JAKƏ 1:1 - Bibəl ta Sar̄

¹ I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

Bible sar

¹ I mā Jakə ń i nge kəla yā Nə́ɓā ō, yā Kɔ́ɔ̄ɓē Jeju *Kərist ō ní n m-ə́la kə makətūbə̄ ń toō m-ādə̄ gír ɓē kə́ kutə̄ gidə i jōó gə̄ ń tḭ̄ḭ̄n̄ naā kə̄ dan nápar de gə̄ tə́ ní. m̄-rāāsí lápə́ya.

JAKƏ 1:1 Referans Kwoze

EJEKIEL 12:15

Dan ń m-ā m̄-tə̄ndā m̄-tḭ̄ḭ̄də́ kə̄ dan nápar de kə́ rang gə̄ tə́ ō, kə̄ kem ɓē kə́ rang gə̄ tə́ ō anī, nin̄ a gerə̄n̄ kadə̄ Kɔ́ɔ̄ɓē i mā.

1 PIYER 1:1

I mā Piyer kə́ ngōmbang kəla yā Jeju Kərist n m̄-ndang makətūbə̄ ń toō ní. m̄-ndang m-ādə̄ i ngé gə̄ ń Nə́ɓā gə̄rādə́ á tḭ̄ḭ̄n̄ naā kə̄ loo gə̄ tə́ gō nang kə́ Po̰o̰ tə́ ō, Galasi tə́ ō, Kapados tə́ ō, Aji tə́ ō, Bitini tə́ ō ní.

JA̰A̰ 7:35

Gō najə̄ ń toō tə́ anī Jipə gə̄ ədan̄ naā dɔ dáńdə́ tə́ na: Ni a aw̄ i kə̄ rá yā kadə̄ j-əngein̄ aĺ ní? A aw̄ i kə̄ dan Jipə gə̄ ń tḭ̄ḭ̄n̄ naā kə̄ dan Gərek gə̄ tə́ ní a? A ndóō Gərek gə̄ yá̰a̰ a?

KƏLA RĀĀ 8:1

Ba ngé gə̄ ń tɔ̄lə̄n̄ Etiyen ní Sol ndigə najə̄ gōdə́ tə́. Ndɔ̄ nəkɔ́ ń noō tə́ əlan̄ gír rāā kum Egəlijə kə́ Jerusalem ndoō tə́ ngá̰ý. Loo ń noō tə́ i ngámbang kəla gə̄ ngóy n tə̄ndān̄ naā tḭ̄ḭ̄n̄ kə̄ loo gə̄ tə́ aĺ ní, ba gotə de gə̄ malang ní tə̄ndān̄ naā tḭ̄ḭ̄n̄ kə̄ loo gə̄ tə́. Nin̄-aw̄n̄ kə̄ ngán ɓē kə́ dūú gə̄ tə́ dɔ nang kə́ Jude tə́ ō, Samari tə́ ō.

KƏLA RĀĀ 26:7

Míndən ngeé ń ənī ní, gír ɓē gə̄ kə́ kutə gidə i jōó yā gír deē yājí gə̄ əndān̄ kemdə́ dɔ tə́ kadə̄ a reē yā kudə gírí, adə̄ nin̄ rāān̄ kəla adə̄n̄ Nə́ɓā ndɔ̄ɔ́ ō kadaá ō kanjə̄ dəba. Mban̄g Agəripa, i tām̄ kəndā kem dɔ míndə́ Nə́ɓā tə́ ngeé ń toō n Jipə gə̄ sekə́mə̄n̄neé ní.

KƏLA RĀĀ 15:23

Əlan̄də́ kə makətūbə̄ ń toō, nin̄-ndangən̄ kemeé na: Ngámbang kəla gə̄ ō, kum kɔɔ̄ gə̄ ō, nin̄ ń i ngákó̰ó̰sí gə̄ ní, rāān̄ ngákó̰ó̰də́ kə́ Jipə aĺ gə̄ ń ndin̄ A̰tiyos dɔ nang kə́ Siri tə́ ō, Silisi tə́ ō ní lápə́ya.

