JAKƏ 4:9 - Bibəl ta Sar̄

⁹ Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.

Bible sar

⁹ Ī-gerī rɔ̄ ndoō yāsí ba ə́hɔī ndoō ō, ī-nōōī ō, kadə̄ kəgō yāsí tél kəhɔ ndoō ō, rɔ̄nel̄ yāsí tél rɔ̄ katə̄ ō.

JAKƏ 4:9 Referans Kwoze

MATIYE 5:4

Rɔ̄nel̄ i kə ngé gə̄ ń dɔdə́ sɔl̄ ní, tɔdɔ̄ Nə́ɓā a adə̄də́ dɔ nang.

Gōsə̄ najə̄ gə̄ 14:13

Kəgō kə́ ta deē tə́ a asə ɓɔ̄ɔ̄ dɔ rɔ̄ tōr̄ yān gə̄ ō, rɔ̄nel̄ a əya̰ loo adə̄ wur katə ō.

Najə̄ kə́ Majə yā Jeju ń Luk ndang ní 6:25

Rɔ̄ ndoō i yāsí sḭḭ̄ ń ī-ndānī ngɔlaā ní, tɔdɔ̄ ɓō a rāāsí! Rɔ̄ ndoō i yāsí sḭḭ̄ ń ā ə̄gōī ngɔlaā ní, tɔdɔ̄ ā ə́hɔī ndoō ō, ā ī-nōōī ō.

PĀ GƏ̄ 119:67

Kété ní m̄-gól̄ i rɔ̄ḿ adə̄ rɔ̄ḿ sɔlə̄m̄, ba ngɔlaā m̄-rāā yá̰a̰ gə̄ ń ɔ́sə kə de gēé ta rāā ní.

EJEKIEL 16:63

Loo ń noō tə́ a əga kemií dɔ yá̰á̰ kə́ mān̄ kɔ̄ɔ́ tə́ ō, rɔ̄í a sɔlī najə̄n tə́ ō, ā ī-teē taí yā kɔrə̄ń najə̄ to̰ aĺ ō. Banī mā m-ā m̄-mā̰ȳ rɔ̄ḿ dɔ yá̰a̰ malang ń ī-rāā tə́ ní. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

Najə̄ kə́ Majə yā Jeju ń Luk ndang ní 16:25

Anī Abəraham tél ədan na: Ngōnə̄ḿ, ādə̄ əga kemií na, dan ń ḭ̄ ī-ndi dɔ nang tə́ ɓáý ní, ḭ̄ ə́ngé yá̰á̰ kə́ majə yāí gə̄ ō, Lajar ní ənge i yá̰á̰ kə́ majaĺ gə̄ ō. Ngɔlaā ní ni-ənge kem sɔl̄ banī yāí i kadə̄ ə́ngé yá̰á̰ kə́ tōr̄.

Makətūbə̄ yā Job 30:31

M-úgə kənde m̄-dānəń i gō nōō rɔ̄ ō, m̄-kɔ̄ŕ nal m̄-dānəń i gō ndū ngé nōō gə̄ ō.

Najə̄ kə́ Majə yā Jeju ń Luk ndang ní 6:21

Rɔ̄nel̄ i yāsí sḭḭ̄ ń ɓō rāāsí ngɔlaā ní, tɔdɔ̄ ā ī-ndānī! Rɔ̄nel̄ i yāsí sḭḭ̄ ń ā i-nōōī naā ngɔlaā ní, tɔdɔ̄ ā ī-kəgōī naā!

NŌŌ RƆ̄ 5:15

Rɔ̄nel̄ gətóo kɔ̄ɔ́ ngarā̰ kemjí tə́ ō, ndām̄ yājí tél i nōō yo ō.

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

KOHELET 2:2

M-ə́da na: Kəgō i mbóo! Yā rɔ̄nel̄ ɓáa m-ə́da na ké rɔ̄nel̄ a rāā i rí wa.

PĀ GƏ̄ 119:71

Rɔ̄sɔl̄ ń əlan̄ dɔḿ tə́ ní i yá̰á̰ kə́ majə tām̄ yāḿ tə́, kadə̄ m̄-ndóoń yá̰a̰ gə̄ ń ī-ndang kadə̄ yā rāā ní.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

NEHEMI 8:9

Dan ń de gə̄ oōn̄ najə̄ ń tə́dan̄ ní anī, nin̄ malang nōōn̄. Adə̄ Nehemi nge ko̰o̰ ɓē ō, Esdras nge tun̄ yá̰á̰ kə́ nge ndóō de gə̄ ndū najə̄ ō, ngán Lebi gə̄ kə́ nge kɔjə de gə̄ kum najə̄ gə̄ ō, ədan̄ de gə̄ na: Ndɔ̄ kə́ ɓōólaā i ndɔ̄ kə́ kɔr̄ kam̄ tayā tām̄ yā Kɔ́ɔ̄ɓē Nə́ɓā yāsí tə́! Ī-lōōī kəhɔ ndoō ō nōō ō.

MATIYE 21:41

Ngé gə̄ ń Jeju a ɔr̄ najə̄ ní sedə́ ní tél ədanən̄ na: Ni a tɔ̄l̄ de kə́ majaĺ gə̄ ń noō kanjə̄ kadə̄ kumən o̰o̰n tām̄ yādə́ tə́, ba a adə̄ ngé ndɔr̄ kə́ rang gə̄ ndɔr̄ kāgə̄ nduú yān ní, kadə̄ ngɔ̄mə̄n̄ ba adə̄nən̄ kanə̄n kə kum mbangneé.