JAKƏ 1:16 - Bibəl ta Sar̄

¹⁶ Ngákó̰ó̰ḿ gə̄, sḭḭ̄ ń i kó tár yāḿ gə̄ ní, ī-lōōī gól̄ rɔ̄sí.

Bible sar

¹⁶ Ngákó̰ó̰ḿ gə̄, sḭḭ̄ ń i kó tár yāḿ gə̄ ní, ī-lōōī gól̄ rɔ̄sí.

JAKƏ 1:16 Referans Kwoze

JAKƏ 1:19

Ngákó̰ó̰ḿ kə́ kó tár yāḿ gə̄, majə kadə̄ ī-gerī yá̰á̰ ń toō: Ī-nēlī mbīsí majə ōōīneé najə̄ láẃ, banī ɔ̄rī najə̄ láẃ aĺ ō, ī-rāāī wōn̄g láẃ aĺ ō.

PILIPƏ 2:12

I beé ní kó tár yāḿ gə̄, dan ń mā i rɔ̄sí tə́ ní, sḭḭ̄ ōōī taḿ ngándáńg. Ba ngɔlaā ń m̄-gətóo rɔ̄sí tə́ toō ní, majə kadə̄ ōōī taḿ kadə̄ tɔȳ kə́ kété. Ī-rāāī kəla kə́ tām̄ yā kajə ń ajən̄sí tə́ ní kə ɓōló ō, kə rɔ̄ ndeweé ō.

GALATƏ 6:7

Ī-lōōī gól̄ rɔ̄sí na deē a lur Nə́ɓā alé. I yá̰á̰ ń deē dubə̄ ní n a əja ní.

KOLOSƏ 2:8

Ə̄ndāī kum kedə̄ dɔ rɔ̄sí tə́, ba ī-lōōī kadə̄ deē gól̄sí kə najə̄ kə́ kanjə̄ kumən gə̄ ń de gə̄ a gól̄nəń madə̄də́ gə̄, kə ta kūl̄ kum kedə̄ yādə́ ní: Kum kedə̄ ní ra i dɔ yá̰a̰ kāgə̄ ɓē yā de gə̄ tə́, adə̄ i dɔ tɔ́gə́ kə́ dɔ nang tə́ gə̄ tə́, ba i dɔ Kərist tə́ alé.

HEBƏRO 13:1

Ī-táriī naā kə́ loo ngákó̰o̰ naā gə̄ tə́.

KOLOSƏ 2:4

M-ə́dásí najə̄ ń toō i yā kadə̄ deē kógə̄ḿ gól̄sí kə najə̄ kə́ nel̄ gēé alé.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

2 TIMOTE 2:18

Nin̄-unən̄ gō najə̄ kə́ rɔ̄kum to̰ alé, ədan̄ na ndól̄ ń de kə́ koy gə̄ na a ndólə̄n̄ ní, na i yá̰á̰ kə́ na rāā yá̰a̰ kɔ̄ɔ́ ɓá. Adə̄ nin̄-tūrə̄n̄ gír taā kem yā de kə́rēý gə̄ kɔ̄ɔ́, adə̄ tél i taā kem kə́ kə gōó to̰ alé.

PILIPƏ 4:1

I beé ní ngákó̰ó̰ḿ gə̄, sḭḭ̄ ń i kó tár yāḿ gə̄ ní, ngur kadə̄ m̄-téĺ m-á̰á̰sí gogə́ rāām̄ ngá̰ý. Kó tár yāḿ gə̄, sḭḭ̄ ń i rɔ̄nel̄ yāḿ ō, jākā mbang yāḿ ō ní, ī-raī ngan̄g tītə̄ ń noō dɔ ɓoo naā yāsí tə́ kə Kɔ́ɔ̄ɓēé.

