ni mērə̄m̄ kɔjiī á m-ɔ́jiī ɓōólaā ní, ré ə̄ndā kumií gīrí malang ī-rāā alé anī, ndɔ̄ĺ gə̄ ń a reēn̄ dɔí tə́ ō, a rāānī ō ní n toó:

MATIYE 24:35

Dɔ rā̰ ō dɔ nang ō a mānə̄n̄, banī najə̄ yāḿ a mān̄ aĺ bátə́.

JEREMI 23:20

Wōn̄g yā Kɔ́ɔ̄ɓē a tetə alé, bátə́ kadə̄ rāań yá̰á̰ ń núm̄ ní adə̄ udə gírí majə. Ndɔ̄ń tə́ anī ā ī-gerī kum yá̰á̰ ní ɓáý.

AMOS 9:10

De gə̄ malang kə́ dan gír deē yāḿ gə̄ tə́ a oyn̄ ta rɔ̄ɔ̄ tə́. Ɓá tā banī nin̄ ədan̄ na: Yá̰á̰ kə́ to kum kaȳ aĺ a reē alé, a ɔdə rɔ̄jí alé.

JEREMI 44:28

De kə́ kutədə́ i ngá̰ý aĺ gə̄ kə́ teēn̄ ta yo kaskar tə́ a ḭḭn̄ Ejiptə yā tél kaw̄ gogə́ dɔ nang kə́ Juda tə́. Ɓá anī, ngé gə̄ malang ń ndin̄ kə kumdə́ Juda tə́ á reē ɓɔ̄ɔ̄n̄ rɔ̄də́ Ejiptə tə́ ní, a gerə̄n̄ ké najə̄ i yāḿ aké i yādə́ nin̄ wa.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

1 TESALONIK 5:4

Ba sḭḭ̄, ngákó̰ó̰ḿ gə̄, sḭḭ̄ i kum til tə́ alé. Adə̄ ndɔ̄ ní a əhɔsí dɔ jīsí tə́ tītə̄ nge ɓogə beé alé.

MALASI 3:18

Loo ń noō tə́, ā á̰a̰ī dɔ nin̄ ngé koō taḿ gə̄ kə ngé koō taḿ aĺ gə̄ ō, ngé rāā kəla kadə̄m̄ gə̄ kə ngé rāā kəla kadə̄ḿ aĺ gə̄ ō.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

EJEKIEL 37:11

Gō tə́ anī Kɔ́ɔ̄ɓē ədam̄ na: Ḭ̄ ngōn̄ deē, ōō! Kə̄ngā gə̄ ń noō ní ɔsən̄ i kum gotə ngáń Israel gə̄ malang. Israel gə̄ ədan̄ na: Jə-to tītə̄ kə̄ngā kə́ tutə gə̄ beé, kəndā kem dɔ tə́ yājí oy kɔ̄ɔ́, tají tḭ̄ḭ̄ kɔ̄ɔ́!

EJEKIEL 20:43

Ā ī-gírī dɔ háĺsí kə́ mān̄ kɔ̄ɔ́ tə́ ō, dɔ yá̰a̰ rāāsí gə̄ malang ń rāān̄sí adə̄ ī-téliī de kə́ yḛr gə̄ ní tə́ ō loo ngeé ń noō tə́. Rɔ̄sí a nel̄sí kə rɔ̄sí sḭḭ̄ kɔ́ gɔ̄ɔ́ alé, sɔɔ̄ń yá̰a̰ malang kə́ majaĺ ń ī-rāāī ní.

NŌŌ RƆ̄ 1:18

Kɔ́ɔ̄ɓē rāā i yá̰á̰ kə́ gōtə́, tɔdɔ̄ m̄-mbātə́ rāā yá̰a̰ gə̄ ń ni ədam̄ kadə̄ m̄-rāā ní. Ōōī, sḭḭ̄ gír de gə̄ malang, á̰a̰ī wur kɔl yāḿ, əhɔn̄ ngámandə yāḿ gə̄ ō, balsáa yāḿ gə̄ ō aw̄n̄ sedə́ dɔ nang kə́ rang tə́.

