JA̰A̰ 8:39 - Bibəl ta Sar̄

³⁹ Nin̄-tél ədanən̄ na: Bɔbə̄jí i Abəraham. Jeju ədadə́ na: Ré sḭḭ̄ i ngán Abəraham gə̄ anī, ā ī-rāāī kəla gə̄ ń Abəraham rāā ní.

Bible sar

³⁹ Nin̄-tél ədanən̄ na: Bɔbə̄jí i Abəraham. Jeju ədadə́ na: Ré sḭḭ̄ i ngán Abəraham gə̄ anī, ā ī-rāāī kəla gə̄ ń Abəraham rāā ní.

JA̰A̰ 8:39 Referans Kwoze

GALATƏ 3:7

majə kadə̄ ī-gerī na i ngé taā kem gə̄ n i ngán kaa Abəraham kə́ rɔ̄kum gə̄ ní.

Makətūbə̄ ń Pol ndang adə̄ Rom gə̄ ní 9:7

Tá de gə̄ malang ń nin̄ i gír yā Abəraham tə́ ní, nin̄ i ngánən kə́ rɔ̄kum gə̄ malang alé, tɔdɔ̄ Nə́ɓā əda Abəraham na: Gír kaan a teē i gír kojə yā Isaak tə́.

JA̰A̰ 8:37

m̄-ger̄ kadə̄ sḭḭ̄ i ngán kaa Abəraham gə̄, banī ī-sāāī tɔ̄lə̄m̄. Tɔdɔ̄ najə̄ yāḿ ənge loo kemsí tə́ alé.

MATIYE 5:45

yā kadə̄ ī-téliīneé ngán Bɔbə̄sí ń ndi dɔ rā̰ tə́ ní. Tɔdɔ̄ ni-rāā adə̄ mbang yān əɓa dɔ ngé kem ndul gə̄ tə́ ō, dɔ ngé kem majə gə̄ tə́ ō. Ni-rāā man̄ adə̄ edə dɔ de kə́ súmūú gə̄ tə́ ō, dɔ de kə́ súmūú aĺ gə̄ tə́ ō.

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

GALATƏ 3:29

Tɔdɔ̄ sḭḭ̄ malang i de kə́ kógə̄ḿ beē gə̄, sɔɔ̄ń ɓoo kə́ ī-ɓooī naā kə Kərist. Adə̄ ré sḭḭ̄ i de gə̄ yā Kərist anī, sḭḭ̄ i gír kaa yā Abəraham ō, ngé kənge yá̰a̰ gə̄ ń Nə́ɓā ənī míndən yā kadə̄də́ ní ō.

Makətūbə̄ ń Pol ndang adə̄ Rom gə̄ ní 4:16

Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

Makətūbə̄ ń Pol ndang adə̄ Rom gə̄ ní 4:12

Ni i bɔbə̄ ngé gə̄ ń əjan̄ mɔtədə́ ní ō. Ngé kəja mɔtə gə̄ ń toō ní i ngé gə̄ ń nin̄ i gír kaa yā ngé kəja mɔtə gə̄ tə́ ní ngóy alé, banī i ngé gə̄ ń unən̄ tóo kaají Abəraham loo taā ń ni-taā kem tə́ kété tá kadə̄ əja mɔtən ɓáý ní.

JA̰A̰ 8:33

Nin̄-tél ədanən̄ na: Jḭḭ i ngán kaa Abəraham gə̄, jə-rāā ɓəlo yā deē nja kógə̄ḿ alé. Ba i ba̰ý á ə́da na j-a jə-tél kɔ́ɔ̄ rɔ̄jí gə̄ ní?

JA̰A̰ 8:43

I tām̄ rí tə́ á sḭḭ̄ ī-gerī kum najə̄ yāḿ aĺ ní? I tɔdɔ̄ sḭḭ̄ ásiī koō najə̄ yāḿ alé.

JA̰A̰ 8:56

Kaasí Abəraham rāā walya loo ń ni gír̄ ka̰a̰ ndɔ̄ yāḿ ní. Ni-a̰a̰ ndɔ̄ ní, ba rāā rɔ̄nel̄.