JAKƏ 3:6 - Bibəl ta Sar̄

⁶ Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

Bible sar

⁶ Ba ta ndo̰jí i hor ō, i loo kə́ yá̰á̰ kə́ majaĺ gə̄ malang i tū tə́ ō. Ni i ngōn̄ rɔ̄jí kógə̄ḿ kə́ dan madə̄ gə̄ tə́ kə́ nge tákə̄ gotə rɔ̄jí malang kə yá̰á̰ kə́ yḛreé. Ni i nge kunjə̄ hor Gehen kəla dɔjí tə́ ndɔ̄ kojəjí tə́ bátə́ ndɔ̄ koyjí tə́.

JAKƏ 3:6 Referans Kwoze

Gōsə̄ najə̄ gə̄ 16:27

De kə́ hálən nujə kɔ̄ɔ́ núm̄ rāā yá̰á̰ kə́ majaĺ, najə̄ kə́ tan tə́ i hor kə́ a o̰o̰ loo.

MARK 7:15

Yá̰á̰ kógə̄ḿ kə́ ndágá kə́ aw̄ kem deē tə́, ba rāān adə̄ a tél de kə́ yḛr ní gətóo. Banī i yá̰a̰ gə̄ ń teēn̄ kem deē tə́ kə̄ ndágá ní n a rāān̄ deē kadə̄ tél de kə́ yḛr ní.

Gōsə̄ najə̄ gə̄ 15:1

Najə̄ kə́ tūr̄ kəda deē kə míndə́ kə́ sɔl̄ lɔmɔɔ́ rāā adə̄ wōn̄g tetə, banī najə̄ kə́ tōr̄ kə́ kəda deē i yá̰á̰ kə́ a adə̄ deē wōn̄g.

Najə̄ kə́ Majə yā Jeju ń Luk ndang ní 16:24

Loo ń noō tə́ ní un ndūn kə̄ dɔɔ́ ngá̰ý, ədań na: Bɔbə́ḿ Abəraham, á̰a̰ kum tō ndoō yāḿ, ba ə́la Lajar kadə̄ əla ta ngōn̄ jīn kum man̄ tə́, reē sɔlə̄ń ta ndo̰ḿ, tɔdɔ̄ rɔ̄ḿ tōrə̄m̄ ngá̰ý kum hor ń toō tə́.

PĀ GƏ̄ 140:3

Nin̄ ndin̄ i gíŕ núm̄ yá̰á̰ kə́ majaĺ tə́ yā rāā ngóy. Nin̄ i ngé sāā tām̄ kə dɔ ndɔ̄ gə̄.

PĀ GƏ̄ 64:3

Ī-ɓɔ̄ɔ̄m̄ ādə̄ mā i sa̰y rɔ̄ ngé kem ndul gə̄ tə́, sa̰y rɔ̄ ngé rāā yá̰a̰ gōtə́ aĺ gə̄ ń oōn̄ naā loo mundə̄ tə́ dɔḿ tə́ ní.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.

JAKƏ 2:7

I nin̄ n a ɔrə̄n̄ najə̄ kə́ to ngonjə̄ gə̄ dɔ rī kə́ majə ngá̰ý ń ɓār̄ dɔsí tə́ ní aĺ a?

KƏLA RĀĀ 6:13

Nin̄-tə́ndān̄ de kə́ kum tə́ kə́ rɔ̄kum aĺ gə̄ kadə̄ ədan̄ na: Asə deē ń toō kɔr̄ najə̄ kə́ majaĺ dɔ loo kə́ táĺ tə́ aĺ ō, asən kɔr̄ najə̄ kə́ majaĺ dɔ ndū najə̄ yā Moijə tə́ aĺ ō!

KƏLA RĀĀ 5:3

Anī Piyer ədan na: Ananias, i tām̄ rí tə́ á ī-rāā yá̰á̰ ń Sətan ədaī ní? Ḭ̄ ī-sor̄ Ndíĺ kə́ Táĺ ba ɔ̄r̄ ta nar gír loo yāí ə́ga gidə yāí tə́.

