JAKƏ 1:4 - Bibəl ta Sar̄

⁴ Banī ī-tə́gāī tasí ngá̰ý tá kadə̄ ī-téliīneé de kə́ majə ɔtə̄ kə taá gə̄ ō, ī-nalīneé yá̰á̰ kógə̄ḿ aĺ ō.

Bible sar

⁴ Banī ī-tə́gāī tasí ngá̰ý tá kadə̄ ī-téliīneé de kə́ majə ɔtə̄ kə taá gə̄ ō, ī-nalīneé yá̰á̰ kógə̄ḿ aĺ ō.

JAKƏ 1:4 Referans Kwoze

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

Najə̄ kə́ Majə yā Jeju ń Luk ndang ní 21:19

I kəhɔ rɔ̄ tɔgə yāsí n a ajəsí.

MATIYE 5:48

I beé ní majə kadə̄ sḭḭ̄ i de kə́ ī-majə ɔ̄tī kə taá gə̄, tītə̄ ń Bɔbə̄sí kə́ dɔ rā̰ tə́ i de kə́ majə ɔtə̄ kə taá ní.

2 TIMOTE 3:17

yā kadə̄ deē yā Nə́ɓā i kə́ majə ɔtə̄ kə taá ō, ənge yá̰a̰ gə̄ kə́ yā rāāń kəla malang kə́ majə ō.

HABAKUK 2:3

Yá̰a̰ gə̄ ń m-ɔ́jiī adə̄ á̰a̰ā̰ ní a reēn̄ banī a reēn̄ i kum mbang ń ɔjən̄ tə́ ní ngóy. Sḛ́ý laā anī a rāān̄ yá̰a̰, i sor̄ alé. Ká ré to tītə̄ kə́ ɔr bā̰ā̰ gə̄gē anī, ə̄nī kemií mámák ī-ngóoń. A̰á̰ā̰, i rɔ̄kum, a reēn̄ gō gogə́ alé.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

GALATƏ 6:9

Jə-rāāī yá̰á̰ kə́ majə kanjə̄ kɔr loon tə́. Ré j-ɔriī ta kəla yājí tə́ aĺ anī, j-a j-əjaī kanə̄n loo ń ndɔ̄ a asə ní.

PĀ GƏ̄ 40:1

Pā kə́ kem makətūbə̄ yā ngār yā gōsə̄ pā gə̄ tə́. Pā yā Dabid.

PĀ GƏ̄ 37:7

Ī-ndi jəke rɔ̄ Kɔ́ɔ̄ɓē tə́, ə̄ndā kemií dɔn tə́. Ī-lōō kadə̄ tōrī kə deē ń kəla rāān teēn yá̰á̰ tə́ ní ō, kə deē ń a rāā yá̰a̰ i kə gól̄ looó ō ní.

JAKƏ 3:2

Tɔdɔ̄ jḭḭ̄ malang jə-rāāī yá̰á̰ kə́ gō tə́ alé. Ré deē kógə̄ḿ ɔr̄ najə̄ ba əda yá̰á̰ kə́ gō tə́ aĺ alé anī, ni i de kə́ majə ɔtə̄ kə taá kə́ asə kəhɔ rɔ̄n kə taā malang kə jámá.

JAKƏ 1:5

Ba ré deē kógə̄ḿ dansí tə́ nal̄ kum kedə̄ anī, ādə̄ ni-dəje Nə́ɓā ń adə̄ de gə̄ malang yá̰a̰ karī kanjə̄ kəda najə̄ kə́ tōr̄ dɔdə́ tə́ ní, na ni a adə̄n.

1 KORḚNTƏ 2:6

Ɓá tā ba yá̰á̰ ń jə-ndóō de gə̄ yā Kərist kə́ kumdə́ ɔɔ̄ kɔ̄ɔ́ gə̄ ní, i kum kedə̄. Ba i kum kedə̄ kə́ dɔ nang tə́ laā aĺ ō, i kum kedə̄ yā ngār gə̄ kə́ dɔ nang tə́ laā gə̄ ń a gətóon̄ kɔ̄ɔ́ ní aĺ ō.

