JAKƏ 2:6 - Bibəl ta Sar̄

⁶ Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

Bible sar

⁶ Ba sḭḭ̄ ídiī tasí gír nge ndoō tə́. I de kə́ ngé kənge yá̰á̰ ngá̰ý gə̄ n a rāān̄sí yá̰á̰ kə́ tōr̄ gə̄ ō, a ndɔ́rə̄n̄sí kə̄ loo sarya gə̄ tə́ ō ní aĺ a?

JAKƏ 2:6 Referans Kwoze

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

1 KORḚNTƏ 11:22

Ə́ngeī i kújə kə́ yā kadə̄ ə́saī yá̰a̰ ō ā̰yī yá̰a̰ ō kemeé aĺ i mbéé a? Aké ī-kídī i Egəlijə yā Nə́ɓā ō, ī-sāāī i kəla rɔ̄sɔl̄ dɔ ngé gə̄ ń yá̰a̰ yādə́ gətóó tə́ ō ní a? Kə m-ə́dásí na i rí? Kə m̄-tɔ̄ȳsí najə̄n tə́ a? ḿm, mā m-ā m̄-tɔ̄ȳsí tām̄ yā nge ń noō tə́ alé.

Gōsə̄ najə̄ gə̄ 14:31

Nge rāā de kə́ tɔ́gən gətóo yá̰á̰ kə́ tōr̄ i de kə́ nge tájə̄ Nə́ɓā kə́ nge rāān, banī nge ka̰a̰ kum tō ndoō yā nge ndoō i de kə́ nge rɔȳ Nə́ɓā.

PĀ GƏ̄ 14:6

Yá̰a̰ gə̄ ń nge ndoō əndā kemən dɔ tə́ ní sḭḭ̄ ī-rāāī i yá̰á̰ kə́ karī tə́, banī Kɔ́ɔ̄ɓē i loo ɓɔ̄ɔ̄ rɔ̄ yān.

JAKƏ 5:4

Á̰a̰ī, ngé kəla gə̄ əjan̄ kōō kə́ kem ndɔr̄ yāsí gə̄ tə́, banī sḭḭ̄ ɔ̄gīdə́ nar tətōdə́, adə̄ nar ní əga kɔŕ! Ba nōō rɔ̄ yā ngé kəja kōō gə̄ ní əsō mbī Kɔ́ɔ̄ɓē kə́ bo kə́ tɔ́gən i ngá̰ý tə́.

JAKƏ 2:3

anī ī-tūrī kumsí i kə̄ dɔ nge ń o̰ō̰ kūbə̄ kə́ majə ngá̰ý tə́ ní, ə́daniī na kə ndi loo kə́ majə ń toō tə́, ba ə́daī nge ndoō ní na: Ḭ̄, ī-ra dɔɔ́ noō, aláa, ī-ndi kə̄ nang tə́ kadə kōr̄ kāgə̄ ń m-ā m-ə̄ndā njāḿ dɔ tə́ ní tə́.

KƏLA RĀĀ 17:6

Ba dan ń nin̄-əngen̄də́ aĺ anī ndɔ́rə̄n̄ Jaso̰ ō, ngákó̰ó̰jí kə́rēý gə̄ ō, aw̄n̄ sedə́ no ngé ko̰o̰ ɓē gə̄ tə́. Nin̄-ədan̄ kə̄ dɔɔ́ ngá̰ý na: De gə̄ ń toō sól̄yōn̄ de gə̄ kə gō loo gə̄ malang kə́ dɔ nang tə́ laā. Ba ń toō ɓáa nin̄-reē ugə̄n̄ laā,

KƏLA RĀĀ 13:50

Banī Jipə gə̄ sə̄lān̄ dəyá̰ kə́ ngáā ngáā kə́ kem ɓēé gə̄ kə́ ngé rɔȳ Nə́ɓā ō, sə̄lān̄ de kə́ bo bo kə́ kem ɓēé gə̄ ō, adə̄ rāān̄ Pol nin̄ kə Barnabas ndoō tə́ ō, tə̄ɓān̄də́ kɔ̄ɔ́ gō nang yādə́ tə́ ō.

KƏLA RĀĀ 8:3

Ba Sol əhɔ rɔ̄n tɔgə a sāā loo nujə Egəlijə kɔ̄ɔ́. Ni túdə̄ kə̄ kem kújə gə̄ tə́, ndɔ́r̄ dəngam gə̄ ō dəyá̰ gə̄ ō kə̄ ndágá ba ɓōkə́də́ dəngáyá.

JAKARI 7:10

Ī-lōōī rējə̄ dəyá̰ kə́ ngaa koy gə̄ ō, ngán hal gə̄ ō, tə̄rā gə̄ ō, ngé ndoō gə̄ ō, kə ta kūl̄ yá̰a̰ rāā kə́ gōtə́ aĺ ō, ī-lōōī gír̄ rāā yá̰á̰ kə́ majaĺ kə naá ō.

AMOS 5:11

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.

KOHELET 5:8

Banī nin̄ malang ní dɔ nang rāā majə sedə́ mbak. Mban̄g ndi i kə ta kūl̄ ndɔrɔ́.

