JAKƏ 2:1 - Bibəl ta Sar̄

¹ Ngákó̰ó̰ḿ gə̄, ī-taāī kem Jeju Kərist, Kɔ́ɔ̄ɓē yājí ń kɔsə gɔn i yān ní. Ī-lōōī tə́la taā kem yāsí ō, rāā yá̰a̰ tām̄ ger̄ ta kum de gə̄ tə́ ō, naā tə́.

Bible sar

¹ Ngákó̰ó̰ḿ gə̄, ī-taāī kem Jeju *Kərist, Kɔ́ɔ̄ɓē yājí ń kɔsə gɔn i yān ní. Ī-lōōī tə́la taā kem yāsí ō, rāā yá̰a̰ tām̄ ger̄ ta kum de gə̄ tə́ ō, naā tə́.

JAKƏ 2:1 Referans Kwoze

Gōsə̄ najə̄ gə̄ 24:23

Najə̄ ń ngé kum kedə̄ gə̄ ədan̄ ɓáý to̰ ní n toó: Gān̄g sarya tām̄ ta kum deē i yá̰á̰ kə́ majə alé.

JAKƏ 2:9

Banī ré ī-rāāī yá̰a̰ kə gō ger̄ ta kum de gēé anī, ī-rāāī i majaĺ ō, ī-mānī i dɔ ndū najə̄ adə̄ ni-gān̄g sarya dɔsí tə́ ō.

NDŪ NAJƏ̄ 16:19

Ī-lōō tə́la ta njaí naā tə́ loo sarya tə́. Ā ī-gān̄g sarya tām̄ ta kum deē alé. Ī-lōō taā kadə̄ karī, tɔdɔ̄ kadə̄ karī i yá̰á̰ kə́ a utə̄ kum de kə́ ngáā gə̄ ō, a nujə najə̄ yā de kə́ sew gə̄ ō.

LEBI GƏ̄ 19:15

Ī-gāngī sarya kə́ gōtə́ aĺ dɔ deē tə́ alé. Ī-lōō kadə̄ nge ndoō, aláa de kə́ bo najə̄ loo sarya tə́ dɔ bám̄ tə́ karī, ba ī-gān̄g sarya yā ngōn̄ nge ɓē madí kə gōó.

NDŪ NAJƏ̄ 1:17

A ī-gāngī sarya tām̄ ta kum deē alé. Ōōī najə̄ yā nge ndoō ō, yā de kə́ bo ō. Ī-lōōī ɓōĺ ta kum deē kógə̄ḿ, tɔdɔ̄ sarya ń ā ī-gāngī ní i kə rī Nə́ɓāá. Ré najə̄ kə́rēý tɔȳ dɔsí anī, ī-reēīneé rɔ̄ḿ tə́ ādə̄ m-ə̄ndā ma̰ȳ sesí.

Gōsə̄ najə̄ gə̄ 28:21

Rāā deē majaĺ tām̄ yā rāań majə kə de kə́ rangaá i yá̰á̰ kə́ majaĺ, banī deē asə rāā majaĺ tām̄ yā yá̰a̰ kəsa kə́ kugə jī kógə̄ḿ beē kəla ta tə́.

2 YÁ̰A̰ GƏ̄ 19:7

Ní, ī-ɓōlíī Kɔ́ɔ̄ɓē ō, ə̄ndāī kumsí gíŕ yá̰á̰ ń ā ī-rāāī tə́ ní majə ō. Tɔdɔ̄ Kɔ́ɔ̄ɓē Nə́ɓā yājí i nge rāā yá̰a̰ gōtə́ aĺ aĺ ō, i nge rāā yá̰a̰ tām̄ ta kum deē aĺ ō, i nge ndigə kadə̄ karī yā nujəń sarya aĺ ō.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

JAKƏ 2:3

anī ī-tūrī kumsí i kə̄ dɔ nge ń o̰ō̰ kūbə̄ kə́ majə ngá̰ý tə́ ní, ə́daniī na kə ndi loo kə́ majə ń toō tə́, ba ə́daī nge ndoō ní na: Ḭ̄, ī-ra dɔɔ́ noō, aláa, ī-ndi kə̄ nang tə́ kadə kōr̄ kāgə̄ ń m-ā m-ə̄ndā njāḿ dɔ tə́ ní tə́.

Makətūbə̄ ń Jud ndang ní 1:16

De gə̄ ngeé ń toō ní, nin̄ i ngé tām̄ bujə bujə gə̄ ō, rɔ̄də́ nel̄də́ aĺ ō, a nōōn̄ i rɔ̄də́ kə dɔ ndɔ̄ gə̄ ō, a ɔrə̄n̄ i najə̄ kə́ al̄ tadə́ gə̄ ō, nin̄ i ngé gól̄ kum de gə̄ yā kəngeń yá̰a̰ ō.

