JAKƏ 4:8 - Bibəl ta Sar̄

⁸ Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī unjə̄ njáý njáý.

Bible sar

⁸ Ī-ndɔ́tī kə̄ rɔ̄ Nə́ɓā tə́, anī ni a ndɔ́tə̄ kə̄ rɔ̄sí tə́ ō. Sḭḭ̄ ngé kem jōó gə̄, ī-tə́goī ngarān̄g kemsí ādī *unjə̄ njáý njáý.

JAKƏ 4:8 Referans Kwoze

PĀ GƏ̄ 145:18

Kɔ́ɔ̄ɓē i ngɔr rɔ̄ de gə̄ malang ń a ɓāŕnən̄ tə́ ní, rɔ̄ de gə̄ malang ń a ɓāŕnən̄ kə́ rɔ̄kum tə́ ní.

HEBƏRO 10:22

I beé ní, ādə̄ jə-ndɔ́tī ngɔr kə̄ rɔ̄ Nə́ɓā tə́, kə kemjí kə́ rɔ̄kum ō, kə taā kem kə́ mámák ō. Tām̄ tə́gon̄ yá̰á̰ kə́ gōtə́ aĺ gə̄ ń rāān̄ adə̄ kemjí əhɔjí kə najá ní kɔ̄ɔ́ ō, tə́gon̄ rɔ̄jí kə man̄ kə́ unjə̄ njáý njáý ō.

MALASI 3:7

Jī bēl̄ loo rāā yá̰a̰ gə̄ ń m̄-ndóōsí ní, sḭḭ̄ ə́ya̰īdə́ sa̰y kɔ̄ɔ́, úniī gōdə́ alé, tītə̄ ń kaasí gə̄ rāānəń ní. Ī-téliī kə̄ rɔ̄ḿ tə́, anī m-ā m̄-tél kə̄ rɔ̄sí tə́. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní. Banī sḭḭ̄ ī-dəjeī najə̄ ə́daī na ké ā ī-téliī kə̄ rɔ̄ḿ tə́ i ba̰ý wa.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

PĀ GƏ̄ 51:10

Ədam̄ najə̄ mā̰ȳ rɔ̄ yāí na a adə̄m̄ rɔ̄nel̄ ngá̰ý. Loo ń noō tə́ mā ń ī-tétə̄ kə̄ngāḿ rárák kɔ̄ɔ́ ní, m-ā m̄-rāā rɔ̄nel̄.

HEBƏRO 7:19

Tɔdɔ̄ yá̰á̰ kə́ ndū najə̄ yā Moijə rāā adə̄ reē majə ɔtə̄ kə́ taá beé gətóo. Banī adə̄n̄jí kəndā kem dɔ tə́ kə́ majə tɔȳ kə́ kété. Adə̄ jə-ndɔ́tī ngɔr kə̄ rɔ̄ Nə́ɓā tə́, i kə ta kūl̄ kəndā kem dɔ tə́ ngeé ń toō.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

EJEKIEL 18:31

Ī-lōōī gíŕ yá̰a̰ rāāsí kə́ majaĺ gə̄ tə́. Ī-tūrī kemsí ō, ndíĺsí ō. Sḭḭ̄ Israel gə̄, ī-gḛyiī koy i najə̄ rí tə́?

PĀ GƏ̄ 73:28

Banī ndi majə yāḿ mā i ndi ngɔr rɔ̄ Nə́ɓā tə́. m̄-ɓɔ̄ɔ̄ rɔ̄ḿ i rɔ̄ Kɔ́ɔ̄ɓē Nə́ɓā tə́, kadə̄ m-ɔ́jəń kəla rāāí gə̄ malang.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

1 PIYER 3:21

Man̄ ngeé ń toō i yá̰á̰ kə́ ɔjə kum gotə batém ń ngɔlaā ajəsí ní: Batém ngeé ń toō i batém tə́gó yá̰á̰ kə́ yḛr gə̄ kə́ rɔ̄ deē tə́ kɔ̄ɔ́ alé, banī i de kə́ ənī míndən adə̄ Nə́ɓā kanjə̄ kadə̄ kemən ɔjən yá̰á̰ kə́ majaĺ. Batém ní ajəsí i kə ta kūl̄ koy ń Jeju oy ta ndól̄ ní.

Makətūbə̄ yā Job 17:9

Banī de kə́ gōtə́ əhɔ háĺ kə́ gōtə́ yān jīn jōó ō, ādə̄ deē ń jīn unjə̄ njáý njáý ní, əhɔ rɔ̄n tɔgə loo nja kə́ jōó tə́ ō.

MATIYE 12:33

Ré kāgə̄ i kə majanī kanə̄n i kə́ majə ō, ré kāgə̄ i kə́ majanī kanə̄n i kə́ majaĺ ō. Tɔdɔ̄ a gerə̄n̄ kāgə̄ i kanə̄n tə́.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

PĀ GƏ̄ 24:4

I deē ń jīn unjə̄ njáý njáý ō kemən ndaa tá táĺ ō ní. I deē ń əga rɔ̄n gidə Nə́ɓā tə́ rāań yá̰á̰ kə́ majaĺ aĺ ō, túbə yā góləń deē aĺ ō ní.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

PĀ GƏ̄ 18:20

Ni-taām̄ jīdə́ tə́ əya̰m̄ dɔɔ́ ō gān̄g dɔḿ ō, tɔdɔ̄ ni tárəm̄.