TITƏ 1:1

I mā Pol n m-ə́la kə makətūbūú mādə̄sí ní. Mā i nge kəla yā Nə́ɓā ō, ngōmbang kəla yā Jeju Kərist ō. Əndān̄ dɔḿ tə́ kadə̄ m-ɔ́jə́ ngé gə̄ ń Nə́ɓā gə̄rādə́ ní najə̄ kadə̄ taān̄ kem ō, kadə̄ m-ə́dádə́ najə̄ kə́ rɔ̄kum kə́ əhɔn̄ naā kə yá̰a̰ rāā kə́ kə gō ń Nə́ɓā ndigə ní kadə̄ gerə̄n̄ ō.

GALATƏ 2:9

Kəla kə́ tayā ń Nə́ɓā adə̄m̄ ní, Jakə ō Piyer ō Ja̰a̰ ō ń de gə̄ əndān̄ tɔ́gə́də́ i dɔdə́ nin̄ tə́ ní, nin̄-a̰a̰ gerə̄n̄. Adə̄ nin̄-əhɔn̄ jījí, mā ō Barnabas ō ɔjən̄neé kadə̄ kemdə́ i gō yājí tə́. I tītə̄ ń noō n j-oōń naā kadə̄ jḭḭ j-a jə-rāā kəla i dan de gə̄ kə́ nin̄ i Jipə aĺ gə̄ tə́, ba nin̄ a rāān̄ kəla i dan Jipə gə̄ tə́ ní.

KƏLA RĀĀ 15:13

Dan ń nin̄-ɔrə̄n̄ najə̄ oy anī Jakə əda na: Ngákó̰ó̰ḿ gə̄, ōōī najə̄ yāḿ!

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

Makətūbə̄ ń Pol ndang adə̄ Rom gə̄ ní 1:1

I mā Pol n m-ə́la kə makətūbūú mādə̄sí ní. Mā i nge kəla yā Jeju Kərist. Ni ɓārə́m̄ kadə̄ mā i ngōmbang kəla yān ō, ɔrə̄m̄ tayā kadə̄ m-ə̄nā mbēr̄ Najə̄ kə́ Majə yā Nə́ɓā ō.

KƏLA RĀĀ 21:18

Teē kə ndɔ̄ kə́ noō anī Pol aw̄ sejí ɓē Jakə loo ń kum kɔɔ̄ gə̄ malang kánə̄n̄ naā tū tə́ ní tə́.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

PILIPƏ 1:1

Pol nin̄ kə Timote ń i ngé rāā kəla gə̄ yā Jeju Kərist ní, i nin̄ n ndangən̄ makətūbə̄ ń toō əlan̄neé adə̄n̄ de kə́ Pilipə tə́ gə̄ malang ń télən̄ de gə̄ yā Nə́ɓā kə ta kūl̄ taā kem Jeju Kərist ō, ngé kɔr nodə́ gə̄ ō, ngé rāā kəla nə̄ɓō yá̰a̰ yādə́ gə̄ ō ní.

GALATƏ 2:12

Tām̄ kété tá kadə̄ deē yā Jakə kə́rēý gə̄ ugə̄n̄ ní, ni-əsa yá̰a̰ kə de gə̄ ń nin̄ i Jipə aĺ gə̄ ní. Ba ré nin̄-reē ugə̄n̄ anī ni-ɔr̄ rɔ̄n kɔ̄ɔ́ rɔ̄də́ tə́, tɔdɔ̄ ni ɓōĺ i Jipə gə̄.

GALATƏ 1:19

M-á̰a̰ ngōmbang kəla kə́ rang kógə̄ḿ alé, ba i Jakə kə́ ngōkó̰ó̰ Kɔ́ɔ̄ɓē ngóy.

KƏLA RĀĀ 15:21

Tām̄ əla gír i jóó ngá̰ý bátə́ ɓōólaā n de gə̄ a ɔjən̄ ndū najə̄ yā Moijə kə̄ kem ɓē gə̄ tə́ kógə̄ḿ kógə̄ḿ ō, a tə́dan̄ ndū najə̄ yān kem kújə́ kán̄ naā gə̄ tə́ kə dɔ ndɔ̄ sabat gə̄ malang ō ní.

