JAKƏ 5:1 - Bibəl ta Sar̄

¹ Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

Bible sar

¹ Ngɔlaā ní, sḭḭ̄ ngé kənge yá̰á̰ gə̄, ə́gaī kɔŕ ō ī-nōōī ō, tām̄ yā yá̰á̰ kə́ to kum tō ndoō gə̄ ń a reēn̄ kə̄ dɔsí tə́ ní.

JAKƏ 5:1 Referans Kwoze

Gōsə̄ najə̄ gə̄ 11:28

De kə́ nge kəndā kemən dɔ yá̰a̰ kənge yān tə́ a əsō, banī de kə́ súmūú gə̄ a tḭ̄ḭ̄n̄ rɔ̄də́ tītə̄ kāgə̄ kə́ mbīn dībə̄ dii beē.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

JAKƏ 1:11

Tām̄ mbang əɓa ō, néĺ kə́ təngā əla ō, anī mu tutə kɔ̄ɔ́ ō, hútən ur̄ kɔ̄ɔ́ ō, majən nujə kɔ̄ɔ́ ō. De kə́ nge kənge yá̰á̰ ngá̰ý a gətóo kɔ̄ɔ́ ta kəla yān gə̄ tə́ i tītə̄ ń noō ō.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

SOPONI 1:18

Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

JAKƏ 4:13

Ba ngɔlaā sḭḭ̄ ń ə́daī na ɓōólaā, aláa bírí anī ā āwī kem ɓē ń noō tə́ ō, ā ī-ndiī tū tə́ ɓāl̄ kógə̄ḿ ō, ā ī-rāāī gātə̄ kadə̄ ā ə́ngeī nar ō,

JAKƏ 2:6

Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

JOEL 1:11

Jī ngé ndɔr̄ gə̄ ur̄ wak. Ngé ndɔr̄ kāgə̄ nduú gə̄, nōōn̄ rɔ̄də́. Kōō gémē ō kōō ɔ́rjə ō nujə kɔ̄ɔ́. Kōō kə́ ndɔrɔ́ nujə malang kɔ̄ɔ́.

JOEL 1:5

Ngé kasə rāā gə̄, ī-ndólī dɔ ɓīī tə́ ō, ī-nōōī ō. Sḭḭ̄ malang, ngé ka̰ȳ kasə nduú gə̄, ī-nōōī rɔ̄sí. Tɔdɔ̄ ɔrə̄n̄ kasə nduú tasí tə́ kɔ̄ɔ́.

EJEKIEL 19:2

Kété ní, kó̰ó̰sí i ɓɔl kə́ dəyá̰ dan ɓɔl kə́ rang gə̄ tə́. Ni to i dan ngán ɓɔl gə̄ tə́. Ni-ul̄ ngánən gə̄.

JEREMI 4:8

Tām̄ najə̄ ń toō tə́ ní, ō̰ō̰ī sákə̄ kūbə̄ tə́ rɔ̄sí tə́. Ī-nōōī rɔ̄sí ō, ə́gaī kɔŕ ō, tɔdɔ̄ wōn̄g yā Kɔ́ɔ̄ɓē kə́ al̄ naā ngá̰ý əya̰ gōjí alé.

JAKƏ 4:9

Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

PĀ GƏ̄ 17:14

Ī-tɔ̄l̄də́ kə kaskar yāí ādə̄ gətóon̄ kɔ̄ɔ́ dan de gə̄ tə́. Ī-tɔ̄l̄də́ kə jīí! Ādə̄ yá̰a̰ kəndā nja yādə́ i kadə̄ gətóon̄ kɔ̄ɔ́ dɔ nang tə́! Ī-rāā ādə̄ a̰ȳn̄ man̄ kə́ katə̄ kárárá ń ī-ngɔ̄m̄ tām̄ yādə́ tə́ ní. ādə̄ ngáńdə́ gə̄ a̰ȳ ndānə̄n̄ ba əya̰n̄ gotə əndān̄ ngán kaadə́ gə̄!

IJAI 15:3

Nin̄ əlan̄ kūbə̄ kəhɔ ndoō rɔ̄də́ tə́ njə̄rān̄neée kum róbə kɔsə gə̄ tə́. Nin̄ ran̄ kə̄ ta kújə gə̄ tə́ ō, kə̄ ndágə loo gə̄ tə́ ō ənīnəń pā yo ō, de gə̄ malang nōōn̄ ō.

EJEKIEL 30:2

Ḭ̄ ngōn̄ deē, ɔ̄r̄ najə̄ ādə̄m̄, ə́da na: Najə̄ ń Kɔ́ɔ̄ɓē Nə́ɓā əda ní n toó: Ī-nōōī rɔ̄sí tām̄ yā ndɔ̄ ń yá̰á̰ kə́ to kum kaȳ aĺ a rāań yá̰á̰ tə́ ní.