JA̰A̰ 8:4 - Bibəl ta Sar̄

⁴ Ngoljí, j-əhɔ dəyá̰ ń toō i dɔ rāȳ tə́.

Bible sar

⁴ Ngoljí, j-əhɔ dəyá̰ ń toō i dɔ rāȳ tə́.

JA̰A̰ 8:4 Referans Kwoze

MATIYE 1:19

Ngaan Jəjep ń i dəngam kə́ súmūú ní, ndigə ndaan dan de gə̄ tə́ alé. Adə̄ gír̄ kəya̰n kɔ̄ɔ́ jəke.

JA̰A̰ 8:3

Anī ngé ndóō de gə̄ ndū najə̄ gə̄ kə Parijiyḛ gə̄ reēn̄ kə dəyá̰ kógə̄ḿ kə́ əhɔnən̄ dɔ rāȳ tə́. Əndānən̄ dandə́ tə́, ba ədan̄ Jeju na:

JA̰A̰ 8:5

Moijə ədají kem makətūbə̄ ndū najə̄ tə́ kadə̄ jə-tə́nā dəyá̰ kə́ beé gə̄ kə mbalá jə-tɔ̄l̄də́ kɔ̄ɔ́. Ba ḭ̄ ā ə́da yāí na i rí?

LEBI GƏ̄ 20:10

Ré dəngam sāā nə̄yá̰ madə̄n anī, a tɔ̄l̄ə̄n̄də́ mbak nin̄ kə dəyá̰ sāān̄ naā ní.

NDŪ NAJƏ̄ 22:22

Ré əhɔn̄ de kə́ dəngam loo ɓīī tə́ kə nə̄yá̰ deé anī, a tɔ̄lə̄n̄də́ jōó mbak. A tɔ̄lə̄n̄ dəngam ō, dəyá̰ ō. I beé n ā ɔ̄rəń yá̰á̰ kə́ majaĺ kɔ̄ɔ́ dan ngán Israel gə̄ tə́ ní.

NGÉ SARYA 19:3

Dəngam ní əsō róbó yā kaw̄ gō nə̄yá̰n ní tə́ kəsōn naā tə́ ba tél reē seneé gogə́ ɓēé. Nge kəla yān kógə̄ḿ dānə̄n ō, aw̄ kə kərō gə̄ jōó ō. Də̄yá̰ gidə ndogə̄ ní adə̄ ngaan udə kem ndogó yā bɔbə̄neé. Dan ń bɔbə̄ dəyá̰ a̰a̰ umən ní anī tə́nī tan kə rɔ̄nelēé.