JA̰A̰ 8:42 - Bibəl ta Sar̄

⁴² Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

Bible sar

⁴² Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

JA̰A̰ 8:42 Referans Kwoze

JA̰A̰ 12:49

Tɔdɔ̄ m-ɔ̄r̄ najə̄ i kə dɔḿ mə̄kɔ́ alé, banī Bɔbə́ḿ ń əlam̄ ní i ni n adə̄m̄ gō míndən kadə̄ m-ə́da ō, kadə̄ m-ndóō de gə̄ ō ní.

JA̰A̰ 14:10

Ī-taā kem kadə̄ mā i kem Bɔbə́ḿ tə́ ō, Bɔbə́ḿ i kemḿ mā tə́ ō aĺ a? Najə̄ gə̄ ń m-ə́dásí ní, m-ə́dásí i kə dɔḿ mə̄kɔ́ alé, banī i Bɔbə́ḿ ń ndi kemḿ tə́ ní n rāā kəla yān gə̄ ní.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

JA̰A̰ 1:14

Najə̄ ní tél deē ō, ndi danjí tə́ ō. J-a̰a̰ kɔsə gɔn yān. I kɔsə gɔn yā Ngōn̄ kə́ kal kógə̄ḿ beē kə́ ḭḭ rɔ̄ Bɔbə̄n tə́. Ngōn̄ ní kemən majə ngá̰ý ō, najə̄ kə́ rɔ̄kum i ngá̰ý kemən tə́ ō.

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

JA̰A̰ 5:43

m̄-reē kə rī Bɔbə́ḿ, ba sḭḭ̄ ə́hɔmī kə̄ rɔ̄sí tə́ alé. Ré de kə́ rang reē kə rīn nəkɔ́ anī, ā ə́hɔniī kə̄ rɔ̄sí tə́.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

GALATƏ 4:4

Ba dan ń ndɔ̄ asə anī, Nə́ɓā əla Ngōnən adə̄ de kə́ dəyá̰ ojən. Ojənən̄ i dan ń ndū najə̄ i kɔ́ɔ̄ yá̰a̰ gə̄ tə́ ní,

JA̰A̰ 8:14

Jeju tél ədadə́ na: Ré m-ɔ̄r̄ i najə̄ kə́ kum tə́ kə́ dɔ rɔ̄ḿ mə̄kɔ́ tə́ gə̄gē anī, najə̄ kə́ kum tə́ yāḿ i kə́ rɔ̄kum. Tɔdɔ̄ m̄-ger̄ loo ń m-ḭ́ḭ tū tə́ ní ō, loo ń m-ā m-āw̄ kə̄ tū tə́ ní ō. Banī sḭḭ̄ ī-gerī loo ń m-ḭ́ḭ tū tə́ ní aĺ ō, loo ń m-ā m-āw̄ kə̄ tū tə́ ní aĺ ō.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

JA̰A̰ 16:30

Ngɔlaā jə-ger̄ kadə̄ ḭ̄ ī-ger̄ yá̰a̰ malang ō, ī-sāā kadə̄ deē dəjeī najə̄ aĺ ō. I tām̄ najə̄ ń noō tə́ n jə-taā kem kadə̄ ḭ̄ ḭ́ḭ i rɔ̄ Nə́ɓā tə́ ní.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.