JAKƏ 1:11 - Bibəl ta Sar̄

¹¹ Tām̄ mbang əɓa ō, néĺ kə́ təngā əla ō, anī mu tutə kɔ̄ɔ́ ō, hútən ur̄ kɔ̄ɔ́ ō, majən nujə kɔ̄ɔ́ ō. De kə́ nge kənge yá̰á̰ ngá̰ý a gətóo kɔ̄ɔ́ ta kəla yān gə̄ tə́ i tītə̄ ń noō ō.

Bible sar

¹¹ Tām̄ mbang əɓa ō, néĺ kə́ təngā əla ō, anī mu tutə kɔ̄ɔ́ ō, hútən ur̄ kɔ̄ɔ́ ō, majən nujə kɔ̄ɔ́ ō. De kə́ nge kənge yá̰á̰ ngá̰ý a gətóo kɔ̄ɔ́ ta kəla yān gə̄ tə́ i tītə̄ ń noō ō.

JAKƏ 1:11 Referans Kwoze

MARK 4:6

Banī dan ń mbang ḭḭ kə̄ dɔɔ́ anī, ndəlēn̄ adə̄ tutən̄ kɔ̄ɔ́, tɔdɔ̄ ngəradə́ aw̄ nang tə́ ngá̰ý alé.

MATIYE 13:6

Banī dan ń mbang ḭḭ kə̄ dɔɔ́ anī, ndəlēn̄ ō, tutən̄ kɔ̄ɔ́ ō, tɔdɔ̄ ngəradə́ aw̄ nang tə́ ngá̰ý alé.

1 PIYER 5:4

Dan ń ngār kə́ bo yā ngé kul̄ yá̰a̰ gə̄ a teē hɔy anī, sḭḭ̄ ā ə́ngeī jākā mbang kə́ to kɔsə gɔn ń gíŕ ndə́lēn a gān̄g aĺ bátə́ ní.

1 PIYER 1:4

j-asiīneé rāā rɔ̄nel̄ yá̰á̰ kə́ majə gə̄ ń Nə́ɓā ngɔ̄m̄ tām̄ yā deē yān gə̄ tə́ ō ní. Yá̰a̰ gə̄ ngeé ń toō ní a ndumən̄ aĺ ō, yá̰á̰ kə́ majaĺ a tákə̄də́ aĺ ō, gíŕ ndə́lē yādə́ a gān̄g aĺ ō. Nə́ɓā ngɔ̄m̄ yá̰a̰ gə̄ ní dɔ rā̰ tə́ tām̄ yāsí tə́.

1 KORḚNTƏ 7:31

ngé gə̄ ń əngen̄ yá̰a̰ kə ta kūl̄ yá̰á̰ kə́ dɔ nang tə́ laā ní, ndin̄ tītə̄ kə́ əngen̄ yá̰a̰ kə ta kūl̄ yá̰á̰ kə́ dɔ nang tə́ laā aĺ beé ō. Tɔdɔ̄ yá̰á̰ kə́ dɔ nang tə́ laā a mān̄ kɔ̄ɔ́.

PĀ GƏ̄ 102:4

Tɔdɔ̄ ndɔ̄ḿ gə̄ mānə̄n̄ tītə̄ sa hor beé, kə̄ngāḿ gə̄ o̰o̰n̄ hor tītə̄ ta kīr̄ hor beé.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

IJAI 28:4

Hútə̄ yá̰á̰ kə́ tutə gə̄ ń súūnən̄neé dɔ ngōn̄ mbal̄ kə́ deē ra dɔ tə́ anī a̰a̰ wól loo kə́ teē yá̰á̰ ngá̰ý kə̄ gírí nang tə́ ní, a dubə̄n̄ hútə́ yá̰a̰ gə̄ ní kɔ̄ɔ́. Samari a to tītə̄ kan̄ kótə̄ kə́ ta kəga dɔ kə́ kərē no ndɔ̄ kəjan tə́ beē. Nəkɔ́ ń deē kógə̄ḿ əla kumən a̰a̰n lap toó, kɔ́ɔ̄ əjan ō, əsan kə̄ ta jī tə́ noō ō.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

KOHELET 5:15

Kadə̄ ni əya̰ dɔ nang ń toō ba tél aw̄ tītə̄ ta reēń ní i yá̰á̰ kógə̄ḿ kə́ to rɔ̄ ndoō ngá̰ý. Kəla ń ni-rāā ní ənge i rí gírí? Ni-rāā i kəla kə́ kem wōȳ karī.

PĀ GƏ̄ 102:11

Ḭ̄ únəm̄ kə̄ dɔɔ́ pá tá ə́la ə̄nīm̄ sɔɔ̄ń wōn̄g ń rāāī ní, wōn̄g kə́ ngá̰ý ń rāāī seḿ ní.

PĀ GƏ̄ 37:2

Tɔdɔ̄ nin̄ a ndəlēn̄ láẃ tītə̄ mu beé ō, a tutən̄ tītə̄ mbī kámbə beé ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

PĀ GƏ̄ 90:6

adə̄ mu hútə̄ dəloí, ba loo sɔlí anī ndəlē ō tutə kɔ̄ɔ́ ō.

PĀ GƏ̄ 103:15

Ndɔ̄ deē ndul i tītə̄ ndɔ̄ mu beé! Ni hútə̄ tītə̄ mu kə́ bembeé beē.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?

MATIYE 20:12

De gə̄ ń toō ń reēn̄ gō gogə́ ní rāān̄ kəla i kum mbang kógə̄ḿ beē ngóy ba adə̄də́ gúrsə tītə̄ yājí jḭḭ ń jə-rāā kəla dəloí bátə́ loo tíbə dɔjí tə́ á kɔr asəjí nák ō, mbang rāājí ngá̰ý ō ní i tām̄ rí tə́?

2 SAMUEL 22:46

Kemdə́ taā loo to̰ alé adə̄ nin̄ teēn̄ loo ɓɔ̄ɔ̄ rɔ̄ yādə́ gə̄ tə́ kə rɔ̄ ndebeé.