JA̰A̰ 9:34 - Bibəl ta Sar̄

³⁴ Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

Bible sar

³⁴ Nin̄-tél ədanən̄ na: Ojiīn̄ i kum majaĺ tə́ anī ī-gḛy ndóōjí yá̰a̰ a? Gō tə́ anī nin̄-tə̄ɓānən̄ ndágá kɔ̄ɔ́.

JA̰A̰ 9:34 Referans Kwoze

JA̰A̰ 9:22

Ngé kojən gə̄ ɔrə̄n̄ najə̄ tītə̄ ń noō i tɔdɔ̄ nin̄-ɓōlə́n̄ i Jipə gə̄. Tɔdɔ̄ Jipə gə̄ oōn̄ naā kadə̄ náā nəkɔ́ ń a əda ta kum de gə̄ tə́ na Jeju i Kərist ní ɓáa kə n-tə̄ɓānən̄ kújə kán̄ naā tə́ kɔ̄ɔ́.

JA̰A̰ 9:2

Ngé ndóō yá̰a̰ yān gə̄ dəjenən̄ na: Ngoljí, i náā n rāā majaĺ á ojənə̄ń deē ń toō məndō ní, i nəkɔ́ aké i ngé kojən gə̄ ḿ?

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.

Najə̄ kə́ Majə yā Jeju ń Luk ndang ní 18:17

Ādə̄ m-ə́dásí najə̄ kə́ bo ngá̰ý: Deē ń a əhɔ Ɓē ko̰o̰ yā Nə́ɓā kə̄ rɔ̄n tə́ tītə̄ ń ngáń kə́ dūú gə̄ a rāān̄nəń ní aĺ anī, kɔ́ɔ̄ a udə kemeé aĺ bátə́.

PĀ GƏ̄ 51:5

Tɔdɔ̄ yá̰á̰ kə́ gōtə́ aĺ gə̄ ń m̄-rāā ní m̄-ger̄. Yá̰á̰ kə́ majaĺ ń m̄-rāā ní to ta kumḿ tə́ ngándáńg.

Makətūbə̄ yā Job 25:4

Loo kadə̄ najə̄ yā deē i gōtə́ banī yā Nə́ɓā i kə́ gōtə́ aĺ ní i ba̰ý? Deē ń dəyá̰ ojən ní, loo kadə̄ əda na ni na i de kə́ unjə̄ njáý njáý ní i ba̰ý?

TA KƏLA 19:9

Nin̄ tél ədanən̄ na: Ī-tél kə̄ gogə́. Ḭ̄ ń i tə̄rā ní, ī-sāā gān̄g sarya ɓēé loojí a? Beé ɓáa j-a jə-rāāī īkɔ́ majaĺ kadə̄ tɔȳ yādə́ nin̄. Nin̄ mbəren̄ Lot kə gogə́ ba mān̄ aw̄n̄ yā tetə ta kújə.

JEJU TEĒ KUM JA̰A̰ 13:17

Deē ń tə́ré yá̰á̰ ní i jī ko̰n tə́ aĺ ō, non tə́ aĺ ō ní, asə mang yá̰a̰ aĺ ō, kigə yá̰a̰ aĺ ō.

3 JA̰A̰ 1:9

m̄-ndang najə̄ kógə̄ḿ m-ādə̄ de gə̄ kə́ kem Egəlijə tə́. Banī Diotərep ń gḛy kadə̄ ni i de kə́ kété dɔ madə̄n gə̄ tə́ ní ndigə alé.

1 PIYER 5:5

Ba sḭḭ̄ balsáa gə̄, majə kadə̄ ōōī ta kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá. Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.

EPEJƏ 2:3

Kété ní, jḭḭ̄ malang i dan de gə̄ ń noō tə́ ō. Tām̄ kété ní j-a jə-rāāī i háĺ kə́ majaĺ gə̄, adə̄ i yá̰a̰ gə̄ ń dā̰ rɔ̄jí gḛy ní ō, yá̰a̰ kə́ majaĺ gə̄ ń jə-gírī ní ō, jḭḭ̄ i ngáń ngé wōn̄g gə̄ tītə̄ yā gotə gə̄ ō.

GALATƏ 2:15

Jḭḭ̄ i Jipə kə́ kojə gə̄ ba jḭḭ̄ i ngé rāā majaĺ gə̄ ń noō ń nin̄ i Jipə aĺ gə̄ ní alé.

1 KORḚNTƏ 5:13

Ngé kə́ ndágá gə̄ i Nə́ɓā n i nge gān̄g sarya dɔdə́ tə́ ní. Ɔ̄rī de kə́ nge kem ndul kɔ̄ɔ́ dɔ dansí tə́.

