JAKƏ 4:12 - Bibəl ta Sar̄

¹² Ba i Nə́ɓā ngóy n i nge kadə̄ ndū najə̄ ō, nge gān̄g sarya ō ní. I ni n asə kajə de gə̄ ō, nge rāā kadə̄ nin̄-udən̄ kɔ̄ɔ́ ō ní. Ba ḭ̄ i náā á ī-gān̄g sarya dɔ madí tə́ ní?

Bible sar

¹² Ba i Nə́ɓā ngóy n i nge kadə̄ *ndū najə̄ ō, nge gān̄g sarya ō ní. I ni n asə kajə de gə̄ ō, nge rāā kadə̄ nin̄-udən̄ kɔ̄ɔ́ ō ní. Ba ḭ̄ i náā á ī-gān̄g sarya dɔ madí tə́ ní?

JAKƏ 4:12 Referans Kwoze

Makətūbə̄ ń Pol ndang adə̄ Rom gə̄ ní 14:4

Ḭ̄ i náā kadə̄ ī-gān̄g sarya dɔ nge kəla yā madí tə́ ní? Ká ré nge kəla ní əsō aké, əsō aĺ anī, usiī alé, tɔdɔ̄ nge ń noō sɔɔ̄ i kɔ́ɔ̄n. Banī ni a ra dɔɔ́ ngan̄g, tɔdɔ̄ Kɔ́ɔ̄ɓē asə rāān kadə̄ ra dɔɔ́ karī.

Makətūbə̄ ń Pol ndang adə̄ Rom gə̄ ní 2:1

Ḭ̄ ń ī-gān̄g sarya ní, ká ḭ̄ i náā gə̄gē a, najə̄ i dɔí tə́. Tɔdɔ̄ ḭ̄ nge gān̄g sarya, dan ń ī-gān̄g sarya dɔ madí tə́ ō, īkɔ́ i rāā yá̰á̰ ń ni-rāā ō ní, īkɔ́ ə́hɔ rɔ̄í kə sarya.

MATIYE 10:28

Ī-lōōī ɓōĺ ngé gə̄ ń asən̄ tɔ̄l̄ dā̰ rɔ̄ deē ba asən̄ tɔ̄l̄ ndíl deē aĺ ní. Deē ń kadə̄ ī-ɓōĺniī ní i Nə́ɓā ń asə rāā kadə̄ dā̰ rɔ̄ deē ō, ndíl deē ō, udə kum hor Gehen tə́ ní.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

Makətūbə̄ ń Pol ndang adə̄ Rom gə̄ ní 14:13

Ní, ādī jə-gāngī sarya dɔ naā tə́ to̰ aĺ tā. Ré yá̰á̰ kə́ kadə̄ ī-gāngī najə̄ dɔ tə́ to ɓáa, i nge ń toō: Ī-lōōī rāā yá̰á̰ kógə̄ḿ kə́ kadə̄ rāā ngōkó̰ó̰sí kadə̄ teē əsō, aláa əgan bə̄dē tə́.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

Najə̄ kə́ Majə yā Jeju ń Luk ndang ní 12:5

Ādə̄ m-ɔ́jə́sí deē ń majə kadə̄ ī-ɓōĺniī ní: Ī-ɓōlíī deē ń tɔ̄lī oy anī i kə tɔ́gə kənīī kum hor Gehen tə́ ní. A̰á̰ā̰ m-ə́dásí, i ni n majə kadə̄ ī-ɓōĺniī ní!

Makətūbə̄ yā Job 38:2

Deē ń ɔr̄ najə̄ kə́ kanjə̄ kumən gə̄ rāań adə̄ yá̰a̰ gə̄ ń m-ɔ́jə rāā ní kumdə́ unjə̄ aĺ toō i náā?

1 SAMUEL 25:10

Anī Nabal tūr̄ ədadə́ na: Dabid ngōn̄ Jese i náā? Ngɔlaā ɓəlo gə̄ kə́ aȳn̄ ɓē kɔ́ɔ̄də́ gēé kɔ̄ɔ́ gə̄ i ngá̰ý,