KƏLA RĀĀ 1:13

Dan ń ugə̄n̄ Jerusalem anī, aw̄n̄ kem kújə́ kə́ dɔɔ́ ń a ndin̄ tū tə́ dejə ní tə́. Ngámbang kəla gə̄ ń əngen̄ naā kem kújə́ kə́ dɔɔ́ ngeé ń noō tə́ ní i Piyer ō, Ja̰a̰ ō, Jakə ō, Andəre ō, Pilipə ō, Toma ō, Bartelemi ō, Matiye ō, Jakə kə́ ngōn̄ Alpe ō, Simo̰ nge rɔ̄ɔ̄ dɔ ɓē tə́ ō, Jud kə́ ngōn̄ Jakə ō.

MATIYE 13:55

Ké i ni n i ngōn̄ nge kəja kāgə̄ ní aĺ wa. Ké i kó̰o̰n n rīn na i Mari ní aĺ wa. Ké i Jakə ō Jəjep ō Simo̰ ō Jud ō n i ngákó̰o̰n kə́ dəngam gə̄ ní aĺ wa.

1 MBAN̄G GƏ̄ 18:31

Ni-ɔy mbal̄ kutə gidə i jōó, kə gō kutə gír ɓē kə́ kutə gidə i jōó gə̄ yā ngán Jakob ń Kɔ́ɔ̄ɓē ədan kété na a ɓāŕnən̄ ngɔlaā na i Israel ní.

NDŪ NAJƏ̄ 30:3

Kɔ́ɔ̄ɓē Nə́ɓā yāí a tūr̄ gíŕ yá̰a̰ gə̄ ń a reēn̄ kə̄ dɔí tə́ ní kɔ̄ɔ́. Ni a rāā kem majə seí ō, a ɔysí kɔ̄ɔ́ dan gír de gə̄ malang ń ni tə̄ndā tḭ̄ḭ̄sí kə̄ dandə́ tə́ ní ō, yā reē sesí gogə́ ɓēé.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

KƏLA RĀĀ 12:17

Ni wél̄ jīn ɔgə̄ńdə́ kɔr̄ najə̄, ba ɔjədə́ loo kɔr̄ ń Kɔ́ɔ̄ɓē ɔrə̄n dəngáyá ní. Ni ədadə́ ɓáý to̰ na kə aw̄ kə ədan̄ Jakə gotə ō, ngákó̰ó̰də́ kə́ rang gə̄ ō. Gō tə́ anī ni-teē aw̄ loo kə́ rang tə́.

ESDRAS 6:17

Yá̰a̰ gə̄ ń nin̄ tunə̄n̄ ní i man̄g kə́ bəra gə̄ ɓú ō, bal batə̄ gə̄ ɓú jōó ō, ngán batə̄ gə̄ ɓú sɔ́ ō, bal bə̄yā̰ gə̄ kutə gidə i jōó ō. Bal bə̄yā̰ kə́ kutə gidə i jōó gə̄ ní i kógə̄ḿ kógə̄ḿ kə dɔ gír ɓē gə̄ yā ngán Israel gēé, kadə̄ Nə́ɓā mā̰yń rɔ̄n dɔ majaĺ yā ngán Israel gə̄ tə́ malang.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

Teē Ngán Israel gə̄ 39:14

Ndangən̄ rī ngán Israel kə́ kutə gidə i jōó gə̄ ní gidə ngán mbal̄ gə̄ ní tə́ kógə̄ḿ kógə̄ḿ, tītə̄ ń deē a ndangəń rīn tū tambō̰o̰ yān tə́ noō. Ngán mbal̄ kə́ kutə gidə i jōó gə̄ ní ɔsən̄ i kum gotə gír ɓē kə́ kutə gidə i jōó gə̄ yā ngán Israel gə̄.

Teē Ngán Israel gə̄ 24:4

Moijə ndang najə̄ gə̄ ń Kɔ́ɔ̄ɓē ədan ní malang. Teē kə ndɔ̄ kə́ noō anī Moijə ḭḭ dɔɔ́ kə gír looí ɓatə, rāā loo tun̄ yá̰a̰ nja mbal̄ tə́ ō, túdə̄ ngán mbal̄ gə̄ kutə gidə i jōó kə nja kə́ dɔɔ́ tām̄ yā gír ɓē kə́ kutə gidə i jōó yā ngán Israel gə̄ tə́ ō.