JA̰A̰ 9:40

Parijiyḛ gə̄ ń ndin̄ seneé ní oōn̄ najə̄ ń toō anī, dəjen̄ na ké nin̄ i ngé ka̰a̰ loo aĺ gə̄ ō wa.

JA̰A̰ 9:35

Jeju oō kadə̄ tə̄ɓānən̄ ndágá kɔ̄ɔ́. Anī reē əngen ba dəjen na ké ni-taā kem Ngōn̄ Deē wa.

JA̰A̰ 8:41

Sḭḭ̄ ī-rāāī i kəla ń bɔbə̄sí rāā ní. Nin̄-ədan̄ na: Jḭ̄ i ngáń kə́ ojən̄jí loo kaya tə́ alé, bɔbə̄jí i kógə̄ḿ beē, i Nə́ɓā.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

Najə̄ kə́ Majə yā Jeju ń Luk ndang ní 14:11

Tɔdɔ̄ deē ń ɔsə rɔ̄n kə̄ dɔɔ́ anī, a télən̄ seneé kə̄ nang tə́, ba deē ń a tél kə rɔ̄neé kə̄ nang tə́ ní, a ɔsənən̄ kə̄ dɔɔ́.

Najə̄ kə́ Majə yā Jeju ń Luk ndang ní 11:45

Anī nge ndóō de gə̄ ndū najə̄ gə̄ kógə̄ḿ əda Jeju na: Ngoljí, ɔ̄r̄ najə̄ tītə̄ ń noō anī ī-tájə̄jí i jḭḭ ō.

Najə̄ kə́ Majə yā Jeju ń Luk ndang ní 6:22

Sḭḭ̄ i kə rɔ̄nelēé dan ń de gə̄ a imə̄n̄sí ō, a tə̄ɓān̄sí kɔ̄ɔ́ dɔ dáńdə́ tə́ ō, a tájə̄n̄sí ō, a ədan̄ najə̄ kə́ majaĺ dɔsí tə́ ō najə̄ yā Ngōn̄ deē tə́ ní.

IJAI 65:5

Nin̄ ədan̄ de gə̄ na: Ī-lōō reē rɔ̄ḿ tə́ ngɔr, ī-lōō kɔdə rɔ̄ḿ. Nge ń noō a rāā majə seí alé, tām̄ m-ā m̄-rāāī kadə̄ ā ī-tél de kə́ táĺ. Dan ń m-á̰á̰ yá̰a̰ rāāsí anī, wōn̄g yāḿ butə̄ hor ō, hor wōn̄g yāḿ ní o̰o̰ kanjə̄ dəba ō.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

Gōsə̄ najə̄ gə̄ 26:12

Ré ə́nge de kə́ taā kem kadə̄ kumən edə ngá̰ý anī, majə kadə̄ ī-ger̄ na kəndā kem dɔ de kə́ mbóó tə́ i só tə́ t ɔȳ kəndā kem dɔ de kə́ beé tə́.

Gōsə̄ najə̄ gə̄ 22:10

Ī-tə̄ɓā nge ndájə̄ najə̄ kɔ̄ɔ́ anī gír kɔ̄l̄ a gān̄g ō, gíŕ tṵ́ṵ̄ naā a gān̄g ō, gíŕ tájə̄ ndū a gān̄g ō!

Makətūbə̄ yā Job 14:4

I náā n asə rāā kadə̄ yá̰á̰ kə́ unjə̄ njáý njáý teē tū yá̰á̰ kə́ majaĺ tákə̄ tə́ ní? De kə́ asə rāā nge ń noō gətóo.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

Teē Ngán Israel gə̄ 2:14

Anī deē ní tél ədan na ké i náā n əndān ngār dɔdə́ nin̄ tə́ yā gān̄g sarya yādə́ ní wa, ké gír̄ i tɔ̄lən tītə̄ ń tɔ̄ləń de kə́ Ejiptə ní wa. Dan ń Moijə a̰a̰ kadə̄ gír najə̄ ní teē dɔɔ́ kɔ̄ɔ́ anī ɓōĺ rāān.

3 JA̰A̰ 1:10

Adə̄ ré m-ā m-āw̄ anī, m-ā m̄-ter̄ kemən dɔ kəla rāān gə̄ tə́. Ni-ɔr̄ najə̄ kə́ majaĺ ngá̰ý gə̄ dɔjí tə́, banī nge ń noō asən aĺ ɓáý, adə̄ əhɔ ngákó̰ó̰jí gə̄ kə̄ rɔ̄n tə́ aĺ ō, de gə̄ ń gḛyn̄ kəhɔdə́ kə̄ rɔ̄də́ tə́ ni a, ni ɔgə̄də́ kɔ̄ɔ́ ō, tə̄ɓādə́ kɔ̄ɔ́ Egəlijə tə́ ō.