1 KORḚNTƏ 6:9

De kə́ súmūú aĺ gə̄ a əngen̄ loo kem Ɓē ko̰o̰ yā Nə́ɓā tə́ aĺ ní ī-gerī aĺ a? Ī-lōōī kadə̄ síndə̄sí! Ngé sāā naā loo kaya tə́ gə̄ ō, ngé rāā ɓesə̄ gə̄ ō, ngé rāā rāȳ gə̄ ō, dəngam gə̄ kə́ ngé ɓīī kə dəngam madə̄də́ gēé ō,

MARK 12:27

Nə́ɓā ní i Nə́ɓā yā de kə́ koy gə̄ alé, ba i Nə́ɓā yā de gə̄ kə́ ndin̄ kə kumdə́ gə̄. Sḭḭ̄ ī-ndúmī ngá̰ý.

MARK 12:24

Jeju tél ədadə́ na: Sḭḭ̄ ī-ndúmī i tɔdɔ̄ ī-gerī makətūbə̄ yā Nə́ɓā aĺ ō, tɔ́gə yān aĺ ō.

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

KƏLA RĀĀ 1:15

Kem ndɔ̄ gə̄ ngeé ń noō tə́ ní, ngé taā kem gə̄ kánə̄n̄ naā asən̄ deē ɓú kə kutə jōó, anī Piyer ḭḭ ra dandə́ tə́ ba ədadə́ na:

JAKƏ 1:2

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́,

JAKƏ 2:1

Ngákó̰ó̰ḿ gə̄, ī-taāī kem Jeju Kərist, Kɔ́ɔ̄ɓē yājí ń kɔsə gɔn i yān ní. Ī-lōōī tə́la taā kem yāsí ō, rāā yá̰a̰ tām̄ ger̄ ta kum de gə̄ tə́ ō, naā tə́.

JAKƏ 2:14

Ngákó̰ó̰ḿ gə̄, ré deē kógə̄ḿ əda na ni na n-taā kem Nə́ɓā, ba kəla rāān gə̄ gətóo anī, taā kem yān ní a teēn i rí? A asə kajən a?

JAKƏ 3:1

Ngákó̰ó̰ḿ gə̄, ādī de kə́ dáńsí tə́ kə́ ngé ndóō de gə̄ yá̰a̰ gə̄ i ngá̰ý alé, tɔdɔ̄ ī-gerī kadə̄ a gāngə̄n̄ sarya kə́ ngan̄g ngá̰ý dɔjí jḭḭ ngé ndóō de gə̄ yá̰a̰ gə̄ tə́.

JAKƏ 3:10

Tɔ́r̄ ta ō, ndɔ̄ĺ ō, teēn̄ i tají kə́ kógə̄ḿ beē tə́. Ngákó̰ó̰ḿ gə̄, majə kadə̄ i tītə̄ ń noō alé.

JAKƏ 4:11

Ngákó̰ó̰ḿ gə̄, ī-lōōī kəda najə̄ kə́ majaĺ dɔ naā tə́. Nge ń əda najə̄ kə́ majaĺ dɔ ngōkó̰o̰n tə́ anī, əda najə̄ kə́ majaĺ i dɔ ndū najə̄ tə́ ō, gān̄g i sarya dɔ tə́ ō. Ba ré ī-gān̄g sarya dɔ ndū najə̄ tə́ anī, ḭ̄ i nge ngɔ̄m̄ ndū najə̄ to̰ alé, banī ḭ̄ i nge gān̄g sarya.

JAKƏ 5:12

Tá, ngákó̰ó̰ḿ gə̄, ī-túbī kə dɔ rā̰á̰ aĺ ō kə dɔ nangaá aĺ ō, kə yá̰á̰ kə́ rangaá aĺ ō. Ādə̄ najə̄ yāsí, ré i a̰á̰ā̰ ɓáa, i a̰á̰ā̰ ō, ré i a̰ á̰ ɓáa, i a̰ á̰ ō, yā kadə̄ sarya yā Nə́ɓā əsōń dɔsí tə́ alé.

JAKƏ 5:19

Ngákó̰ó̰ḿ gə̄, ré deē kógə̄ḿ dansí tə́ ndúm̄ kɔ̄ɔ́ tū najə̄ kə́ rɔ̄kum tə́, ba de kə́ rang tél reē seneé dɔ róbə́ tə́ anī,