MATIYE 12:24

Banī Parijiyḛ gə̄ ń oōn̄ ní, ədan̄ na Jeju na a tə̄ɓā ndíĺ kə́ majaĺ gə̄ na i kə ta kūl̄ tɔ́gə́ ń Beljebul, ngār yā ndíĺ kə́ majaĺ gə̄ na adə̄n ní ngóy.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

2 SAMUEL 19:43

Anī Juda gə̄ malang tél ədan̄ Israel gə̄ na: I tām̄ jḭḭ i ngéé mban̄g kə́ ngɔr ngá̰ý gə̄ tɔȳ yāsí. Ā ī-rāāī wōn̄g najə̄n tə́ i tām̄ rí tə́? I mban̄g n ul̄jí ní a? Mban̄g adə̄jí kadə̄ karī gə̄ a?

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 18:23

Deē a a̰a̰ hor kə́ tū lámbá tə́ ɓēé looí to̰ aĺ ō, nge nong kə́ dəngam ō, dəyá̰ nong yān ō ní, deē a oō ndūdə́ ɓēé looí to̰ aĺ ō. Tɔdɔ̄ ngé rāā gātə̄ yāí gə̄ i de kə́ bo gə̄ kə́ dɔ nang tə́, tām̄ rāā kəga yāí rāā adə̄ nápar de gə̄ malang ndúmə̄n̄ kɔ̄ɔ́.

JEJU TEĒ KUM JA̰A̰ 13:14

Ni-rāā adə̄ de kə́ dɔ nang tə́ gə̄ ndúmə̄n̄ sɔɔ̄ń yá̰á̰ kə́ yáā gə̄ ń ni-rāā ta kum dā̰ kə́ kété tə́ ní. Ni-əda de gə̄ na kə rāān̄ ndíĺ yá̰á̰ kógə̄ḿ kə́ ɔsə kum gotə dā̰ ń ənge do kaskar ba tél ndi kə kumneé gogə́ ní.

JEJU TEĒ KUM JA̰A̰ 12:9

Adə̄ dā̰ kə́ to ɓōĺ kə́ bo ngá̰ý ń i lī kə́ jóó ń a ɓāŕnən̄ na i diabəl ō, Sətan ō ní, ni ń i nge gól̄ de gə̄ malang kə́ dɔ nang tə́ ní, mbəre ənīnən̄ dɔ nang tə́, naā tə́ kə deē yān kə́ dɔ rā̰ tə́ gēé.

2 PIYER 3:3

Yá̰á̰ ń kadə̄ ī-gerī kété ní n toó: Kem ndɔ̄ gə̄ kə́ ta ngóy tə́ anī, de kə́ ngé rāā yá̰á̰ kə́ ngurən i kemdə́ tə́ gə̄ a teēn̄ yādə́. Nin̄ a mbóon̄ sesí,

TITƏ 1:11

Majə kadə̄ deē utə̄ tadə́ kɔ̄ɔ́, tām̄ nin̄ i ngé nujə kem de gə̄ kə́ kem gír kojə kə́ kógə̄ḿ beē tə́ gə̄ malang kə yá̰á̰ ndóō kə́ majə kadə̄ deē ndóō de gə̄ aĺ tə́. Nin̄-rāān̄ nge ń nuū i yā kəngeń yá̰a̰ kə ta róbə́ kə́ gō tə́ alé.

KƏLA RĀĀ 20:30

Tá dansí sḭḭ̄ kɔ́ gə̄ tə́ laā gə̄gē ní, de kə́rēý gə̄ a ndin̄ yā kɔr̄ najə̄ kə́ rɔ̄kum aĺ gə̄ yā kɔyń ngé taā kem gə̄ gōdə́ tə́.

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

IJAI 30:27

Kɔ́ɔ̄ɓē n toó, ni-ḭḭ i sa̰y n reē. Wōn̄g yān o̰o̰ hor, i wōn̄g kə́ a ɔr̄ tɔ́gə deē. Wōn̄g rosə kem tan. Najə̄ yān to tītə̄ hor kə́ a o̰o̰ loo beé.