1 TIMOTE 5:21

m̄-rāāī ɓɔ́ ta kum Nə́ɓā tə́ ō, ta kum Kərist Jeju tə́ ō, ta kum de kə́ dɔ rā̰ tə́ gə̄ ń gə̄rān̄də́ ní tə́ ō, ī-rāā yá̰a̰ gə̄ ń m-ɔ́jiī toó kanjə̄ kəya̰ kógə̄ḿ kɔ̄ɔ́ ō, kanjə̄ rāā yá̰a̰ kógə̄ḿ tām̄ ta kum deē ō.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

1 KORḚNTƏ 2:8

Deē kógə̄ḿ kə́ dan ngār gə̄ kə́ dɔ nang tə́ laā kə́ ger̄ kum kedə̄ ngeé ń toō gətóo. Ré nin̄-gerə̄n̄ i mbée anī, Kɔ́ɔ̄ɓē ń kɔsə gɔn i yān ní, a əndanən̄ kə máyá̰ tū kāgə̄ kə́ dēsə́ tə́ alé.

JEJU TEĒ KUM JA̰A̰ 14:12

De gə̄ yā Nə́ɓā ń i ngé ra dɔ gō míndən gə̄ tə́ ō, i ngé ra dɔ taā kem Jeju tə́ ō ní, kum mbang ń toō i kum mbang kə́ kadə̄ nin̄-tə́gān̄ tadə́.

TITƏ 2:13

Majə kadə̄ jə-ngóōī rɔ̄nel̄ ń j-əndāī kemjí dɔ tə́ ní i tītə̄ ń noō. Ndɔ̄ ngeé ń noō tə́ ní, kɔsə gɔn yā Nə́ɓā yājí kə́ bo ō, kə́ nge kajəjí ō ń i Jeju Kərist ní, a ɔjə rɔ̄n kə̄ ndágá.

KƏLA RĀĀ 20:21

Najə̄ kə́ kum tə́ yāḿ ɓāŕ i Jipə gə̄ ō Gərek gə̄ ō kadə̄ tūrə̄n̄ rɔ̄də́ kə̄ rɔ̄ Nə́ɓā tə́ ō, kadə̄ taān̄ kem Kɔ́ɔ̄ɓē yājí Jeju ō.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

1 TIMOTE 1:19

Ī-ngɔ̄m̄ taā kem ō, ādə̄ kemií ɔjiī yá̰á̰ kógə̄ḿ kə́ majaĺ aĺ ō. De kə́rēý gə̄ mbātə́n̄ koō najə̄ yā kemdə́ kə́ ɔjədə́ yá̰á̰ kógə̄ḿ kə́ majaĺ aĺ ngeé ń toō. I tītə̄ ń noō n nin̄-rāān̄neé adə̄ taā kem yādə́ əsōń kɔ̄ɔ́ ní.

KOLOSƏ 1:4

Tɔdɔ̄ j-oō kōō taā ń ī-taāī kem Jeju Kərist ní ō, táŕ ń ī-táriī de gə̄ yā Nə́ɓā malang ní ō.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Makətūbə̄ ń Pol ndang adə̄ Rom gə̄ ní 1:11

Ngur kaw̄ ka̰a̰sí rāām̄ ngá̰ý, yā kadə̄ m-āw̄ m-ādə̄sí kadə̄ karī yā Ndíl kadə̄ ə́ngeīneé tɔ́gə.

KƏLA RĀĀ 24:24

Gō tə́ ndɔ̄ kóndóńg wań anī, Peliksə reēn̄ nin̄ kə nə̄yá̰n Dərusil ń i Jipə ní. Ni-əla gō Pol tə́ ba oō najə̄ kə́ dɔ taā kem Jeju Kərist tə́ ń Pol ɔjə ní.

KƏLA RĀĀ 7:2

Anī Etiyen əda na: Ngákó̰ó̰ḿ gə̄ ō, bɔbə́ḿ gə̄ ō, ōōī. Dan ń kaají Abəraham i dɔ nang kə́ Mesopotami tə́ ɓáý tá kadə̄ aw̄ ndi Haran ní, Nə́ɓā kə́ to kɔsə gɔn ndɔ̄bən noó ba ədan na:

KƏLA RĀĀ 10:34

Piyer ɔr̄ najə̄, əda na: Ń toō ɓáa m̄-ger̄ tā, kadə̄ kə́ rɔ̄kum tə́ Nə́ɓā a rāā yá̰a̰ tām̄ ta kum deē tə́ alé.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

JAKƏ 1:16

Ngákó̰ó̰ḿ gə̄, sḭḭ̄ ń i kó tár yāḿ gə̄ ní, ī-lōōī gól̄ rɔ̄sí.

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.