KOLOSƏ 4:12

Epapəras ń i de kə́ loosí ní rāāsí lápə́ya. Nge kəla yā Kərist Jeju ń toō rɔ̄ɔ̄ tām̄ yāsí tə́ kə ndɔ̄yɔ̄ɔ́ yā kadə̄ ī-raī gágájə́ kə́ de kə́ majə ɔtə̄ kə taá gə̄ tə́, kə́ rāān̄ yá̰a̰ gə̄ ń kem Nə́ɓā ndigə ní.

Najə̄ kə́ Majə yā Jeju ń Luk ndang ní 8:15

Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.

MATIYE 10:22

De gə̄ malang a imə̄n̄sí najə̄ yā rīḿ tə́, banī deē n a əhɔ sásáp mbóńg ta tɔ̄l̄ ta tə́ ní a ajə.

Makətūbə̄ yā Job 17:9

Banī de kə́ gōtə́ əhɔ háĺ kə́ gōtə́ yān jīn jōó ō, ādə̄ deē ń jīn unjə̄ njáý njáý ní, əhɔ rɔ̄n tɔgə loo nja kə́ jōó tə́ ō.

Gōsə̄ najə̄ gə̄ 4:8

Əhɔ kum kedə̄ kə̄ rɔ̄í tə́ ādə̄ ngan̄g anī ni a ɔsiī kə̄ dɔɔ́. Ré ə́hɔn kə̄ rɔ̄í tə́ ī-ɓirə̄n dagə anī, ni a ɔsə gonií.

2 PIYER 1:9

Ba deē ń a nal̄ háĺ kə́ majə gə̄ ngeé ń toō ní, ni i de kə́ nge kum tɔ̄ɔ̄ kə́ a mám̄ i loo. Dɔn ndígə̄nal dɔ kɔr̄ ń ɔrə̄n̄ majaĺ yān kə́ jóo gə̄ kɔ̄ɔ́ ní tə́.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

Najə̄ kə́ Majə yā Jeju ń Luk ndang ní 18:22

Dan ń Jeju oō beé anī, tél ədan na: Na̰yiī yá̰á̰ kógə̄ḿ ɓáý: Ígə́ yá̰a̰ yāí gə̄ malang, ī-nə̄ɓō narən ngé ndoō gə̄, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba gō tə́ anī, ī-reē ún gōḿ.

MARK 10:21

Jeju əndā kumən dɔn tə́ anī tárən, ba ədan na: Na̰yiī yá̰á̰ kógə̄ḿ ɓáý: Āw̄ ígə́ yá̰a̰ yāí malang ba ādə̄ ngé ndoō gə̄ narən, anī ā āw̄ kə dūbə̄ yá̰a̰ kənge gə̄ dɔ rā̰ tə́, ba ré loo ń noō tə́ tā anī, ī-reē ba un gōḿ.

MATIYE 19:20

Balsáá ní əda Jeju na yá̰a̰ gə̄ ń noō malang ní na n-rāā kɔ̄ɔ́ ɓá, ní ké i rí n na̰y ɓáý wa.

1 TESALONIK 5:23

Ādə̄ Nə́ɓā kə́ nge kadə̄ de gə̄ kem sɔl̄ lɔm ɔr̄ kamsí kɔ̄ɔ́ tū yá̰á̰ kə́ majaĺ gə̄ tə́ malang. Ba kadə̄ ni-ngɔ̄m̄ ndíĺsí ō, ngarān̄g kemsí ō, dā̰ rɔ̄sí ō, yā kadə̄ ndɔ̄ reē Kɔ́ɔ̄ɓē yājí Jeju Kərist tə́ anī, najə̄ gətóo dɔsí tə́.