JAKƏ 4:10 - Bibəl ta Sar̄

¹⁰ Ī-sɔlī dɔsí kə̄ no Kɔ́ɔ̄ɓē tə́, anī ni a ɔsəsí kə̄ dɔɔ́.

Bible sar

¹⁰ Ī-sɔlī dɔsí kə̄ no Kɔ́ɔ̄ɓē tə́, anī ni a ɔsəsí kə̄ dɔɔ́.

JAKƏ 4:10 Referans Kwoze

PĀ GƏ̄ 147:6

Kɔ́ɔ̄ɓē rāā kə ngé gə̄ ń télən̄ kə rɔ̄də́ kə̄ nang tə́ ní. Ba tél kə ngé kem ndul gēé kə̄ nang tə́ adə̄ ɔdən̄ nang lá láḿ.

MATIYE 23:12

Deē ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

1 PIYER 5:6

I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Makətūbə̄ yā Job 22:29

Ré tɔ́gə́ ngé kə́rēý gə̄ gətóo anī, ā ásə kədadə́ na kə ḭḭn̄ dɔɔ́! Tɔdɔ̄ ni ajə deē ń əla dɔn nang tə́ ní.

PĀ GƏ̄ 113:7

Nge tɔ́gə gətóó ń əsō nang tə́ ní, ni-tél un udən dɔɔ́. Ni un nge rɔ̄ tō ndoō kɔ̄ɔ́ dɔ bū loo tə́,

Najə̄ kə́ Majə yā Jeju ń Luk ndang ní 1:52

Ni mbə́rē mban̄g gə̄ dɔ kōr̄ kāgə̄ mbang yādə́ gə̄ tə́ tə́nīdə́ ō, ngé gə̄ ń najə̄də́ gətóó bátə́ ní, ni-ɔsədə́ kə̄ dɔɔ́ ō.

Najə̄ kə́ Majə yā Jeju ń Luk ndang ní 18:14

Ādə̄ m-ə́dásí, dan ń nge taā lambóó ń toō tél aw̄ ɓēé ní, ni-tél de kə́ súmūú, ba madə̄n tá tél de kə́ súmūú alé. Tɔdɔ̄ deē malang ń a ɔsə rɔ̄n kə̄ dɔɔ́ ní, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

PĀ GƏ̄ 27:6

Ń toō ní dɔḿ un dɔ madə̄ ba̰ā̰ḿ gə̄ ń gīrə̄n̄ gidəḿ ní, dɔḿ un dɔdə́ malang. M-ā m̄-tun̄ yá̰a̰ yā kadə̄ Kɔ́ɔ̄ɓē kem kújə yān tə́ kə kɔŕ rɔ̄nelēé ō, m-ā m-ə̄nī pā yā kɔsəń gɔn Kɔ́ɔ̄ɓē ō.

PĀ GƏ̄ 30:1

Pā rāā nāā kújə yā Kɔ́ɔ̄ɓē. I pā yā Dabid.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

PĀ GƏ̄ 28:9

Kɔ́ɔ̄ɓē, ájə́ gír deē yāí gə̄ ō, ī-rāā majə kə yá̰a̰ halaí gēé ō. ādə̄ ḭ̄ i nge kuldə́ ō, nge ka̰a̰ gōdə́ ngándáńg ō!

Teē Ngán Israel gə̄ 10:3

Moijə nin̄ kə Aaro̰ aw̄ əngen̄ Parao̰ ədanən̄ na Kɔ́ɔ̄ɓē Nə́ɓā yā Hebəro gə̄ əda na ké i ndɔ̄ kə́ rá tə́ n ké dɔn a tetəń ní wa. Kə əya̰ gír deē yān gə̄ kadə̄ aw̄ rāān̄ kəla adə̄nən̄.

1 SAMUEL 2:7

I Kɔ́ɔ̄ɓē n i nge rāā kadə̄ deē tél nge rɔ̄ tō ndoō ō, nge kənge yá̰a̰ ō ní. Ni i nge tél kə deé kə̄ nang tə́ ō, nge kɔsən kə̄ dɔɔ́ ō.

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

Makətūbə̄ yā Job 5:11

I ni n i nge kɔr̄ ngé kəto gírí nang tə́ gə̄ kəndādə́ ta tə́ dɔɔ́ ní ō, nge rāā kadə̄ rɔ̄ ngé kəhɔ ndoō gə̄ tél nel̄də́ gogə́, tām̄ ajən̄ kɔ̄ɔ́ ní ō.

Gōsə̄ najə̄ gə̄ 29:23

Kɔjə rɔ̄ yā deē a əla rɔ̄sɔl̄ dɔn tə́, banī deē ń kɔjə rɔ̄ gətóo kemən tə́ ní a rɔȳnən̄.

EJEKIEL 21:26

Mban̄g kə́ Babilon a dəba ta gajə róbə́ tə́, ta róbə́ kə́ jōó gə̄ ní tə́ yā túgəń wə̄lā yā gerə̄ń yá̰á̰ kə́ ɔjə dɔn. Ni yéȳ kum gərā gə̄ ō, yá̰á̰ kə́ dūú gə̄ ń tɔ́sə̄n̄ kum gotə yá̰a̰ gə̄ ní, ni dəjedə́ najə̄ ō, ni-əndā ma̰ȳ wur dā̰ gə̄ ō.