JA̰A̰ 8:51 - Bibəl ta Sar̄

⁵¹ Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

Bible sar

⁵¹ Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

JA̰A̰ 8:51 Referans Kwoze

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

JA̰A̰ 15:20

Ādə̄ əga kemsí dɔ najə̄ ń m-ə́dásí tə́ ní: Nge kəla bo tɔȳ kɔ́ɔ̄n alé. Ré nin̄-rāāmə̄n̄ ndoō tə́ anī, a rāān̄sí ndoō tə́ ō. Ré nin̄-rāān̄ yá̰á̰ ń m-ə́dá ní anī, a rāān̄ yá̰á̰ ń sḭḭ̄ ə́daī ní ō.

JA̰A̰ 6:50

Ngé ń toō i mápá kə́ ḭḭ dɔ rā̰ tə́ reē dɔ nang tə́, yā kadə̄ nge ń əsa ní a oy alé.

Najə̄ kə́ Majə yā Jeju ń Luk ndang ní 2:26

Ndíĺ kə́ Táĺ ədan na a a̰a̰ Kərist yā Kɔ́ɔ̄ɓē pá tá na a oy ɓáý.

HEBƏRO 11:5

I kə ta kūl̄ taā kem n kadə̄ ɔrə̄n̄ Henok adə̄ ni-a̰a̰ yo aĺ ní, de gə̄ əngenən̄ to̰ alé, tɔdɔ̄ Nə́ɓā ɔrə̄n kɔ̄ɔ́. Tām̄ kété tá kadə̄ ɔr̄nən̄ ní, makətūbə̄ yā Nə́ɓā əda na, ni na i de kə́ nel̄ Nə́ɓā seneé.

PĀ GƏ̄ 89:48

Deē ndul a ndi kə kumneé ɓāl̄ ngá̰ý aĺ ní ī-gír̄ dɔḿ tə́. Ī-gír̄ dɔ ndɔ̄ ndiḿ kə kumḿ kə́ i ngá̰ý aĺ tə́, ḭ̄ ə̄ndā deē i yā kadə̄ ta tɔ̄l̄ tan to rim a?

JA̰A̰ 8:55

kanjə̄ gerə̄n, ba mā m̄-gerə̄n ní. Ré m-ə́da na m̄-gerə̄n aĺ anī, mā i nge sor̄ tītə̄sí. Banī m̄-gerə̄n ō, m̄-rāā yá̰a̰ gə̄ ń ni-əda ní ō.

JA̰A̰ 8:12

Jeju ɔr̄ najə̄ kə kósə de gēé ɓáý to̰, ədadə́ na: Mā i loo kə́ unjə̄ kow yā de kə́ dɔ nang tə́ gə̄. Nge ń a un gōḿ anī, a njə̄rā kum til tə́ alé, ba a ənge loo kə́ unjə̄ kow kə́ rāā kadə̄ deē a ndi kə kumneé.

MATIYE 16:28

Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dan de gə̄ ń ran̄ laā tə́ ní, a a̰a̰n̄ Ngōn̄ Deē loo reē tə́ kə́ mban̄g tə́ pá tá kadə̄ a oyn̄ ɓáý.

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

JA̰A̰ 17:6

De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

HEBƏRO 2:9

Banī j-a̰a̰ī kadə̄ télən̄ kə Jeju kə̄ nang tə́, adə̄ de kə́ dɔ rā̰ tə́ gə̄ tɔȳnən̄ sḛ́ý. I yā kadə̄ kə ta kūl̄ rajə ń Nə́ɓā rajə de gə̄ ní, ni-oy tām̄ yā de gə̄ tə́ malang. Ba ngɔlaā j-a̰a̰ī kadə̄ əlan̄ jākā kɔsə gɔn ō, jākā rɔȳ ō dɔn tə́, najə̄ koyn ń ni-a̰a̰ tápə̄ bátə́ loon tə́ ní.