JAKƏ 1:9 - Bibəl ta Sar̄

⁹ Ādə̄ ngōkó̰ó̰jí kə́ nge ndoō ɔr ta rɔ̄n tām̄ kɔsə ń Nə́ɓā ɔsən kə̄ dɔɔ́ tə́ ní,

Bible sar

⁹ Ādə̄ ngōkó̰ó̰jí kə́ nge ndoō ɔr ta rɔ̄n tām̄ kɔsə ń Nə́ɓā ɔsən kə̄ dɔɔ́ tə́ ní,

JAKƏ 1:9 Referans Kwoze

Gōsə̄ najə̄ gə̄ 19:1

De kə́ yá̰a̰ aĺ kə́ nge rāā yá̰á̰ kə́ súmūú i só tə́ tɔȳ de kə́ najə̄ kə́ tan tə́ i súmūú aĺ ō, kə́ ni i de kə́ mbóo ō.

2 KORḚNTƏ 6:10

Rāān̄jí i de gə̄ kə́ rɔ̄nel̄ yādə́ gətóó tə́, banī rɔ̄jí nel̄jí ngándáńg. Rāān̄jí i ngé ndoō gə̄ tə́, banī jə-rāā adə̄ de gə̄ ngá̰ý əngen̄ yá̰á̰ ngá̰ý. Rāān̄jí i de gə̄ kə́ əngen̄ yá̰a̰ aĺ tə́, banī j-ənge yá̰a̰ malang.

JEJU TEĒ KUM JA̰A̰ 2:9

m̄-ger̄ yá̰a̰ nāā kə́ ngan̄g ń teē dɔí tə́ ní ō, m̄-ger̄ ndoō yāí ō, banī yá̰a̰ kənge yāí i ngá̰ý. Tá najə̄ kə́ majaĺ gə̄ ń de gə̄ ń ədan̄ na nin̄ na i Jipə gə̄ banī nin̄ i Jipə gə̄ alé ədan̄ dɔí tə́ ní, m̄-ger̄ ō. Nin̄ i kújə ndi Sətan.

Najə̄ kə́ Majə yā Jeju ń Luk ndang ní 1:52

Ni mbə́rē mban̄g gə̄ dɔ kōr̄ kāgə̄ mbang yādə́ gə̄ tə́ tə́nīdə́ ō, ngé gə̄ ń najə̄də́ gətóó bátə́ ní, ni-ɔsədə́ kə̄ dɔɔ́ ō.

Gōsə̄ najə̄ gə̄ 17:5

Nge mbóo kə de kə́ nge rɔ̄ tō ndoó i nge tájə̄ nge kəndā deē ní. Nge kəgō de kə́ yá̰á̰ kə́ to kum kaȳ aĺ teē dɔn tə́ a ənge ndéy.

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

NDŪ NAJƏ̄ 15:11

Gíŕ ngé ndoō gə̄ kə́ kem ɓē yāsí tə́ a gān̄g alé. I yá̰á̰ ń toō n m-ə́dásí ní: Ī-teēī jīsí ngá̰ý kə̄ rɔ̄ ngákó̰ó̰sí gə̄ ń rɔ̄də́ tō ndoō ō, yá̰a̰ yādə́ gətóo ō ń ndin̄ kem ɓē yāsí tə́ ní.

NDŪ NAJƏ̄ 15:9

Ī-lōōī gír̄ kemsí tə́ kəda na dɔ ɓāl̄ kə́ nge ko̰ sīrí ń i ɓāl̄ kəya̰ gō kə̄rā gə̄ kɔ̄ɔ́ ní i ngɔr ba rāań kem ngan̄g kə ngōkó̰ó̰sí kə́ nge ndoó ō, kɔgə̄nneé yá̰a̰ ō. Nge ń noō i gír̄ kə̄ majə alé. Ré ni sekə́sí rɔ̄ Kɔ́ɔ̄ɓē tə́ anī sarya a əhɔsí.

