JAKƏ 3:16 - Bibəl ta Sar̄

¹⁶ Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.

Bible sar

¹⁶ Tɔdɔ̄ loo ń kəndā naā nii ō, rɔ̄ɔ̄ naā dɔ yá̰á̰ tə́ ō i tū tə́ ní, yá̰a̰ a a̰a̰ gō naā tū tə́ aĺ ō, yá̰á̰ kə́ majaĺ gə̄ malang i tū tə́ ō.

JAKƏ 3:16 Referans Kwoze

JAKƏ 3:14

Ba ré ə̄ndāī naā nii adə̄ wursí atə̄sí kárárá kə naá ō, ā ī-rɔ̄ɔ̄ī naā dɔ yá̰á̰ tə́ ō anī, ī-lōōī hítə̄ rɔ̄sí ō, nujə najə̄ kə́ rɔ̄kum kə sor̄ yāsí ō.

1 KORḚNTƏ 3:3

Tām̄ sḭḭ̄ ā ī-rāāī yá̰a̰ i gō yā dā̰ rɔ̄ tə́ ɓáý. Dan ń nii ō, kɔ̄l̄ naā ō i dansí tə́ ní, sḭḭ̄ i ngé rāā yá̰a̰ gō yā dā̰ rɔ̄ tə́ gə̄ aĺ a? Ā ī-rāāī i hál de kə́ dɔ nang tə́ laā gə̄ n noō aĺ a?

1 KORḚNTƏ 14:33

Tɔdɔ̄ Nə́ɓā i Nə́ɓā kə́ nge rāā yá̰á̰ kə́ a̰a̰ gō naā aĺ alé, banī ni i Nə́ɓā kə́ nge rāā kadə̄ lápə́ya to. Tītə̄ ń a rāān̄neé loo kán̄ naā gə̄ malang yā de gə̄ yā Nə́ɓā tə́ ní,

1 JA̰A̰ 3:12

Ba i kadə̄ jə-toī tītə̄ Kain ń ni i deē yā De kə́ Majaĺ adə̄ tɔ̄l̄ ngōkó̰o̰n ní alé. Ba ni-tɔ̄lən i tām̄ rí tə́? I tām̄ kəla rāān i kə́ majaĺ, banī yā ngōkó̰o̰n i kə́ gō tə́.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

TA KƏLA 11:9

I tām̄ najə̄ ń noō tə́ n əndānəń rī ɓē ní na i Babel ní. Tɔdɔ̄ Kɔ́ɔ̄ɓē tə́la ta yā de kə́ dɔ nang tə́ gə̄ malang naā tə́ i loo ń noō tə́ ō, ni tə̄ndā tḭ̄ḭ̄də́ kə̄ loo gə̄ tə́ dɔ nang tə́ malang i loo ń noō tə́ ō.

KƏLA RĀĀ 19:29

Najə̄ ní taā loo kem ɓēé malang, adə̄ de gə̄ bə̄gān̄ naā ta kaw̄ kə̄ loo kɔjə yá̰á̰ tə́, ba ndɔ́rə̄n̄ Gayus nin̄ kə Aristark ń i de kə́ Masedəwan tə́ gə̄ ní ō, i madə̄ mbā Pol gə̄ ní ō aw̄n̄ sedə́.

Makətūbə̄ ń Pol ndang adə̄ Rom gə̄ ní 2:8

Ba ngé gə̄ ń i ngé mbātə́ najə̄ gə̄ á mbātə́n̄ najə̄ kə́ rɔ̄kum ba rāān̄ i yá̰á̰ kə́ súmūú aĺ gə̄ ní, wōn̄g yān ō, wur katə̄ yān ō, a reēn̄ dɔdə́ tə́.

2 KORḚNTƏ 12:20

m̄-ɓōĺ najə̄ kadə̄ ré m-āw̄ loosí anī, m-ə́ngésí i tītə̄ ń m̄-gírəń ní aĺ ō, sḭḭ̄ ə́ngemī i tītə̄ ń ī-gírīneé ní aĺ ō. m̄-ɓōĺ najə̄ kadə̄ kɔ̄l̄ naā gə̄, kə kəndā naā nii gə̄, kə wōn̄g gə̄, kə rɔ̄ɔ̄ naā dɔ loo tə́ gə̄, kə tájə̄ naā gə̄, kə tām̄ kə naá gə̄, kə haalo gə̄, kə kɔjə rɔ̄ gə̄, kə yá̰á̰ kə́ a̰a̰ gō naā aĺ gə̄ ton̄ dɔ dáńsí tə́.

TA KƏLA 38:9

Onan ger̄ kadə̄ ngōn̄ ń a ojə ní i ngōn̄ yān alé, adə̄ loo ń a sāā nə̄yá̰ ngōkó̰o̰n anī a ɓōkə́ manə̄n i nang tə́ kɔ̄ɔ́ yā kojəń ngōn̄ kadə̄ ngōkó̰o̰n alé.

MARK 3:25

Ré kem gír kojə kógə̄ḿ tə́ de kə́ kemeé gə̄ mbātə́n̄ naā anī, loo kadə̄ nge naā to mbənādə́ tə́ kum kə̄ kété a gətóo.