TƏ́DA 31:16

Ī-gerī majə kadə̄ i dəyá̰ gə̄ ń noō n taān̄ kɔjə̄ yā Balam gól̄nəń ngán Israel gə̄ adə̄ rāān̄ yá̰á̰ kə́ gōtə́ aĺ kə Kɔ́ɔ̄ɓēé tū najə̄ yā Peor tə́ á yá̰á̰ kə́ tōr̄ əsōń dɔ de gə̄ yā Kɔ́ɔ̄ɓē tə́ ní aĺ a?

2 YÁ̰A̰ GƏ̄ 13:17

Abia nin̄ kə deē yān gēé tetən̄də́ rɔ̄ɔ̄ tetə kə́ to ɓōĺ ngá̰ý. Nin̄ tɔ̄lə̄n̄ Israel kə́ ger̄ rɔ̄ɔ̄ majə gə̄ dūbú ɓú mí.

2 SAMUEL 16:20

Absalom əda Ahitopel na: Ōōī naā dɔ yá̰á̰ ń kadə̄ jə-rāāī tə́ ní.

NDŪ NAJƏ̄ 13:6

Banī a tɔ̄lə̄n̄ nge koō ta aláa nge nī rāā gə̄ ń toō kɔ̄ɔ́. Tām̄ ni mēr̄sí tūr̄ gidəsí kɔ̄ɔ́ ta Kɔ́ɔ̄ɓē ń i Nə́ɓā ń ɔr̄sí ɓəloó kɔ̄ɔ́ ō, teē sesí kɔ̄ɔ́ kem ɓē kə́ Ejiptə tə́ ō ní. A tɔ̄l̄nən̄ kɔ̄ɔ́ tām̄ ni sāā kadə̄ ī-tɔ̄ɔ̄ī kɔ̄ɔ́ gō róbə́ ń Kɔ́ɔ̄ɓē Nə́ɓā yāsí mēr̄sí kun tə́ ní. I beé n ā ɔ̄rīneé majaĺ kɔ̄ɔ́ dɔ dáńsí tə́ ní.

LEBI GƏ̄ 24:11

anī ni ndájə̄ najə̄ dɔ rī Kɔ́ɔ̄ɓē tə́ ō, tájə̄n ō, adə̄ aw̄n̄ seneé rɔ̄ Moijə tə́. Rī dəyá̰ ní i Selomit. Ni i ngōn̄ Dibəri kə́ gír ɓē yā Dan tə́.

TƏ́DA 25:2

Ngán kə́ dəyá̰ gə̄ ní ɓārə́n̄də́ loo tun̄ yá̰a̰ kadə̄ ɓesə̄ yādə́ gə̄ tə́, adə̄ əsan̄ yá̰a̰ tū tə́ ō, əsōn̄ kə̄ nang tə́ no ɓesə̄ gə̄ tə́ ndɔ̄ȳn̄də́ ō.

Gōsə̄ najə̄ gə̄ 7:5

Nin̄ a ngɔ̄m̄nī ta kaya dəyá̰ tə́ ō, ta najə̄ kə́ to gól̄ loo gə̄ yā nə̄yá̰ deē tə́ ō.

IJAI 50:11

Banī sḭḭ̄ malang ń ī-rāāī hor adə̄ o̰o̰ ní, sḭḭ̄ ń ī-túdī gərā kə́ hor i ta tə́ gə̄ ī-gīrīneé gidəsí ní, údiī kum ta ndo̰ hor yāsí tə́, dan gərā gə̄ ń ī-tə́ndāī hor tadə́ tə́ ní. I Kɔ́ɔ̄ɓē n i nge rāā kadə̄ ā óyiī dan yá̰á̰ kə́ tōr̄ ngá̰ý tə́ ní.

JAKƏ 3:7

Gír dā̰ kə́ bembeé gə̄ malang ō, yel̄ gə̄ ō, kur̄ kə́ kagə nang tə́ gə̄ ō, dā̰ kə́ maná gə̄ ō ní, deē asə ndóōdə́ rāā yá̰á̰ ń kemən ndigə ní.