JAKARI 1:2 - Bibəl ta Sar̄

^2-3 Ni mērə̄n kəda ngán Israel gə̄ najə̄ ń toō, əda na: Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n toó: Wōn̄g rāām̄ ngá̰ý kə kaasí gēé. Banī ī-tél ī-reēī kə̄ rɔ̄ḿ mā Kɔ́ɔ̄ɓē tə́, anī m-ā m̄-tél yā kaw̄ kə̄ rɔ̄sí tə́. I Kɔ́ɔ̄ɓē kə́ bo kə́ tɔ́gən i ngá̰ý ń əda najə̄ ń noō ní.

Bible sar

^2-3 Ni mērə̄n kəda ngán *Israel gə̄ najə̄ ń toō, əda na: Yá̰á̰ ń Kɔ́ɔ̄ɓē kə́ bo kə́ tɔ́gən i ngá̰ý əda kadə̄ i rɔ̄kum ní n toó: Wōn̄g rāām̄ ngá̰ý kə kaasí gēé. Banī ī-tél ī-reēī kə̄ rɔ̄ḿ mā Kɔ́ɔ̄ɓē tə́, anī m-ā m̄-tél yā kaw̄ kə̄ rɔ̄sí tə́. I Kɔ́ɔ̄ɓē kə́ bo kə́ tɔ́gən i ngá̰ý ń əda najə̄ ń noō ní.

JAKARI 1:2 Referans Kwoze

JEREMI 44:6

Adə̄ m-bə̄gā wōn̄g yāḿ, wōn̄g kə́ ngá̰ý yāḿ, kadə̄ nujə ɓē gə̄ kə́ Juda ō, kə̄lá róbə gə̄ kə́ Jerusalem ō, tītə̄ hor kə́ o̰o̰ loo beé. Nin̄ télən̄ loo kə́ nujə sák sák kɔ̄ɔ́ gə̄ ō, loo kə́ yá̰a̰ gətóo tū tə́ gə̄ ō, yá̰á̰ ń rāā yá̰a̰ ngɔlaā ní n toó.

EJEKIEL 22:31

Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.

NŌŌ RƆ̄ 5:7

Bɔbə̄jí gə̄ rāān̄ majaĺ, ba gətóon̄ kɔ̄ɔ́, adə̄ i jḭḭ n j-əgā kə̄rā yá̰á̰ kə́ gōtə́ aĺ yādə́ gə̄ ní.

KƏLA RĀĀ 7:52

I nge koō ta kə́ rá n kaasí gə̄ rāānən̄ ndoō tə́ aĺ ní? Ngé koō ta gə̄ ń ədan̄ najə̄ reē yā de kə́ súmūú kə́ kal kógə̄ḿ beē kété ní, nin̄-tɔ̄lə̄n̄də́ kɔ̄ɔ́. I de kə́ súmūú ní n sḭḭ̄ ə́hɔī gōn alé ba ə́ya̰niī kɔ̄ɔ́ ō, ī-tɔ̄l̄niī ō ní.

PĀ GƏ̄ 60:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā yā Dabid kə́ yā kəgań kem deē dɔ yá̰á̰ kə́ rāā yá̰á̰ tə́ ō, yā ndóoń deē yá̰a̰ ō.

ESDRAS 9:13

Nə́ɓā yājí, yá̰á̰ kə́ tōr̄ gə̄ malang ń rāān̄jí ní, sɔɔ̄ń i kəla rāājí kə́ gōtə́ aĺ gə̄ ō, majaĺ yājí kə́ bo ngá̰ý ō, ɓá tā, ba ḭ̄ ə̄ndā njaí dɔ yá̰á̰ kə́ gōtə́ aĺ yājí kə́rēý gə̄ tə́. Adə̄ ndéý ń ə́ndájí ní asə g ō ndéý ń kadə̄ j-ənge tām̄ majaĺ yājí tə́ ní aĺ ō, ḭ̄ ī-ngɔ̄m̄jí jḭḭ núsə de kə́rēý gə̄ ń jə-teē ta yo tə́ ní adə̄ jḭḭ n toó ō.

2 MBAN̄G 23:26

Ɓá tā ba wōn̄g kə́ ngá̰ý ń rāā Kɔ́ɔ̄ɓē dɔ ɓē ko̰o̰ kə́ Juda tə́ ní tetə alé sɔɔ̄ń yá̰á̰ kə́ to wur tōr̄ gə̄ malang ń mban̄g Manase rāā seneé tə́ ní.

2 MBAN̄G 22:19

Najə̄ ń m-ə́da kemeé dɔ ɓē kə́ Jerusalem tə́ ō, dɔ de kə́ kemeé gə̄ tə́ ō, na loo n toō a tél loo kə́ to kum ko̰o̰ ō, ní ī-nēl̄ mbīí ōoń majə, adə̄ ī-ndə̄ngā rɔ̄í ō, ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ yāí gə̄ ō, ī-nōō kə man̄ kumií ō. Ní, mā Kɔ́ɔ̄ɓē m-ə́daī na m-ōō ndūí.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

JAKARI 1:15

Banī wōn̄g rāām̄ ngá̰ý kə nápar de gə̄ ń nin̄ taān̄ kem rɔ̄də́ nin̄ kɔ́ gə̄ adə̄ al̄ naā tə́ ní. Tɔdɔ̄ dan ń wōn̄g ń rāām̄ kə Israel ní i ngá̰ý aĺ ɓáý ní, gír de gə̄ ń toō rāān̄ adə̄ yá̰á̰ kə́ to kum kaȳ aĺ yān reē kə̄ dɔ madə̄ tə́.

JEREMI 32:23

Nin̄ udən̄ kem ɓē ní tə́ ō, taān̄ kə́ yādə́ tə́ ō, banī mbātə́n̄ ndūí ō, mbātə́n̄ rāā yá̰á̰ ń ndū najə̄ yāí gə̄ ədan̄ ní ō. Nin̄ mbātə́n̄ rāā yá̰a̰ malang ń ə́dádə́ kadə̄ rāān̄ ní kɔ̄ɔ́. I tām̄ ń toō tə́ n ḭ̄ ī-rāā ādə̄ yá̰á̰ kə́ to kum kaȳ aĺ gə̄ malang ń toō rāādə́ ní.

JAKARI 7:12

Nin̄ rāān̄ kemdə́ adə̄ ngan̄g tītə̄ mbal̄ diyamā̰a̰ beé. Yá̰á̰ ndóō gə̄ ō, najə̄ gə̄ ō, ń Kɔ́ɔ̄ɓē kə́ bo kə́ tɔ́gən i ngá̰ý ɔjədə́ kə ta kūl̄ ndílən, kə ta kūl̄ ngé koō ta gə̄ kété jóó ní, nin̄ mbātə́n̄ koō. Loo ń noō tə́ wōn̄g rāā Kɔ́ɔ̄ɓē kə́ bo kə́ tɔ́gən i ngá̰ý ngá̰ý

JAKARI 8:14

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Dan ń kaasí gə̄ rāāmə̄n̄ adə̄ wōn̄g rāām̄ ní, m̄-gḛy rāāsí yá̰á̰ kə́ majaĺ ō, yá̰á̰ ń m̄-gír̄ rāā ní, m̄-lōō gírí aĺ ō.