JAKƏ 1:10 - Bibəl ta Sar̄

¹⁰ ba kadə̄ de kə́ nge kənge yá̰á̰ ngá̰ý ɔr ta rɔ̄n tām̄ tél ń télən̄ seneé kə̄ nang tə́ ní, tɔdɔ̄ ni a mān̄ kɔ̄ɔ́ tītə̄ hútə̄ mu beé.

Bible sar

¹⁰ ba kadə̄ de kə́ nge kənge yá̰á̰ ngá̰ý ɔr ta rɔ̄n tām̄ tél ń télən̄ seneé kə̄ nang tə́ ní, tɔdɔ̄ ni a mān̄ kɔ̄ɔ́ tītə̄ hútə̄ mu beé.

JAKƏ 1:10 Referans Kwoze

1 PIYER 1:24

Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.

1 JA̰A̰ 2:17

Ba dɔ nang ń toō ō, ngur yá̰á̰ kə́ tū tə́ gə̄ ō, a mānə̄n̄ kɔ̄ɔ́. Banī deē ń rāā yá̰á̰ ń Nə́ɓā ndigə ní, a ndi ngándáńg.

Makətūbə̄ yā Job 14:2

Ni to tītə̄ hútə̄ yá̰á̰ kə́ ndɔ̄w̄ ba gōtə́ anī, ndəlē kɔ̄ɔ́ beē ō, a̰ȳ tītə̄ ndíl kāgə̄ beé ō, ndi dan i ngá̰ý aĺ ō.

1 TIMOTE 6:17

Ə́dá ngé kənge yá̰á̰ ngá̰ý kə́ dɔ nang tə́ laā gə̄ kadə̄ ɔjən̄ rɔ̄də́ alé. Ə́dádə́ ādə̄ əndān̄ kemdə́ dɔ yá̰a̰ kənge kə́ a mān̄ kɔ̄ɔ́ tə́ alé, banī kadə̄ əndān̄ kemdə́ dɔ Nə́ɓā ń i nge kadə̄jí yá̰a̰ malang ngá̰ý tə́ kadə̄ jə-gerī nelə̄n̄ ní tə́.

MATIYE 5:3

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

1 KORḚNTƏ 7:31

ngé gə̄ ń əngen̄ yá̰a̰ kə ta kūl̄ yá̰á̰ kə́ dɔ nang tə́ laā ní, ndin̄ tītə̄ kə́ əngen̄ yá̰a̰ kə ta kūl̄ yá̰á̰ kə́ dɔ nang tə́ laā aĺ beé ō. Tɔdɔ̄ yá̰á̰ kə́ dɔ nang tə́ laā a mān̄ kɔ̄ɔ́.

PĀ GƏ̄ 103:15

Ndɔ̄ deē ndul i tītə̄ ndɔ̄ mu beé! Ni hútə̄ tītə̄ mu kə́ bembeé beē.

JAKƏ 4:14

ba ī-gerī ta kə́ nosí tə́ aĺ ní, ndisí kə kumsí i tītə̄ kūndə́ man̄ kə́ sū sa sḛ́ý ba sində̄ kɔ̄ɔ́.

MATIYE 6:30

Sḭḭ̄ ngé taā kem kə́ mámák aĺ gə̄ ń toō, ré Nə́ɓā əla kūbə̄ kə́ majə tītə̄ ń noō rɔ̄ mu ń ra bembeé ɓōólaā ba bírí anī ənīnən̄ kum hor tə́ kɔ̄ɔ́ ní anī, sḭḭ̄ tá Nə́ɓā a adə̄sí kadə̄ tɔȳ loo ń noō aĺ a?

IJAI 66:2

I mā n m̄-rāā yá̰a̰ gə̄ ń noō malang ní. Yá̰a̰ malang ń noō i yá̰a̰ yāḿ, i najə̄ ń Kɔ́ɔ̄ɓē əda ní n noó. Banī deē ń m-á̰a̰n kə kumḿ kə́ majaá ní, i de kə́ nge rɔ̄ to ndoō ń tɔ́gən ur̄ wak kɔ̄ɔ́ ní, i deē ń oō najə̄ yāḿ anī ɓōĺ gidə ngá̰ý ní.

IJAI 40:6

De kógə̄ḿ ədam̄ na kə m-ə̄nī mbēr̄! Anī m̄-dəjen m-ə́da na ké kə m-ə̄nī i mbēr̄ rí wa. Ni-tél ədam̄ na: I najə̄ ń toō: Deē ndul gə̄ ton̄ i tītə̄ mu beé, nin̄ ngangə̄n̄ tɔyn̄ hútə̄ yá̰a̰ kə́ bembeé gə̄ alé.

PILIPƏ 3:8

Rɔ̄kum, m̄-rāā yá̰a̰ malang i yá̰á̰ kə́ m̄-tḭ̄ḭ̄ ta kɔ̄ɔ́ tə́ sɔɔ̄ń ger̄ kə́ m̄-ger̄ Jeju Kərist Kɔ́ɔ̄ɓē yāḿ tə́. Ger̄ Jeju Kərist i yá̰á̰ kə́ majə tɔȳ yá̰a̰ gə̄ malang. m̄-tḭ̄ḭ̄ ta yá̰a̰ malang najə̄ yān tə́ ō, yá̰a̰ gə̄ ń noō malang ní, m-á̰á̰də́ i tītə̄ yedə̄ beé ta kumḿ tə́ ō. I Kərist ngóy n i yá̰a̰ tām̄ yāḿ tə́ ní.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

PĀ GƏ̄ 102:11

Ḭ̄ únəm̄ kə̄ dɔɔ́ pá tá ə́la ə̄nīm̄ sɔɔ̄ń wōn̄g ń rāāī ní, wōn̄g kə́ ngá̰ý ń rāāī seḿ ní.

PĀ GƏ̄ 37:2

Tɔdɔ̄ nin̄ a ndəlēn̄ láẃ tītə̄ mu beé ō, a tutən̄ tītə̄ mbī kámbə beé ō.

PĀ GƏ̄ 39:6

Ḭ̄ ī-rāā ādə̄ ndɔ̄ḿ malang asə naā i kə laa da jī deé. Ɓālə̄ḿ gə̄ malang i yá̰a̰ alé ta kumií tə́. A̰á̰ā̰, de kə́ ngan̄g sim gə̄gē ni i koō ngóy ta kumií tə́!

IJAI 40:7

Dan ń koō kə́ ta Kɔ́ɔ̄ɓē tə́ mān̄ dɔdə́ tə́ anī, mu tutə ō, hútə̄ yá̰a̰ ur̄ ō. A̰á̰ā̰, deē ndul gə̄ ngangə̄n̄ aĺ tītə̄ mu beé.