JEJU TEĒ KUM JA̰A̰ 7:4

Anī m-ōō kutə de gə̄ ń əndān̄ mbō̰ nodə́ tə́ ní: Nin̄ i deē 144 000, ɔyn̄də́ i kə gír ɓē gə̄ malang yā ngán Israel gə̄.

KƏLA RĀĀ 2:5

Tá Jipə kə́ ɓōĺ Nə́ɓā ngá̰ý gə̄ ndin̄ Jerusalem noó. Nin̄-ḭḭn̄ i kə gō nápar de gə̄ malang kə́ dɔ nang tə́ n reē ndin̄ ní.

Najə̄ kə́ Majə yā Jeju ń Luk ndang ní 22:30

Ā ə́saī yá̰a̰ dɔ yāḿ tə́ ō, ā ā̰yī seḿ ō, kem Ɓē ko̰o̰ yāḿ tə́, tá ā ī-ndiī dɔ kōr̄ kāgə̄ mbang gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́ ō.

MATIYE 10:3

Pilipə nin̄ kə Bartelemi ō, Toma nin̄ kə Matiye nge taā lambóo ō, Jakə kə́ ngōn̄ Alpe nin̄ kə Tade ō,

ESTER 3:8

Haman əda mban̄g Jerses na: Kɔ́ɔ̄ ɓē gə̄, gír deē kógə̄ḿ kə́ dáńg gə̄ kə́ tə̄ndā tḭ̄ḭ̄n̄də́ kə̄ loo gə̄ tə́ dan gír de gə̄ tə́ gō nang gə̄ kə́ kem ɓē ko̰o̰ yāí tə́ ndin̄ noó. Nin̄ ndin̄ i tayā ō, yá̰a̰ kāgə̄ ɓē yādə́ tō tītə̄ yā gír de kə́ rang gə̄ aĺ ō, yá̰a̰ gə̄ ń ndū najə̄ yā mban̄g əda kadə̄ yā rāā ní nin̄ rāān̄ aĺ ō. Ré mban̄g əya̰də́ adə̄ ndin̄ jəke anī yá̰á̰ kə́ mban̄g a ənge gírí gətóo.

Teē Ngán Israel gə̄ 28:21

A ndangən̄ rī ngán Israel kə́ kutə gidə i jōó gə̄ gidə ngán mbal̄ gə̄ ní tə́ kógə̄ḿ kógə̄ḿ, tītə̄ ń deē a ndangəń rīn tū tambō̰o̰ yān tə́ ní. Ngán mbal̄ kə́ kutə gidə i jōó gə̄ ní a ɔsən̄ i kum gotə gír ɓē kə́ kutə gidə i jōó gə̄ yā ngán Israel gə̄.

2 TIMOTE 4:21

Ī-sāā ta róbə reē láẃ kété no ɓar tə́. Ebul ō, Pudens ō, Lin ō, Kəlodia ō, ngákó̰ó̰jí gə̄ malang ō ní, rāāīn̄ lápə́ya.

KƏLA RĀĀ 23:26

Peliksə nge ko̰o̰ ɓē kə́ majə ngá̰ý, i mā Kəlodə Lijiyas n m-ə́la kə̄ dɔí tə́ ní, lápə́ya yāí!

Najə̄ kə́ Majə yā Jeju ń Luk ndang ní 6:15

Matiye ō, Toma ō, Jakə kə́ ngōn̄ Alpe ō, Simo̰ ń a ɓāŕnən̄ na i nge rɔ̄ɔ̄ dɔ ɓē yā Jipə gə̄ tə́ ní ō,

MARK 3:18

Andəre ō, Pilipə ō, Bartelemi ō, Matiye ō, Toma ō, Jakə kə́ ngōn̄ Alpe ō, Tade ō, Simo̰ ń a ɓār̄nən̄ na i nge rɔ̄ɔ̄ dɔ ɓē tə́ ní ō,

NDŪ NAJƏ̄ 32:26

m̄-gír̄ i nujə sedə́ kɔ̄ɔ́ malang ō, rāā kadə̄ əga kem de gə̄ dɔdə́ tə́ to̰ aĺ ō.