JAKƏ 3:8 - Bibəl ta Sar̄

⁸ Banī ta ndo̰jí ní, deē kógə̄ḿ kə́ asə tetə dɔn gətóo. I yá̰á̰ kə́ tōr̄ kə́ a to jəke alé. Kəga kə́ a tɔ̄l̄ deē rosə kemən.

Bible sar

⁸ Banī ta ndo̰jí ní, deē kógə̄ḿ kə́ asə tetə dɔn gətóo. I yá̰á̰ kə́ tōr̄ kə́ a to jəke alé. Kəga kə́ a tɔ̄l̄ deē rosə kemən.

JAKƏ 3:8 Referans Kwoze

Makətūbə̄ ń Pol ndang adə̄ Rom gə̄ ní 3:13

Nga̰ā̰də́ i bāá ɓádə́ kə́ ta ra kə wōyōó. Nin̄ i ngé gól̄ loo kə tadə́ karī gə̄. Najə̄ kə́ tadə́ tə́ i tītə̄ kong lī beé.

PĀ GƏ̄ 140:3

Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

JAKƏ 3:6

Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

PĀ GƏ̄ 55:21

Deē ngeé ń toō rɔ̄ madə̄ tan gə̄, ni-əhɔ madə̄ naā yān i yá̰á̰ kə́ karī tə́.

PĀ GƏ̄ 57:4

Ādə̄ ni ń ndi dɔ rā̰ tə́ ní əla kə kajaá adə̄m̄. Ādə̄ əla rɔ̄sɔl̄ dɔ nge ngɔ̄də̄ḿ tə́, ādə̄ Nə́ɓā əla kə yá̰á̰ kə́ ɔjə kadə̄ ni i nge kem majə ō, nge ra dɔ ndūn tə́ ō, adə̄m̄!

PĀ GƏ̄ 59:7

Nin̄ tél reēn̄ loo sɔlí ɓáý ba ndōgə̄n̄ tītə̄ bísə gə̄ ō, dáȳn̄ kem ɓēé ō.

PĀ GƏ̄ 58:4

Dan ń əlan̄ gír ndān̄ ngé kem ndul gə̄ ní, nin̄ i de kə́ nujə kɔ̄ɔ́ gə̄. Ngé sor̄ gə̄ əlan̄ gír kɔr̄ najə̄ kə́ a̰a̰ gō naā aĺ gə̄ i ndɔ̄ kojədə́ tə́.

KOHELET 10:11

Ré lī do̰ nge kɔ́lən tām̄ ni kɔ́lən aĺ anī, nge kɔ́l lī a ənge i yá̰á̰ rí gír kɔ́l lī tə́?

NDŪ NAJƏ̄ 32:33

Kasə nduú yādə́ to tītə̄ kong lī, majaĺ tītə̄ kong lī hir beé.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

Gōsə̄ najə̄ gə̄ 17:20

Kem kə́ rɔ̄kum aĺ a ndi kə rɔ̄nelēé aĺ ō, deē ń ta ndo̰n a əda najə̄ kə́ rɔ̄kum aĺ ní yá̰á̰ kə́ to kum kaȳ aĺ a teē dɔn tə́ ō.

JAKƏ 3:7

Gír dā̰ kə́ bembeé gə̄ malang ō, yel̄ gə̄ ō, kur̄ kə́ kagə nang tə́ gə̄ ō, dā̰ kə́ maná gə̄ ō ní, deē asə ndóōdə́ rāā yá̰á̰ ń kemən ndigə ní.