Biblia Todo Logo
Bib sou entènèt

- Piblisite -




JAKƏ 4:1 - Bibəl ta Sar̄

1 Yá̰á̰ ń rāā tá kadə̄ a ī-rɔ̄ɔ̄ī naā ō, a ī-kɔ̄lī naā ō ní i rí? I ngur yá̰á̰ kə́ majaĺ gə̄ kə kemsí tə́ aĺ a? Ngur yá̰a̰ gə̄ ní i tītə̄ de kə́ ngé rɔ̄ɔ̄ gə̄ kemsí tə́,

Gade chapit la Kopi

Bible sar

1 Yá̰á̰ ń rāā tá kadə̄ a ī-rɔ̄ɔ̄ī naā ō, a ī-kɔ̄lī naā ō ní i rí? I ngur yá̰á̰ kə́ majaĺ gə̄ kə kemsí tə́ aĺ a? Ngur yá̰a̰ gə̄ ní i tītə̄ de kə́ ngé rɔ̄ɔ̄ gə̄ kemsí tə́,

Gade chapit la Kopi




JAKƏ 4:1
24 Referans Kwoze  

Kó tár gə̄, sḭḭ̄ ń i mbā gə̄ ō tə̄rā gə̄ ō dɔ ɓē kə́ rang tə́ ní, m̄-dəjesí kadə̄ ī-mbātíī yá̰a̰ gə̄ ń ngurdə́ asəsí nák ní.


Tɔdɔ̄ yá̰a̰ gə̄ ń dā̰ rɔ̄sí gḛy ní, i yá̰a̰ gə̄ ń Ndíl gḛy ní alé. Tá yá̰a̰ gə̄ ń Ndíl gḛy ní, i yá̰a̰ gə̄ ń dā̰ rɔ̄sí gḛy ní aĺ ɓáý to̰. Adə̄ nin̄-mbātə́n̄ naā, i yā kadə̄ sḭḭ̄ ásiīń rāā yá̰á̰ ń kemsí ndigə ní alé.


ba m̄-teē dɔ ndū najə̄ kə́ rang tə́ kemḿ tə́ ɓáý to̰, kə́ a rɔ̄ɔ̄ ndū najə̄ yā Nə́ɓā ń m̄-ndigə ní kɔ̄ɔ́ kemḿ tə́. Ndū najə̄ kə́ rang ní rāām̄ adə̄ m̄-tél ɓəlo yā yá̰á̰ kə́ majaĺ ń to kemḿ tə́ ní.


Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.


Yá̰á̰ ń nāā deē kadə̄ a rāā majaĺ ní i ngur yá̰á̰ kə́ majaĺ kə́ kem deē tə́ ń a ndɔ́rə̄n ō, a kɔ́lən ō ní.


Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.


Ōōī ta Nə́ɓā ba ī-lōōī rāā yá̰á̰ ń kété ngurən a rāāsí dan ń sḭḭ̄ ī-gerīneé yá̰a̰ aĺ ɓáý tə́ ní.


I beé ní, ə́ya̰ī háĺ kə́ majaĺ kə́ dɔ nang tə́ laā kɔ̄ɔ́, adə̄ i sāā naā loo kaya tə́ ō, i rāā yá̰á̰ kə́ yḛr gə̄ ō, i ngur yá̰á̰ kə́ majaĺ gə̄ ō, i ɓō yá̰á̰ kə́ majaĺ gə̄ ō, i rāā ta nar ń rāā rɔ̄n i rɔȳ ɓesə̄ tə́ ní ō.


Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,


Ī-dəjeī yá̰a̰ ba ə́ngeī yá̰á̰ ní alé, tɔdɔ̄ ī-dəjeī i kə gír̄ kə́ majaá alé. Gír̄ yāsí ní, ī-sāāī i nujə yá̰á̰ ń ī-dəjeī ní tām̄ yā rɔ̄nel̄ yāsí kə́ karī tə́ ngóy.


Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.


Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.


Banī ndəle gíŕ yá̰á̰ kə́ kanjə̄ kumən gə̄ ō, kɔr̄ gír kaa gə̄ ō, tṵ́ṵ̄ naā gə̄ ō, tɔ́tə̄ naā dɔ ndū najə̄ tə́ ń i yá̰á̰ kə́ teē yá̰a̰ aĺ ō, i yá̰á̰ kə́ kanjə̄ kumən gə̄ ō ní, ī-lōō kəla taí danaá.


Tɔdɔ̄ ré jə-rāāī yá̰a̰ i kə gō kem ndigə yā dā̰ rɔ̄jí anī, ngur yá̰á̰ kə́ majaĺ gə̄ ń ton̄ kemjí tə́ ní, ndū najə̄ ndól̄də́ adə̄ nin̄-rāān̄ kəla rɔ̄jí tə́ kə taá malang. Loo ń noō tə́ jə-rāāī i yá̰a̰ gə̄ kə́ a aw̄n̄ sejí i yā kəlají ta yo tə́.


Tɔdɔ̄ gír̄ kə́ majaĺ gə̄ ō, gír̄ tɔ̄l̄ deē ō, ɓīī kə dəyá̰ kə́ rang, aláa kə dəngam kə́ rang ō, gír̄ rāā háĺ kə́ majaĺ ō, sāā ɓogə ō, tétə̄ najə̄ dɔ deē tə́ ō, ngonjə̄ ō, ḭḭn̄ i dan wur deē tə́.


Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.


Ba ə́ya̰ nējə̄ naā najə̄ kə́ kanjə̄ kumən gə̄ ō, kə́ to mbóo gə̄ ō kɔ̄ɔ́, tɔdɔ̄ ī-ger̄ kadə̄ a ojə i kɔ̄l̄ naā.


Swiv nou:

Piblisite


Piblisite