JA̰A̰ 8:9 - Bibəl ta Sar̄

⁹ De gə̄ ń oōn̄ najə̄ ń noō ní ɔrə̄n̄ rɔ̄də́ kógə̄ḿ kógə̄ḿ kɔ̄ɔ́, nga tɔ́gə gə̄ aw̄n̄ kété, pá tá gotə gə̄ aw̄n̄ gōdə́ tə́, adə̄ na̰y i Jeju ngóy nin̄ kə dəyá̰ ń əndānən̄ dandə́ tə́ ní.

Bible sar

⁹ De gə̄ ń oōn̄ najə̄ ń noō ní ɔrə̄n̄ rɔ̄də́ kógə̄ḿ kógə̄ḿ kɔ̄ɔ́, nga tɔ́gə gə̄ aw̄n̄ kété, pá tá gotə gə̄ aw̄n̄ gōdə́ tə́, adə̄ na̰y i Jeju ngóy nin̄ kə dəyá̰ ń əndānən̄ dandə́ tə́ ní.

JA̰A̰ 8:9 Referans Kwoze

Makətūbə̄ ń Pol ndang adə̄ Rom gə̄ ní 2:15

Nin̄-ɔjən̄ kadə̄ kəla ń ndū najə̄ əndā dɔ de gə̄ tə́ ní, i yá̰á̰ kə́ ndangən̄ kemdə́ nin̄ tə́ kɔ̄ɔ́ ɓá. Yá̰á̰ ń kemdə́ ɔjədə́ yā rāā á rāān̄ ní ɔjə kadə̄ i tītə̄ ń noō, tá gír̄ yādə́ gə̄ i tītə̄ ń noō ɓáý to̰. Tɔdɔ̄ gír̄ yādə́ gə̄ ɔjən̄də́ kadə̄ yá̰á̰ kə́ beé gə̄ ń rāān̄ toó i kə́ majə ō, kə́ beé gə̄ i kə́ majaĺ ō.

KOHELET 7:22

Tɔdɔ̄ īkɔ́ ī-ger̄ kadə̄ ī-ha madí gə̄ nja i ngá̰ý ō.

1 JA̰A̰ 3:20

Tɔdɔ̄ ré kemjí əhɔjí kə najá anī, Nə́ɓā i kə bo tɔȳ kemjí ō, ni-ger̄ yá̰a̰ malang ō.

Makətūbə̄ ń Pol ndang adə̄ Rom gə̄ ní 2:22

Ḭ̄ ń əda na kə deē kə rāȳ aĺ ní, i ba̰ý á ī-tél ī-rāȳ ní? Ḭ̄ ń ɔ̄r̄ nja ngé rāā ɓesə̄ gə̄ ní, i ba̰ý á ī-tél ā ɔ́ý yá̰a̰ gə̄ kə́ kem kújə ɓesə̄ gə̄ tə́ ní?

JA̰A̰ 8:10

Jeju ɔr̄ tan dɔɔ́ ba ədan na: Dəyá̰, aw̄n̄ i rá? Deē kógə̄ḿ kə́ gān̄g sarya dɔí tə́ gətóo a?

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

Najə̄ kə́ Majə yā Jeju ń Luk ndang ní 13:17

Dan ń ni-əda najə̄ ń toō anī, madə̄ kɔ̄lən gə̄ malang ní rɔ̄də́ sɔl̄də́, ba kósə de gə̄ malang tá rɔ̄də́ nel̄də́ ngá̰ý tām̄ yá̰á̰ kə́ majə ngá̰ý gə̄ malang ń ni-rāā tə́ ní.

PĀ GƏ̄ 71:13

Ngé gə̄ ń sāān̄ tɔ̄lə̄m̄ ní, ādə̄ rɔ̄də́ sɔl̄də́ ō, yá̰á̰ kə́ majaĺ teē dɔdə́ tə́ ō! ngé gə̄ ń sāān̄ kadə̄ yá̰á̰ kə́ majaĺ teē dɔḿ tə́ ní, ādə̄ kídə̄n̄də́ ō əlan̄ rɔ̄sɔl̄ dɔdə́ tə́ ō!

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

PĀ GƏ̄ 40:14

Kɔ́ɔ̄ɓē, ɓɔ́ ī-gān̄g dɔḿ! Kɔ́ɔ̄ɓē, ī-reē láẃ ī-dḭḭ̄m̄!

Makətūbə̄ yā Job 20:27

Dɔ rā̰ ɔjə yá̰á̰ kə́ gōtə́ aĺ ń ni-rāā ní kə̄ ndágá wáńg ō, dɔ nang teē kə gírneé dɔɔ́ ō!

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

1 MBAN̄G GƏ̄ 2:44

Gō tə́ anī mban̄g əda Simei na: Yá̰á̰ kə́ majaĺ gə̄ malang ń ī-rāā kə bɔbə́ḿ Dabid ní īkɔ́ ī-ger̄ majə. Kɔ́ɔ̄ɓē a rāā kadə̄ kem ndul yāí tél əsō dɔí īkɔ́ tə́,

JA̰A̰ 8:2

Banī dəloí ɓatə anī, tél aw̄ kem kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.

JA̰A̰ 8:3

Anī ngé ndóō de gə̄ ndū najə̄ gə̄ kə Parijiyḛ gə̄ reēn̄ kə dəyá̰ kógə̄ḿ kə́ əhɔnən̄ dɔ rāȳ tə́. Əndānən̄ dandə́ tə́, ba ədan̄ Jeju na:

JA̰A̰ 8:8

Tél rugə nang tə́ a ndang yá̰a̰ dɔ nang tə́ ɓáý to̰.