JAKƏ 3:5 - Bibəl ta Sar̄

⁵ Yā ta ndo̰jí i beé ō. Ni i ngōn̄ rɔ̄jí kə́ dūú sḛ́ý beē ba rāā yá̰á̰ kə́ bo ngá̰ý gə̄. Hor kə́ sḛ́ý beē asə ko̰o̰ ku kāgə̄ kə́ bo ngá̰ý gə̄ ní ī-gerī aĺ a?

Bible sar

⁵ Yā ta ndo̰jí i beé ō. Ni i ngōn̄ rɔ̄jí kə́ dūú sḛ́ý beē ba rāā yá̰á̰ kə́ bo ngá̰ý gə̄. Hor kə́ sḛ́ý beē asə ko̰o̰ ku kāgə̄ kə́ bo ngá̰ý gə̄ ní ī-gerī aĺ a?

JAKƏ 3:5 Referans Kwoze

Gōsə̄ najə̄ gə̄ 18:21

Deē a oy, aláa a ndi kə kumneé i kə ta kūl̄ najə̄, deē ń nelə̄n kɔr̄ najə̄ ngá̰ý ní a əsa yá̰á̰ ń najə̄ a adə̄n ní.

Gōsə̄ najə̄ gə̄ 12:18

Najə̄ kɔr̄ de kə́ nge kɔsə kum i najə̄ kə́ a adə̄ deē do kə́ tītə̄ do kaskar beé, banī ta ndo̰ ngé kum kedə̄ gə̄ i dáwá.

Gōsə̄ najə̄ gə̄ 15:2

Dan ń de kə́ nge kum kedə̄ ɔr̄ najə̄ anī ngur ndóō yá̰á̰ rāā deē, banī de kə́ mbóo a ɔr̄ najə̄ i tītə̄ de kə́ nge kɔ̄r̄.

PĀ GƏ̄ 17:10

Nin̄ ndāngə́n̄ ō, gángə̄n̄ rɔ̄də́ ō.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

JEREMI 18:18

Anī de kə́rēý gə̄ ədan̄ na: Ī-reē j-oōī naā dɔ Jeremi tə́. Na ndū najə̄ a nal̄ ta ngé tun̄ yá̰a̰ gə̄ aĺ ō, Kɔjə̄ a nal ta kum kɔɔ̄ gə̄ aĺ ō, najə̄ yā Nə́ɓā a nal̄ ta ngé koō ta gə̄ aĺ ō. Ī-reēī jə-tə́daī najə̄ kə́ majaĺ gə̄ dɔn tə́ jə-nujiīneé rīn. J-əndāī mbījí gír najə̄ kɔrə̄n gə̄ tə́ alé.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

EJEKIEL 28:2

Ḭ̄ ngōn̄ deē, ə́da ngār kə́ Tir najə̄ ń toō ń mā Kɔ́ɔ̄ɓē Nə́ɓā m-ə́dá ní: Ḭ̄ ɔ̄r̄ najə̄ kə kɔjə rɔ̄ kə́ ngá̰ý kemií tə́ ə́da na ḭ̄ na i nə́ɓā kógə̄ḿ. m̄-ndi dɔ kōr̄ kāgə̄ mbang tə́ i tītə̄ nə́ɓā kógə̄ḿ dan bā bo tə́. Ḭ̄ ɔ́jəń na ásiī naā kə nə́ɓā kógə̄ḿ. Tá ḭ̄ i deē karī, ḭ̄ i nə́ɓā kógə̄ḿ alé.

2 PIYER 2:18

Najə̄ kɔr̄də́ i najə̄ kə́ to kɔjə rɔ̄ gə̄ ō, i mbóo najə̄ gə̄ ō. Yá̰á̰ kə́ majaĺ gə̄ ń ngurən i kemdə́ tə́ ní, nin̄-əyān̄ gūmbə̄ kə yá̰a̰ gə̄ ní əhɔn̄neé ngé teē jī ngé rāā yá̰a̰ gō tə́ aĺ gə̄ tə́ ngɔr ɓáý gə̄.