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

JEREMI 4:4

De kə́ Juda tə́ gə̄ ō, de kə́ kem ɓē kə́ Jerusalem tə́ gə̄ ō, ə́jaī mɔtəsí tām̄ yā Kɔ́ɔ̄ɓē tə́, ə́jaī mɔtə kə́ dan wursí tə́. Ré i beé aĺ anī, wōn̄g yāḿ a ndūbə̄ tītə̄ hor yā ko̰o̰ loo kanjə̄ kadə̄ deē asə tɔ̄l̄ ɔjəń dɔ kəla rāāsí kə́ majaĺ ngá̰ý gə̄.

IJAI 55:1

Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə nduú ō, mba ō, kanjə̄ nar.

IJAI 44:26

Banī najə̄ kɔr̄ ngé kəla yāḿ gə̄ ní, m̄-rāā adə̄ reē udə gírí ō, najə̄ ń ngé kaw̄ kəla yāḿ gə̄ ədan̄ kété ní, m̄-rāā adə̄ ojə yá̰á̰ kə́ majə ō. m̄-ɔ̄r̄ najə̄ kə́ dɔ Jerusalem tə́ m-ə́da na: De gə̄ a télən̄ yā ndi kemeé gogə́ ɓáý, ndogə̄ mbal̄ yān gə̄ ń nujən̄neé kɔ̄ɔ́ ní, a télən̄ yā kun dɔɔ́ gogə́. M-ɔ̄r̄ najə̄ kə́ dɔ ɓē gə̄ yā Juda tə́ m-ə́da na: A télən̄ yā rāā ɓē ní gogə́.

Makətūbə̄ yā Job 6:29

I beé ní ādī asəsí! M-ə́dá ɓáý to̰, ādī asəsí! Najə̄ ní i najə̄ kə́ dɔ háĺ kə́ gōtə́ yāḿ mā tə́.

NDŪ NAJƏ̄ 28:45

Ndɔ̄ĺ gə̄ ń noō a reēn̄ dɔí tə́ malang ō, a əhɔn̄ gōí ō, a rāānī bátə́ kadə̄ ī-gətóoń. Tɔdɔ̄ ḭ̄ ōō ta Kɔ́ɔ̄ɓē Nə́ɓā yāí alé, adə̄ ī-rāā gō míndə gə̄ ń ni ədaī kadə̄ ī-rāā ní aĺ ō, ī-ngɔ̄m̄ ndū najə̄ yān gə̄ aĺ ō.

NDŪ NAJƏ̄ 28:20

Kɔ́ɔ̄ɓē a əla kə rɔ̄ tō ndoó ō, ɓōĺ kə́ ngá̰ý ō, yá̰á̰ kə́ to ndíl ka̰ȳ gə̄ ō, dɔí tə́ tū kəla rāāí gə̄ tə́ malang, bátə́ kadə̄ ī-təgāń kɔ̄ɔ́ ō, bátə́ kadə̄ ī-gətóoń kɔ̄ɔ́ gidə kógə̄ḿ tām̄ yá̰á̰ kə́ majaĺ ń ī-rāā á i kəya̰n kɔ̄ɔ́ ní tə́ ō.

TƏ́DA 33:56

Ba yá̰á̰ ń m̄-gír̄ rāā sedə́ ní, m-ā m̄-tél yā rāā i sesí sḭḭ̄.

TƏ́DA 32:23

Ba ré ī-rāāī tītə̄ ń noō aĺ anī ī-rāāī i yá̰á̰ kə́ majaĺ kə Kɔ́ɔ̄ɓē, ba majə kadə̄ ī-gerī majə na najə̄ a əsō dɔsí tə́.

IJAI 21:17

Dan ngé rɔ̄ɔ̄ gə̄ kə́ Kedar tə́ ní, ngé kur gərā gə̄ a na̰yn̄ i sḛ́ý beē ngóy. Najə̄ ń Kɔ́ɔ̄ɓē, Nə́ɓā yā Israel, əda ní n noó.

JEREMI 5:14

I tām̄ najə̄ ń toō tə́ n Kɔ́ɔ̄ɓē Nə́ɓā kə́ Nge tɔgə yá̰a̰ malang əda tītə̄ ń toō beé na: Sḭḭ̄ ɔ̄rī najə̄ beé ɓá ní, m-ā m̄-rāā kadə̄ najə̄ yāḿ ń m-ə̄ndā taí tə́ ní tél hor ō, m-ā m̄-rāā gír de gə̄ ń toō i kīr̄ kə́ yā kadə̄ hor a o̰o̰ tə́ ō.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 36:28

Ún ndāŕ ndang najə̄ kógə̄ḿ kə́ ɓír̄ gidə naā tə́ kə́ rang ō, ī-ndang najə̄ gə̄ malang ń ton̄ kem nge kə́ kété tə́ ń Joakim, mban̄g kə́ Juda tə́ róō kɔ̄ɔ́ ní ō kemeé.