JAKƏ 1:8

Tɔdɔ̄ ni i de kə́ nge kem jōó. Ni-aw̄ kə̄ kété ō, a tél kə̄ gogə́ ō tū yá̰a̰ rāān gə̄ tə́ malang.

PĀ GƏ̄ 26:6

Kɔ́ɔ̄ɓē, m̄-tə́go jīḿ m-ɔ́jəń kadə̄ najə̄ gətóo dɔḿ tə́, yā kadə̄ m̄-njə̄rań kə gō gidə loo tun̄ yá̰a̰ yāí

KƏLA RĀĀ 15:9

Nin̄ ō, jḭḭ̄ ō ní jə-tītī naā ta kum Nə́ɓā tə́. Ni-ɔr̄ majaĺ kə́ kemdə́ tə́ kɔ̄ɔ́ adə̄ kemdə́ unjə̄ njáý njáý i kə ta kūl̄ taā ń nin̄-taān̄ kem ní.

TA KƏLA 18:23

Abəraham ndɔ́tə̄ kə̄ rɔ̄n tə́ ngɔr, dəjen na: Ā ī-tɔ̄l̄ de kə́ súmūú naā tə́ kə nge kem nduluú a?

Makətūbə̄ yā Job 16:17

Tá jīḿ rāā yá̰á̰ kógə̄ḿ kə dɔ́nɔ́ aĺ ō, ndɔ̄ȳ yāḿ i kə́ unjə̄ njáý njáý ō.

MATIYE 15:2

ba dəjenən̄ na: I tām̄ rí tə́ á ngé ndóō yá̰a̰ yāí gə̄ a rāān̄ yá̰a̰ a mānə̄n̄neé dɔ yá̰a̰ kāgə̄ ɓē yā kaají gə̄ ní? Tɔdɔ̄ ngé ndóō yá̰a̰ yāí gə̄ tə́gon̄ jīdə́ tá əsan̄neé yá̰a̰ alé.

JEREMI 4:11

Kem ndɔ̄ gə̄ ń noō tə́ ní, de gə̄ a ədan̄ gír de gə̄ ń toō ō, Jerusalem ō na: Nél kə́ təngā piling əla dɔ loo kə́ kḭḭ kə̄ dɔɔ́ gə̄ tə́ ō, kem dəla loo tə́ ō, aw̄ kum kə̄ dɔ gír deē yāḿ gə̄ tə́. Ni-aw̄ i kə̄ tó yá̰á̰ tə́ aĺ ō, kɔy tə́ aĺ ō.

Makətūbə̄ yā Job 9:30

Ká ré m̄-ndogə̄ń i man̄ kə́ unjə̄ njáý njáý gə̄gē, aláa m̄-tə́goń jīḿ i kə sabūn̄ katāá gə̄gē anī,

IJAI 13:15

Ngé gə̄ ń a əngen̄də́ ní a urən̄də́ kə gərāá, ngé gə̄ ń a əhɔn̄də́ ní a oyn̄ yo kaskar.

PĀ GƏ̄ 73:13

Kə́ rɔ̄kum tə́ ní, m̄-ngɔ̄m̄ ngarā̰ kemḿ adə̄ unjə̄ njáý njáý i ndán̄g ō, m̄-tə́go jīḿ m-ɔ́jəń kadə̄ najə gətóo dɔḿ tə́ i ndán̄g ō.

MATIYE 27:24

Dan ń Pilatə a̰ā̰ kadə̄ najə̄ yān teē yá̰a̰ alé, ba de gə̄ a ənīn̄ i wúȳ jīn tə́ anī, un man̄ tə́goń jīn ta kum kósə de gə̄ tə́, ba əda na: Mósə deē ń toō a əsō dɔḿ mā tə́ alé, i najə̄ yāsí sḭḭ̄ kɔ́ gə̄!

1 SAMUEL 14:35

I beé n Saul rāań loo tun̄ yá̰a̰ adə̄ Kɔ́ɔ̄ɓē ní. Loo tun̄ yá̰á̰ kə́ ta kəga dɔ ń Saul rāā adə̄ Kɔ́ɔ̄ɓē ní n noó.

PĀ GƏ̄ 119:113

Nelə̄m̄ kə ngé kem jōó gēé aĺ bátə́, banī ndū najə̄ yāí nelə̄m̄ ngá̰ý.

IJAI 58:2

Kə dɔ ndɔ̄ gə̄ nin̄ a reēn̄ i koō najə̄ kə́ taḿ tə́ tə́, nin̄ ndigən̄ ger̄ yá̰á̰ ń m̄-ndi m-ā m̄-ngóō ta rɔ̄də́ tə́ ní. Nin̄ ton̄ tītə̄ nápar de gə̄ kə́ ngé ɓōĺ gidə yá̰a̰ rāā kə́ gōtə́ beē ō, tītə̄ gír de gə̄ kə́ əya̰n̄ yá̰á̰ kə́ súmūú yā Nə́ɓā yādə́ kɔ̄ɔ́ aĺ beé ō. Nin̄ dəjemə̄n̄ kadə̄ m̄-gān̄g sarya kə́ gōtə́ kə m-ādə̄də́, nin̄ ndigən̄ kadə̄ mā i ngɔr rɔ̄də́ tə́.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

NŌŌ RƆ̄ 3:57

Ndɔ̄ ń m̄-ɓārə́nń rīí tə́ ní, ḭ̄ ī-ndɔ́tə̄ kə̄ ngɔr rɔ̄ḿ tə́ ba ə́da na kə m̄-lōō ɓōĺ.