JAKƏ 5:3 - Bibəl ta Sar̄

³ Lɔ́r yāsí ō, gində̄ arjā̰a̰ yāsí ō, əhɔn̄ kārā. Ba kārā ní a ɔr̄ najə̄ kə́ majə tām̄ yāsí tə́ aĺ ō, a tél i hor kə́ a o̰o̰sí ō. Ngɔlaā i ta ngóy ndɔ̄ gə̄, ba sḭḭ̄ ɔ́siī dɔ yá̰a̰ kənge yāsí gə̄ kə̄ naā tə́ ɓáý to̰.

Bible sar

³ Lɔ́r yāsí ō, gində̄ arjā̰a̰ yāsí ō, əhɔn̄ kārā. Ba kārā ní a ɔr̄ najə̄ kə́ majə tām̄ yāsí tə́ aĺ ō, a tél i hor kə́ a o̰o̰sí ō. Ngɔlaā i ta ngóy ndɔ̄ gə̄, ba sḭḭ̄ ɔ́siī dɔ yá̰a̰ kənge yāsí gə̄ kə̄ naā tə́ ɓáý to̰.

JAKƏ 5:3 Referans Kwoze

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

JEJU TEĒ KUM JA̰A̰ 20:15

Ba deē ń əngen̄ rīn kem makətūbə̄ ndi kə kumuú tə́ aĺ ní, a ənīnən̄ kum bundūm̄ hor tə́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

2 TIMOTE 2:17

Najə̄ yādə́ ń i tītə̄ do səya̰ beé ní, a əsa i kum kə̄ kété kété. Himene nin̄ kə Piletə i sedə́ ō.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

MISE 3:3

A̰á̰ā̰, de gə̄ ngeé ń noō əsan̄ gír deē yāḿ gə̄. Nin̄ ɔrə̄n̄ ndāŕdə́ ō, tétə̄n̄ kə̄ngādə́ gə̄ ō. Nin̄-gór̄yōn̄də́ dugəju dugəju tītə̄ dā̰ kə́ gór̄yō kə́ to kem jóó beē.

JEREMI 19:9

M-ā m̄-rāā kadə̄ əsan̄ dā̰ ngáńdə́ kə́ dəngam gə̄ ō, kə́ dəyá̰ gə̄ ō. A əsan̄ dā̰ naā dɔ dáńdə́ tə́ dan wur kɔl tə́ ō, kə sōlōó ō, dan ń madə̄ ba̰ā̰də́ kə́ ngé ndə̄ngādə́ yo gə̄ a utə̄n̄də́ ní.

Makətūbə̄ yā Job 16:8

Dɔ kumḿ ń ī-rāā adə̄ sá̰ā̰ kīdə́ ní tél i yá̰á̰ kə́ kum tə́ yāḿ. Kun̄g ń m-ūn̄g ní sekə́m̄ ō, əndā najə̄ dɔḿ tə́ ō.

JOJUE 24:27

ba əda de gə̄ na: Mbal̄ ń toō i nge kəda najə̄ kə́ kum tə́ dɔjí tə́, tɔdɔ̄ ni oō najə̄ malang ń Kɔ́ɔ̄ɓē ɔr̄ sejí ní. Ni i nge kəda najə̄ kə́ kum tə́ dɔsí tə́ yā kɔgə̄ńsí rāā háĺ kə́ gōtə́ aĺ kə Nə́ɓā yāsí.

TA KƏLA 49:1

Jakob ɓāŕ ngánən gə̄ ədadə́ na kə ɔsən̄ dɔdə́ naā tə́ kadə̄ n-ədadə́ yá̰a̰ gə̄ ń, ndɔ̄ń tə́ anī, a reēn̄ dɔdə́ tə́ ní.

TA KƏLA 31:52

Nin̄ i kə́ kum tə́ yājí gə̄ kadə̄ m-ā m̄-mān̄ dɔ tə́ yā kaw̄ rāāiń yá̰á̰ kə́ majaĺ aĺ ō, ḭ̄ ā ī-mān̄ dɔ tə́ yā reē rāām̄ yá̰á̰ kə́ to kum kaȳ aĺ ō.

JEJU TEĒ KUM JA̰A̰ 17:16

Gajə dā̰ kə́ kutə gə̄ ń na m-á̰a̰ā̰ ō, dā̰ ní ō, a imə̄n̄ dəyá̰ kə́ nge rāā ájə́ba ní. Nin̄ na a taān̄ yá̰a̰ yān malang adə̄ rɔ̄n i karī. Nin̄ na a əsan̄ dā̰n ba na a róōn̄ gotən kə́ na̰y horoó.

TA KƏLA 31:48

Laban əda na ɓōólaā mbal̄ kə́ kán̄ dɔ naā tə́ ń toō i yá̰á̰ kə́ kum tə́ dɔ dáńdə́ nin̄ kə Jakobó tə́. I tām̄ najə̄ ń noō tə́ n əndānəń rīn na i Galed ní.

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.