JEREMI 39:16

Āw̄ ɔ̄r̄ najə̄ kə Ebed Melek kə́ Kus ə́dan na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ najə̄ yāḿ əsō dɔ ɓē ń toō tə́. I yá̰á̰ kə́ to kum kaȳ aĺ n m-ā m̄-rāā kadə̄ teē dɔn tə́ ní, ba i yá̰á̰ kə́ majə alé. Ndɔ̄n tə́ ní, yá̰á̰ ní a rāā yá̰a̰ i ta kumií tə́.

JEREMI 44:29

Kɔ́ɔ̄ɓē ɔr̄ najə̄ i tītə̄ ń toō beé: Yá̰á̰ ń a ɔjəsí kadə̄ m-ā m̄-rāā yá̰a̰ sesí loo ń toō tə́ ō, kadə̄ najə̄ ń m-ə́da dɔsí tə́ ní a rāā yá̰a̰, adə̄ yá̰á̰ kə́ to kum kaȳ aĺ a rāāsí ō ní n toó.

DANIEL 4:28

Najə̄ ní i ta mban̄g tə́ ɓáý anī deē kógə̄ḿ ɔr̄ najə̄ dɔ rā̰ tə́ adə̄ ndūn ɓār̄ əda na: Mban̄g Nabukodonosor, ōō najə̄ ń toō, taān̄ ko̰o̰ ɓē jīí tə́ kɔ̄ɔ́!

OJEE 5:9

Ndɔ̄ ń m-ā m-ə́ndań de gə̄ kə́ gír ɓē yā Epəraim tə́ ní, loo yādə́ a tél dəla loo. Yá̰á̰ kə́ ɔjə dɔ gír ɓē gə̄ yā Israel ń m-ə́da najə̄n kété no tə́ beé ní, i yá̰á̰ kə́ a rāā yá̰a̰ rɔ̄kum.

JAKARI 1:7

Kem ɓāl̄ ko̰o̰ ɓē kə́ nge ko̰o̰ jōó yā Darius tə́, kem nāā kə́ nge ko̰ kutə gidə i kógə̄ḿ tə́, adə̄ i kem nāā Sebat tə́ ní, kə ndɔ̄ nāā kə́ nge ko̰ kutə jōó gidə i sɔ́ anī, Kɔ́ɔ̄ɓē ɔr̄ najə̄ kə Jakari nge koō ta kə́ ngōn̄ Berekia, kə́ ngōn̄ Ido. Jakari ənī gotə əda na:

2 MBAN̄G 15:12

Yá̰á̰ ń noō rāā adə̄ najə̄ ń Kɔ́ɔ̄ɓē əda Yehu kété ní reē udə gírí rɔ̄kum. Nī-ədan na ngōnən ō, ngōn̄ kaan ō, kaa gugūn ō, kaa dɔgən ō, na a ndin̄ dɔ kōr̄ kāgə̄ mban̄g kə́ Israel tə́.

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.

JEREMI 28:17

Hanania nge koō ta oy kem ɓāl̄ nəkɔ́ ń noō tə́ kə nāā kə́ nge ko̰ sīrí.

JEREMI 44:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Sḭḭ̄ á̰a̰ī yá̰á̰ kə́ to kum kaȳ aĺ gə̄ malang ń m̄-rāā kə Jerusalem ō, kə ɓē gə̄ kə́ Juda tə́ ō ní majə. Á̰a̰ī kadə̄ ngɔlaā ní nin̄ nujə sák sák kɔ̄ɔ́ ō, de gə̄ ndin̄ kemeé to̰ alé ō.

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

NŌŌ RƆ̄ 3:42

Jḭḭ̄ i ngé mbātə́ najə̄ gə̄ ō, ngé dɔ ngan̄g gə̄ ō, adə̄ ḭ̄ ī-mā̰ȳ rɔ̄í dɔjí tə́ alé.