JAKƏ 5:2 - Bibəl ta Sar̄

² Yá̰a̰ kənge yāsí ndum kɔ̄ɔ́. Kur̄ gə̄ əsan̄ kūbə̄ yāsí gə̄.

Bible sar

² Yá̰a̰ kənge yāsí ndum kɔ̄ɔ́. Kur̄ gə̄ əsan̄ kūbə̄ yāsí gə̄.

JAKƏ 5:2 Referans Kwoze

Makətūbə̄ yā Job 13:28

Tá mā i yá̰á̰ kə́ a ur ndujə̄ pul pul tītə̄ kāgə̄ kə́ ur ruú beé ō, tītə̄ kūbə̄ kə́ kíndīŕ gə̄ əsan̄ beé ō.

Najə̄ kə́ Majə yā Jeju ń Luk ndang ní 12:33

Yá̰a̰ yāsí gə̄ ń ə́ngeī ní, ígiīneé ba ādī ngé ndoō gə̄ narən. Ūrī ngong nar kə́ a əsō ngísə aĺ gə̄ tām̄ yāsí tə́ dɔ rā̰ tə́ ō, ī-kánī dūbə̄ yá̰a̰ yāsí gə̄ kə̄ dɔ naā tə́ dɔ rā̰ tə́ ō. Nge ɓogə a aw̄ rɔ̄ tə́ aĺ ō, yō̰ a nujəń aĺ ō.

IJAI 50:9

A̰á̰ā̰ Kɔ́ɔ̄ɓē Nə́ɓā reē dḭḭ̄m̄. Ní, i náā n asə gān̄g sarya dɔḿ tə́? Madə̄ ba̰ā̰ḿ gə̄ a əsōn̄ ngísə malang tītə̄ kūbə̄ kə́ yō̰ gə̄ əsan̄ beé.

IJAI 51:8

Yō̰ gə̄ a əsan̄də́ tītə̄ loo kəsa kūbə̄ beé ō, kur̄ gə̄ a əsan̄də́ tītə̄ loo kəsa bḭḭ̄ batə̄ kə́ yā kəjō kūbə̄ tə́ beé ō. Banī kajə ń m̄-reēń ní ta tɔ̄l̄ tan a gətóo ō, teē ɓəloó a to tām̄ yā de gə̄ malang ń a ojən̄də́ kem ɓāl̄ gə̄ ń a reēn̄ tə́ ní ō.

1 PIYER 1:4

j-asiīneé rāā rɔ̄nel̄ yá̰á̰ kə́ majə gə̄ ń Nə́ɓā ngɔ̄m̄ tām̄ yā deē yān gə̄ tə́ ō ní. Yá̰a̰ gə̄ ngeé ń toō ní a ndumən̄ aĺ ō, yá̰á̰ kə́ majaĺ a tákə̄də́ aĺ ō, gíŕ ndə́lē yādə́ a gān̄g aĺ ō. Nə́ɓā ngɔ̄m̄ yá̰a̰ gə̄ ní dɔ rā̰ tə́ tām̄ yāsí tə́.

JEREMI 17:11

Deē ń ɔsə dɔ dūbə̄ yá̰a̰ kənge naā tə́ kə róbəneé aĺ ní, to i tītə̄ kerwḛy kə́ ɔbə̄ kaa kə́ i ni n ənī ní alé. Teē kə̄ danaá rik anī, yá̰a̰ kənge yān a əya̰n kɔ̄ɔ́ dan majə kə́ ngá̰ý tə́. A əsō ō, a tél de kə́ kur̄ dɔn gətóo kə̄ non tə́ ō.

PĀ GƏ̄ 39:11

Ādə̄ asiī kəndam̄, na ndéy jīí a tɔ̄lə̄m̄.

OJEE 5:12

I beé ɓá ní, mā m-ā m̄-to i tītə̄ do kə́ kumən rúu beé tām̄ yā Epəraim tə́, tītə̄ do kə́ edə̄ aĺ beē tām̄ yā Juda gə̄ tə́.

JAKƏ 2:2

Kadə̄ ī-gerīneé majə ní, ré deē kógə̄ḿ kə́ kulūm̄ lɔ́r i jīn tə́ ō, kūbə̄ kə́ majə ngá̰ý i rɔ̄n tə́ ō, udə loo kán̄ naā yāsí tə́, ba nge ndoō kógə̄ḿ kə o̰ō̰ kūbə̄ kə́ ngísə udə seneé ō,