JAKƏ 2:8 - Bibəl ta Sar̄

⁸ Rɔ̄kum, ré ī-ngɔ̄mī ndū najə̄ kə́ majə tɔȳ gotə ndū najə̄ gə̄ malang ń na kə ī-tár madí tītə̄ dā̰ rɔ̄í īkɔ́ ní anī, ī-rāāī i yá̰á̰ kə́ majə.

Bible sar

⁸ Rɔ̄kum, ré ī-ngɔ̄mī *ndū najə̄ kə́ majə tɔȳ gotə ndū najə̄ gə̄ malang ń na kə ī-tár madí tītə̄ dā̰ rɔ̄í īkɔ́ ní anī, ī-rāāī i yá̰á̰ kə́ majə.

JAKƏ 2:8 Referans Kwoze

LEBI GƏ̄ 19:18

Ə̄ndā ba̰ā̰ aĺ ō, ə́hɔ́ ngáń nge ɓē madí gə̄ kemií tə́ aĺ ō. Ī-tár madí tītə̄ rɔ̄í īkɔ́. Mā i Kɔ́ɔ̄ɓē.

GALATƏ 5:14

Tɔdɔ̄ ndū najə̄ gə̄ malang i tū najə̄ kə́ kógə̄ḿ beē ń toō tə́: Ī-tár deē madí tītə̄ ngarān̄g kum rɔ̄í īkɔ́ beē.

JAKƏ 2:12

Ɔ̄rī najə̄ ō, ī-rāāī yá̰a̰ ō, tītə̄ de gə̄ kə́ i ndū najə̄ kə́ dɔ téĺ kɔ́ɔ̄ rɔ̄ tə́ n a gān̄g sarya dɔdə́ tə́ beē.

MATIYE 22:39

Ba nge kə́ kutə̄ gō kə́ bo kasə seneé n toó: Ā ī-tár deē madí tītə̄ ngarān̄g kum rɔ̄í īkɔ́ beē ō.

GALATƏ 6:2

Ə̄tōī yá̰á̰ kə́ kɔȳ gə̄ kə naá, na i tītə̄ ń noō n ā ī-rāāīneé yá̰á̰ ń ndū najə̄ yā Kərist əda ní.

LEBI GƏ̄ 19:34

Tə̄rā ń ndi dɔ dáńsí tə́ ní, ā ī-rāāiń i ngōn̄ nge ɓē tə́. Ā ī-táriī i tītə̄ ń ā ī-táriń rɔ̄sí sḭḭ̄ kɔ́ gə̄ ní. Tɔdɔ̄ kété ní, sḭḭ̄ i tə̄rā gə̄ dɔ nang kə́ Ejiptə tə́. Mā i Kɔ́ɔ̄ɓē Nə́ɓā yāsí.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

JAKƏ 1:25

Ba ré deē kógə̄ḿ əndā kumən gír ndū Najə̄ kə́ Majə ɔtə̄ kə taá mámák tə́ adə̄ i ndū najə̄ kə́ a rāā kə deé kadə̄ deē tél kəhɔ rɔ̄n ō, əndā rɔ̄n ta ndū najə̄ ní tə́ ō, ba i kə́ nge koō kadə̄ mān̄ kə nélé tə́ alé ba i nge rāā anī, deē ń noō a ənge rɔ̄nel̄ tū kəla rāān tə́.

JONAS 4:4

Kɔ́ɔ̄ɓē tūr̄ əda Jonas na: Wōn̄g ń ī-rāā ní, najə̄ i yāí a?

2 MBAN̄G 7:9

Ngé bānjə̄ gə̄ ní ədan̄ naā dɔ dáńdə́ tə́ na: Yá̰á̰ ń jə-rāāī ní i gōtə́ alé. Ndɔ̄ kə́ ɓōólaā i ndɔ̄ yā najə̄ kə́ majə. Ní ré jə-ndiī kə tají kə́ mbóo beē jə-ngóōīneé kadə̄ mbang əɓa anī, Nə́ɓā a əndají. J-aw̄ j-udiī kem ɓēé, ba j-ədaī de kə́ ndogó mbangāá gə̄ najə̄.

1 TESALONIK 4:9

Najə̄ kə́ dɔ tár kə́ dɔ dáń ngákó̰o̰ naā gə̄ tə́ ní, majə kadə̄ deē ndang makətūbə̄ adə̄sí najə̄n tə́ alé, tɔdɔ̄ i Nə́ɓā n ɔjəsí sḭḭ̄ kɔ́ gə̄ loo tár naā ní.

PILIPƏ 4:14

Ɓá tā ba wursí ń ɔlsí seḿ ní, ī-rāāī i yá̰á̰ kə́ majə.

MATIYE 25:23

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰á̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

JONAS 4:9

Nə́ɓā dəje Jonas na ké wōn̄g ń ni-rāā tām̄ yā kāgə̄ tə́ ní ké i gōtə́ wa. Anī Jonas tél ədan na: A̰á̰ā̰, m̄-rāā wōn̄g i gōtə́ ō, m̄-ndə̄ngā yo i gōtə́ ō!

1 MBAN̄G GƏ̄ 8:18

Banī Kɔ́ɔ̄ɓē əda bɔbə́ḿ Dabid na gír̄ ń na gír̄ kemən tə́ yā rāā kújə tām̄ yā rīn ni Kɔ́ɔ̄ɓē tə́ ní, na majə ngá̰ý.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

MATIYE 25:21

Kɔ́ɔ̄n ədan na: Majə, ḭ̄ i nge kəla kə́ majə ō, kə́ nge ra dɔ ndūí tə́ ō. Ḭ̄ ɔ́jə kadə̄ ḭ̄ i de kə́ ra dɔ ndūí tə́ tū yá̰á̰ kə́ sḛ́ý beē tə́ ní, m-ā m-ə̄ndāī dɔ yá̰a̰ kə́ ngá̰ý gə̄ tə́. Ī-reē ī-rāā rɔ̄nel̄ kə kɔ́ɔ̄í.

MATIYE 7:12

Yá̰a̰ malang ń ī-gḛyiī kadə̄ de gə̄ rāān̄ sesí ní, ī-rāāī tītə̄ ń noō sedə́ ō. I yá̰á̰ ń toō bang n ndū najə̄ yā Moijə ō, ngé koō ta gə̄ ō, ɔjən̄sí kadə̄ ī-rāāī ní.

Makətūbə̄ ń Pol ndang adə̄ Rom gə̄ ní 13:10

De kə́ tár madə̄n a rāā yá̰á̰ kə́ majaĺ seneé alé. Adə̄ deē ń tár madə̄n ní, rāā i yá̰a̰ ń ndū najə̄ ɔjə ní kə taá malang.

JAKƏ 4:11

Ngákó̰ó̰ḿ gə̄, ī-lōōī kəda najə̄ kə́ majaĺ dɔ naā tə́. Nge ń əda najə̄ kə́ majaĺ dɔ ngōkó̰o̰n tə́ anī, əda najə̄ kə́ majaĺ i dɔ ndū najə̄ tə́ ō, gān̄g i sarya dɔ tə́ ō. Ba ré ī-gān̄g sarya dɔ ndū najə̄ tə́ anī, ḭ̄ i nge ngɔ̄m̄ ndū najə̄ to̰ alé, banī ḭ̄ i nge gān̄g sarya.