JA̰A̰ 8:48 - Bibəl ta Sar̄

⁴⁸ Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

Bible sar

⁴⁸ *Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

JA̰A̰ 8:48 Referans Kwoze

JA̰A̰ 7:20

Kósə de gə̄ tél ədanən̄ na: Ndíĺ kə́ majaĺ i kemií tə́, i náā n sāā tɔ̄lī?

JA̰A̰ 8:52

Jipə gə̄ ədanən̄ na: Ngɔlaā jə-ger̄ kadə̄ ndíĺ kə́ majaĺ i kemií tə́. Abəraham oy ō, ngé koō ta gə̄ oyn̄ ō, ba ḭ̄ ə́da na deē ń rāā yá̰a̰ gə̄ ń ə́dá ní anī, a oy aĺ bátə́.

JA̰A̰ 10:20

De gə̄ ngá̰ý dɔ dáńdə́ tə́ ədan̄ na: Ndíĺ kə́ majaĺ i kemən tə́ ō, kɔ̄r̄ rāān ō, ba ōōī najə̄ yān i tām̄ rí tə́?

JA̰A̰ 4:9

Dəyá̰ kə́ Samari ní ədan na: Ḭ̄ ń i Jipə ní, i ba̰ý á ī-gədem̄ mā dəyá̰ kə́ Samari man̄ kaȳ ní? Tām̄ Jipə gə̄ kə Samari gə̄ oōn̄ kum naā alé.

MATIYE 15:7

Sḭḭ̄ ngé lur loo gə̄, najə̄ ń toō ń Ijai əda dɔsí tə́ kə́ nge koō ta tə́ ní najə̄ i yān, ni-əda na:

MATIYE 12:24

Banī Parijiyḛ gə̄ ń oōn̄ ní, ədan̄ na Jeju na a tə̄ɓā ndíĺ kə́ majaĺ gə̄ na i kə ta kūl̄ tɔ́gə́ ń Beljebul, ngār yā ndíĺ kə́ majaĺ gə̄ na adə̄n ní ngóy.

MATIYE 10:25

Ré nge ndóō yá̰a̰ reē to tītə̄ nge kɔjən yá̰a̰ ō, nge kəla reē to tītə̄ kɔ́ɔ̄n ō ɓáa asə beé. Dan ń ɓārə́n̄ kɔ́ɔ̄ kújə na i Beljebul ní, a ədan̄ najə̄ kə́ tōr̄ ngá̰ý tɔȳ nge n noō ɓáý dɔ de gə̄ kə́ kem kújə yān tə́.

MATIYE 10:5

Dan ń Jeju əla ngé kə́ kutə gidə i jōó gə̄ ní, ni-tāādə́ ədadə́ na: Āwī kem ɓē yā nápar de kə́ rang gə̄ tə́ aĺ ō, údiī kem ɓē gə̄ kə́ Samari tə́ aĺ ō.

JAKƏ 2:19

Ré ī-taā kem kadə̄ Nə́ɓā i kal kógə̄ḿ beē anī, ī-rāā i yá̰á̰ kə́ majə, ba ndíĺ kə́ majaĺ gə̄ taān̄ kem ō, ɓōĺ rāādə́ adə̄ ndewn̄ yakə yakə ō.

Makətūbə̄ ń Pol ndang adə̄ Rom gə̄ ní 15:3

Tɔdɔ̄ Kərist sāā i yá̰á̰ kə́ nelə̄n alé. Tītə̄ ń makətūbə̄ yā Nə́ɓā ədań ní, ndangən̄ na: Ndū ń ngé tájī gə̄ tájīn̄ ní, i mā n m̄-taā kə̄ dɔḿ tə́ ní.

JA̰A̰ 13:13

Sḭḭ̄ ī-ɓāŕmī na i ngol nge ndóō de gə̄ yá̰a̰ ō, Kɔ́ɔ̄ɓē ō. Ba nge ń ə́daī noó majə, tɔdɔ̄ mā i nge ń noō.

IJAI 53:3

De gə̄ malang kídə̄nən̄ ō, gōn̄gnən̄ kɔ̄ɔ́ ō. I de kə́ a̰a̰ tápə̄ ō, yá̰á̰ kə́ tōr̄ ndérə̄n ō. Ni to i tītə̄ deē kógə̄ḿ kə́ de kə́ ndigə ka̰a̰n gətóo beé. Jə-kídīin̄ ō, jə-rāāin̄ yá̰á̰ tə́ aĺ ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

HEBƏRO 13:13

I beé ní, ādə̄ jə-tə́gāī tají gíŕ yá̰á̰ kə́ to rɔ̄sɔl̄ gə̄ tə́ tītə̄ yān, ba jə-teē j-awī gōn tə́ gidə ɓē tə́ ndágá.

MATIYE 12:31

Tām̄ najə̄ ń toō tə́ ní ādə̄ m-ə́dásí: Yá̰á̰ kə́ majaĺ gə̄ malang ń de gə̄ rāān̄ ō, ndū gə̄ malang ń de gə̄ tájə̄n̄ ō ní, a mā̰ȳn̄ rɔ̄də́ dɔdə́ tə́ najə̄n tə́. Banī deē ń tájə̄ Ndíĺ kə́ Táĺ ní, a mā̰ȳn̄ rɔ̄də́ dɔn tə́ alé.

MATIYE 11:18

Tɔdɔ̄ dan ń Ja̰a̰ reē ní, əsa yá̰a̰ aĺ ō, a̰ȳ yá̰a̰ aĺ ō, anī de gə̄ ədan̄ na ndíĺ kə́ majaĺ na i kemən tə́.

JA̰A̰ 1:19

Najə̄ ń Ja̰a̰ əda dɔ rɔ̄n tə́ dan ń Jipə kə́ Jerusalem gə̄ əlan̄ ngé tun̄ yá̰a̰ gə̄ ō, ngán Lebi gə̄ ō, kadə̄ reē dəjenən̄ na ké ni i náā wa ní n toó.

JA̰A̰ 8:22

Loo ń noō tə́ Jipə gə̄ ədan̄ naā dɔ dáńdə́ tə́ na: Gír̄ i tɔ̄l̄ rɔ̄n a, tām̄ əda na loo ń m-ā m-aw̄ kə̄ tū tə́ ní, sḭḭ̄ ásiī kugə̄ tū tə́ alé.