DANIEL 4:30

Yá̰á̰ ní rāā mban̄g Nabukodonosor kə̄ ta jī tə́ noō: Tə̄ɓānən̄ kɔ̄ɔ́ dan de gə̄ tə́ ni a ə́sa i mu tītə̄ yā man̄g gə̄ ō, tal kə́ dɔ rā̰ tə́ əhɔ dɔ dā̰ rɔ̄n tə́ ō. Nənga dɔn ngāl̄ asə kə bel̄ kə̄rōó ō, hēl̄ jīn gə̄ kə hēl̄ njan gə̄ ngālə̄n̄ tītə̄ yā yel̄ gə̄ ō.

Makətūbə̄ yā Job 22:17

Nin̄ ədan̄ Nə́ɓā na kə tūr̄ gidən kɔ̄ɔ́ tadə́ tə́! Ké Nə́ɓā kə́ tɔ́gən i ngá̰ý a rāā i rí sedə́ wa.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

DANIEL 3:15

Ngɔlaā ní ə̄ndāī dɔ rɔ̄sí danaá kɔ̄ɔ́, yā kadə̄ ré ōōī tōw̄ ō nal ō kənde kə́ kəlān i ngá̰ý ō kə́ kəlān asə tām̄ ō, kəlān i ngá̰ý aĺ ō, kōō yá̰á̰ kə́ ɓār̄ gōsə̄ ō, anī ā ɔ́siī nosí nang tə́ yā rɔȳ yá̰á̰ kə́ to tītə̄ deē ń m̄-rāā ní a? Ré ī-mbātíī rɔȳn anī a ənīn̄sí kə̄ ta jī tə́ noō kum hor kə́ o̰o̰ bəlim bəlim kə́ tənga ngá̰ý tə́, ba i nə́ɓā kə́ rá n a asə taāsí jīḿ tə́ yā kəya̰sí dɔɔ́ ní?

EJEKIEL 29:3

Najə̄ ń mā Kɔ́ɔ̄ɓē Nə́ɓā m-ə́dan ní n toó: Ḭ̄ Parao̰, mban̄g kə́ Ejiptə, m-ā m̄-rāā yá̰á̰ kə́ tōr̄ seí, ī-to tītə̄ mar kə́ bo kə́ to kum bā Nil tə́. Ə́da na bā na i yāí, na i ḭ̄ n na ī-rāā bā ní.

Teē Ngán Israel gə̄ 5:2

Parao̰ tél ədadə́ na ké Kɔ́ɔ̄ɓē i náā á kadə̄ n-oō tan ba kə n-əya̰ń ngán Israel gə̄ kadə̄ aw̄n̄ wa. Na n-ger̄ Kɔ́ɔ̄ɓē aĺ ō, n-ndigə kəya̰ ngán Israel gə̄ kadə̄ aw̄n̄ aĺ ō.

PĀ GƏ̄ 39:1

Pā kə́ kem makətūbə̄ yā ngār yā gōsə̄ pā gə̄ tə́, adə̄ i yā Yedutun. I pā yā Dabid.

Gōsə̄ najə̄ gə̄ 26:20

Dan ń kīr̄ gətóó ɓáa hor a oy ō. Dan ń nge tetə najə̄ gətóó ɓáa gír kɔ̄l̄ naā a gān̄g ō.

JAKƏ 3:4

Á̰a̰ī too bo gə̄. Ká boon̄ ngá̰ý ō, néĺ ń a səlādə́ ní əla i kə tɔ́gɔ́ ngá̰ý ō gə̄gē anī, a tetən̄ dɔdə́ ta kaw̄ loo ń nge nēl̄də́ gḛy kaw̄ sedə́ tū tə́ ní tə́ i kə háý kə́ dūú ngá̰ý.