NDŪ NAJƏ̄ 15:7

Ré ngōkó̰ó̰sí kógə̄ḿ kə́ nge ndoō i kem ɓē yāsí tə́, dɔ nang ń Kɔ́ɔ̄ɓē Nə́ɓā yāsí a adə̄sí tə́ ní anī, ā ī-rāāī kem ngan̄g seneé aĺ ō, ā ī-kótī jīsí kɔ̄ɔ́ dɔ yá̰a̰ yāsí tə́ tan tə́ aĺ ō.

PILIPƏ 3:14

I beé n m-a̰yń ngɔ̄də̄ kum kə̄ loo kə́ yā dəba tū tə́ tə́, yā kadə̄ m-ə́ngeń yá̰a̰ kəndā nja ń Nə́ɓā ɓāŕjí kə ta kūl̄ Jeju Kərist, yā kadə̄ j-aw̄ j-əngeī dɔɔ́ nú ní.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 8:17

Ré jḭḭ̄ i ngánən gə̄ anī, j-a j-əngeī yá̰a̰ yān ō. J-a j-əngeī yá̰á̰ ń Nə́ɓā adə̄ ngánən gə̄ ní naā tə́ kə Kərist, tɔdɔ̄ ré j-a̰a̰ī tápə̄ naā tə́ seneé anī, j-a j-əngeī kɔsə gɔn naā tə́ seneé ō.

Najə̄ kə́ Majə yā Jeju ń Luk ndang ní 10:20

Ī-lōōī rāā rɔ̄nel̄ tām̄ koō kə́ ndíĺ kə́ majaĺ gə̄ oōn̄ tasí tə́, banī ī-rāāī rɔ̄nel̄ tām̄ yā rīsí gə̄ ń i kə́ ndang kɔ̄ɔ́ dɔ rā̰ tə́ ní.

Najə̄ kə́ Majə yā Jeju ń Luk ndang ní 9:48

ba ədadə́ na: Deē ń əhɔ ngōn̄ kə́ dūú ń toō kə̄ rɔ̄n tə́ najə̄ yāḿ mā tə́ ní, əhɔm̄ i mə̄kɔ́ kə̄ rɔ̄n tə́. Ba deē ń əhɔm̄ kə̄ rɔ̄n tə́ ní, əhɔ i deē ń əlam̄ mā ní kə̄ rɔ̄n tə́. Tɔdɔ̄ i deē ń dūú tɔȳsí malang ní n i de kə́ bo tɔȳsí malang ní.

1 SAMUEL 2:8

I ni n i nge kun nge tɔ́gə gətóó ń teē əsō ní dɔɔ́ ō, i nge kun nge rɔ̄ tō ndoō kɔ̄ɔ́ dɔ bū loo tə́ ō ba kadə̄də́ loo kə́ to ngol dan ngār gə̄ tə́ kadə̄ ndin̄neé ní. Dɔ nang malang i yā Kɔ́ɔ̄ɓē. I ni n i nge kəndā dɔ nang dɔ birə̄n tə́ ní.

1 PIYER 2:9

Ba yāsí sḭḭ̄ ní, sḭḭ̄ i gír kaa kə́ gə̄rān̄sí, sḭḭ̄ i ngé tun̄ yá̰a̰ gə̄ yā mban̄g ō, nápar de gə̄ kə́ ɔrə̄n̄ kam̄də́ tām̄ yā Nə́ɓā tə́ ō, gír de gə̄ yā Nə́ɓā ō. Nə́ɓā ɓāŕsí kadə̄ ī-teēī kɔ̄ɔ́ kum til tə́, ba kadə̄ ī-reēī kum loo yān kə́ unjə̄ kow kə́ majə ngá̰ý tə́, yā kadə̄ ə̄nīī mbēr̄ yá̰á̰ kə́ majə ngá̰ý gə̄ ń ni-rāā ní.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.