JAKƏ 1:13 - Bibəl ta Sar̄

¹³ Ba loo ń ré yá̰a̰ nāā deē kógə̄ḿ, ká i náā náā gə̄gē anī, ādə̄ kɔ́ɔ̄ lōō kəda na i Nə́ɓā n na nāān. Tɔdɔ̄ yá̰á̰ kə́ asə nāā Nə́ɓā kadə̄ Nə́ɓā rāā majaĺ gətóo ō, Nə́ɓā nāā deē kógə̄ḿ kadə̄ rāā majaĺ aĺ ō.

Bible sar

¹³ Ba loo ń ré yá̰a̰ nāā deē kógə̄ḿ, ká i náā náā gə̄gē anī, ādə̄ kɔ́ɔ̄ lōō kəda na i Nə́ɓā n na nāān. Tɔdɔ̄ yá̰á̰ kə́ asə nāā Nə́ɓā kadə̄ Nə́ɓā rāā majaĺ gətóo ō, Nə́ɓā nāā deē kógə̄ḿ kadə̄ rāā majaĺ aĺ ō.

JAKƏ 1:13 Referans Kwoze

JAKƏ 1:12

Rɔ̄nel̄ i kə deē ń nāānən̄ á əhɔ sásáp ní. Tɔdɔ̄ dan ń nāānən̄ ba a̰a̰n̄ kadə̄ ni i de kə́ asə anī, a ənge ndi kə kumuú ń Nə́ɓā ənī míndən yā kadə̄ ngé gə̄ ń tárnən̄ á i jākā mbang ní.

JAKƏ 1:2

Ngákó̰ó̰ḿ gə̄, loo ń ré yá̰á̰ kə́ tayā tayā gə̄ a nāān̄sí anī, ī-rāāī yá̰a̰ gə̄ ń noō yá̰a̰ rɔ̄nel̄ yāsí tə́,

IJAI 63:17

Kɔ́ɔ̄ɓē, i tām̄ rí tə́ á ādə̄ jə-ndúm̄, j-əya̰ róbə yāí kɔ̄ɔ́ ba j-aw̄ sa̰y ní? I tām̄ rí tə́ á ə́ya̰ ngarā̰ kemjí adə̄ utə̄ ta róbə yān kɔ̄ɔ́ ō, adə̄ mbātə́ ɓōĺ ndílí ō ní? Ī-tél ī-reē sɔɔ́ń táŕ kə́ ī-táŕjí, jḭḭ ń i ngé kəla yāí gə̄ ní, jḭḭ ń i gír deē yāí gə̄ ní!

TA KƏLA 3:12

Dəngam tél ədan na: I dəyá̰ ń ādə̄m̄ seneé ní n adə̄m̄ kan̄ kāgə̄ ní adə̄ m-ə́sá ní.

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

MATIYE 4:7

Ba Jeju tél ədan na: Ndangən̄ ɓáý to̰ na ā ī-nāā Kɔ́ɔ̄ɓē Nə́ɓā yāí alé.

JAKƏ 1:14

Yá̰á̰ ń nāā deē kadə̄ a rāā majaĺ ní i ngur yá̰á̰ kə́ majaĺ kə́ kem deē tə́ ń a ndɔ́rə̄n ō, a kɔ́lən ō ní.