JA̰A̰ 8:54 - Bibəl ta Sar̄

⁵⁴ Jeju tél ədadə́ na: Ré i mə̄kɔ́ n m-ɔ́sə gɔn rɔ̄ḿ anī, kɔsə gɔn yāḿ i yá̰á̰ kə́ karī. Deē ń ɔsə gɔnəḿ ní i Bɔbə́ḿ ń sḭḭ̄ ə́daī na i Nə́ɓā yāsí

Bible sar

⁵⁴ Jeju tél ədadə́ na: Ré i mə̄kɔ́ n m-ɔ́sə gɔn rɔ̄ḿ anī, kɔsə gɔn yāḿ i yá̰á̰ kə́ karī. Deē ń ɔsə gɔnəḿ ní i Bɔbə́ḿ ń sḭḭ̄ ə́daī na i Nə́ɓā yāsí

JA̰A̰ 8:54 Referans Kwoze

JA̰A̰ 8:50

Mā m̄-sāā kɔsə gɔn yāḿ alé. I deē kógə̄ḿ n a sāā tām̄ yāḿ tə́ ō, a gān̄g sarya ō ní.

Gōsə̄ najə̄ gə̄ 25:27

Ko̰o̰ yibə̄ tejə kadə̄ al̄ naā i yá̰á̰ kə́ majaĺ, banī ndo̰ gír̄ yá̰á̰ kə́ bo bo gə̄ yā ger̄ i yá̰á̰ kə́ majə ngá̰ý.

2 PIYER 1:17

Bɔbə̄n Nə́ɓā rɔȳn ō, ɔsə gɔnən ō. Ni rāā nge ń noō i dan ń Nə́ɓā a ndə́leń ndə́lē kə́ majə ngá̰ý tə́ ní. Dan ngeé ń noō tə́ ní, ndū deē kógə̄ḿ teē tū ndə́lē ń Nə́ɓā a ndə́lē tə́ ní ɔr̄ najə̄ əda na: Nge ń toō i Ngōn̄ kó tár yāḿ kə́ nelə̄m̄ seneé ngá̰ý.

2 KORḚNTƏ 10:18

Tām̄ i deē ń əda najə̄ kə́ majə ngá̰ý dɔ rɔ̄n nəkɔ́ tə́ ní n a ndigənən̄ ní alé. Banī i deē ń Kɔ́ɔ̄ɓē əda najə̄ yān kə́ majə ní.

KƏLA RĀĀ 3:13

Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

JA̰A̰ 8:41

Sḭḭ̄ ī-rāāī i kəla ń bɔbə̄sí rāā ní. Nin̄-ədan̄ na: Jḭ̄ i ngáń kə́ ojən̄jí loo kaya tə́ alé, bɔbə̄jí i kógə̄ḿ beē, i Nə́ɓā.

JA̰A̰ 7:18

Deē ń ɔr̄ najə̄ kə dɔneé ní, sāā i kɔsə gɔn yān nəkɔ́. Ba deē ń sāā i kɔsə gɔn yā nge ń əlan ní, ni i de kə́ rɔ̄kum, adə̄ yá̰á̰ kə́ gōtə́ aĺ gətóo kemən tə́.

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

1 PIYER 1:12

Najə̄ ń Nə́ɓā əndā ta ngé koō ta gə̄ tə́ adə̄ ədan̄ ní, ni teē kumdə́ dɔ tə́ adə̄ gerə̄n̄ kadə̄ najə̄ ní i tām̄ yādə́ nin̄ tə́ alé, banī i tām̄ yāsí sḭḭ̄ tə́. Ngé kɔjə Najə̄ kə́ Majə gə̄ ədan̄sí najə̄ ní ngɔlaā i kə tɔ́gə yā Ndíĺ kə́ Táĺ. Ndíĺ kə́ Táĺ ngeé ń toō ní, i Nə́ɓā ń ndi dɔ rā̰ tə́ ní n əla seneé ní. De kə́ dɔ rā̰ tə́ gə̄ gə̄gē nin̄ kɔ́ gə̄ kə dɔdə́ sāān̄ ger̄ najə̄ ní ō.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

JA̰A̰ 5:41

Mā m̄-sāā kɔsə gɔn kə́ ḭḭ rɔ̄ deē tə́ alé.

JA̰A̰ 2:11

Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

OJEE 1:9

Anī Kɔ́ɔ̄ɓē əda Ojee na kə əndā rī ngōn̄ ní na i Loo Ami ń kumən na i gír deē yāḿ gə̄ aĺ ní. Tɔdɔ̄ sḭḭ̄ Israel gə̄, sḭḭ̄ i gír deē yāḿ gə̄ to̰ alé ō, mā i yá̰á̰ kógə̄ḿ tām̄ yāsí to̰ aĺ ō.

IJAI 66:5

Sḭḭ̄ ń ī-taāī najə̄ yā Kɔ́ɔ̄ɓē ō, ī-ɓōlíī gidə najə̄ yān ngá̰ý ō ní, ōōī yá̰á̰ ń Kɔ́ɔ̄ɓē əda ní: Ngákó̰ó̰sí kə́rēý gə̄ ní nel̄də́ sesí aĺ ngá̰ý ō, nin̄ tə̄ɓān̄sí kɔ̄ɔ́ najə̄ yāḿ mā tə́ ō. Nin̄ mbóōn̄ sesí ədan̄ na: Ādə̄ Kɔ́ɔ̄ɓē ɔjə kɔsə gɔn yān kə̄ ndágá, loo ń noō tə́ j-a j-a̰a̰ rɔ̄nel̄ yāsí! Banī i nin̄ n rɔ̄də́ a sɔl̄də́ ngá̰ý ní.