Gōsə̄ najə̄ gə̄ 22:16

Nge tɔ́gə gətóo ń rāān̄ kumən ndoō tə́ ní, ta tɔ̄l̄ ta anī ni a teē dɔɔ́. Deē ń adə̄ de kə́ nge yá̰a̰ kənge yá̰á̰ ní ənī i rɔ̄n nəkɔ́ dan ndoō tə́.

PĀ GƏ̄ 12:5

Nin̄ ń ədan̄ na n-gerə̄n̄ najə̄ kə́ yā kəda tetəń rɔ̄ɔ̄, na n-a n-əhɔn̄ tadə́ ngan̄g adə̄ na n-ɓōlə́n̄ deē alé ní.

PĀ GƏ̄ 10:14

Tá yá̰á̰ kə́ gōtə́ aĺ ngá̰ý ń ni-rāā kə nge ndoó ō, ka̰a̰ tápə̄ yā nge ndoō ō ní, ḭ̄ á̰a̰ā̰ ō, īkɔ́ ə̄ndā rɔ̄í ta yá̰a̰ gə̄ ń reēn̄ dɔn tə́ ní malang. Nge tɔ́gə gətóo əya̰ rɔ̄n i kem jīí ḭ̄ tə́. Ḭ̄ i nge rāā kə ngōn̄ halaá.

JAKƏ 5:6

Ī-gāngī sarya dɔ de kə́ gōtə́ tə́ ba ī-tɔ̄l̄niī, tɔdɔ̄ ni-dum̄sí alé.

KƏLA RĀĀ 18:12

Dan ń Galiyo̰ a o̰o̰ń ɓē kə́ Akayi ní, Jipə gə̄ malang əndān̄ rɔ̄də́ naā tə́ ba oōn̄ kum Pol alé. Nin̄-aw̄n̄ seneé loo sarya tə́,

HABAKUK 3:14

Ḭ̄ ī-mbutə dɔ ngār gə̄ yā madə̄ ba̰ā̰ gə̄ i kə kum gərā yādə́ nin̄ kɔ́ gɔ̄ɔ́. Kété ní, nin̄ reēn̄ i kə ngɔ̄dɔ̄ɔ́ tītə̄ nél man̄ kə́ əla kə ngangá ngá̰ý beē, yā reē tə̄ɓājí kadə̄ j-awī kə̄ loo gə̄ tə́ kɔ̄ɔ́. Nin̄ túrə̄n̄ kɔĺ rɔ̄nel̄ tītə̄ kə́ a rāān̄ i yā kəsa nge ndoō loo ɓɔ̄ɔ̄ rɔ̄ tə́, gír dabə yādə́ tə́ beē.

AMOS 4:1

Sḭḭ̄ dəyá̰ kə́ Samari gə̄ ń ī-boōī lútə́ lútə́ tītə̄ kó̰o̰ man̄g gə̄ kə́ Basan ní, ōōī najə̄ ń toō: Sḭḭ̄ ī-rējī ngé ndoō gə̄ kə yá̰a̰ rāāsí kə́ gōtə́ aĺ ō, ī-tə́nāī ngé rɔ̄ tō ndoō gə̄ nang tə́ ō, ba ə́daī ngaasí gə̄ na: Ī-reē kə yá̰a̰ ka̰yā̰á̰ tā!

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

PĀ GƏ̄ 10:10

Ni agə nang tə́, ɔsə rɔ̄n kə̄ naā tə́, ba ḭḭ kə tɔ́gən gēé malang əsō kə nge tɔ́gə gətóo, tetən rɔ̄ɔ̄.

PĀ GƏ̄ 10:8

Ni ɓɔ̄ɔ̄ rɔ̄n gidə ɓē tə́ ngɔr a umə̄ń loo. Tɔ̄l̄ de kə́ najə̄ gətóo dɔn tə́ loo mundə̄ tə́. Kumən i dɔ de kə́ tɔ́gən gətóó tə́.

PĀ GƏ̄ 10:2

Nge kem ndul bám̄ ngé ndoō gə̄ kanjə̄ rɔ̄sɔl̄, əhɔdə́ kə kəla rāān kə́ majaĺ gə̄ kə́ loo mundə̄ tə́.

Makətūbə̄ yā Job 20:19

Tɔdɔ̄ ni-əsa tətō ngé tɔ́gə gətóo gə̄ ō, əya̰də́ kɔ̄ɔ́ ō, taā kújə yādə́ ō, ni-rāā kújə́ kógə̄ḿ aĺ ō.

JA̰A̰ 8:49

Jeju tél ədadə́ na: Ndíĺ kə́ majaĺ i kemḿ tə́ alé, banī m̄-rɔȳ i Bɔbə́ḿ, ba sḭḭ̄ ī-rɔyīmī alé.

Gōsə̄ najə̄ gə̄ 18:23

Nge rɔ̄ tō ndoō ɔr̄ najə̄ i kə nōō rɔ̄ɔ́, ba nge kənge yá̰a̰ a tūr̄ najə̄ i kə́ dɔ́nɔ́.

Gōsə̄ najə̄ gə̄ 22:7

De kə́ nge yá̰a̰ kənge o̰o̰ ɓē dɔ ngé ndoō gə̄ tə́ ō, de kə́ kə̄rā i dɔn tə́ i ɓəlo yā deē ń ni-taā yá̰a̰ yā n loo tə̄nā tə́ ní ō.