JA̰A̰ 8:36 - Bibəl ta Sar̄

³⁶ Ré Ngōn̄ Nə́ɓā ɔr̄sí ɓəloó anī, sḭḭ̄ i kɔ́ɔ̄ rɔ̄sí gə̄ rɔ̄kum.

Bible sar

³⁶ Ré Ngōn̄ Nə́ɓā ɔr̄sí ɓəloó anī, sḭḭ̄ i kɔ́ɔ̄ rɔ̄sí gə̄ rɔ̄kum.

JA̰A̰ 8:36 Referans Kwoze

2 KORḚNTƏ 3:17

Tá laā ní, najə̄ ń ədan̄ na i Kɔ́ɔ̄ɓē ní, kumən na i Ndíl. Ba loo ń Ndíĺ Kɔ́ɔ̄ɓē i tū tə́ ní, deē i kɔ́ɔ̄ rɔ̄n tū tə́ ō.

GALATƏ 5:1

Kərist gān̄g dɔjí i yā kadə̄ jḭḭ̄ i kɔ́ɔ̄ rɔ̄jí gə̄. Ní, ə́hɔī rɔ̄sí tɔgə ba ī-lōōī kəla dɔsí gír ɓəloó gogə́ ɓáý to̰.

Makətūbə̄ ń Pol ndang adə̄ Rom gə̄ ní 8:2

Tɔdɔ̄ ndū najə̄ yā Ndíĺ ń i nge rāā kadə̄ deē ndi kə kumneé kə ta kūl̄ Jeju Kərist ní, ɔrə̄m̄ kɔ̄ɔ́ gír ndū najə̄ yā majaĺ tə́ ō, yā yo tə́ ō.

Najə̄ kə́ Majə yā Jeju ń Luk ndang ní 4:18

Ndíĺ Kɔ́ɔ̄ɓē i dɔḿ mā tə́. Tɔdɔ̄ ni-*ur yibə̄ dɔḿ tə́ gə̄rām̄neé i yā kadə̄ m-āw̄ m-ə́dá ngé ndoō gə̄ Najə̄ kə́ Majə. Ni əlam̄ i kadə̄ m-āw̄ m-ə́da dəngáy gə̄ na a ɔrə̄n̄də́ dəngáyá ō, i kadə̄ m-āw̄ m-ə́dá ngé kum tɔ̄ɔ̄ gə̄ na a télən̄ yā ka̰a̰ loo gogə́ ō, i kadə̄ m-āw̄ m̄-taā ngé gə̄ ń rāān̄ kumdə́ ndoō tə́ ní jī madə̄ ba̰ā̰də́ gə̄ tə́ m-ə́yá̰də́ dɔɔ́ ō,

IJAI 61:1

Ndíĺ Kɔ́ɔ̄ɓē Nə́ɓā i dɔḿ tə́. A̰á̰ā̰, ni-ɔr̄ əndām̄ kə rī kəda ngé ndóō gə̄ najə̄ kə́ majə. Ngé gə̄ ń kemdə́ nujə kɔ̄ɔ́ ní, ni əlam̄ ngáādə́ tə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, ni əlam̄ kadə̄ m-ə́dádə́ na: Sḭḭ̄ i kɔ́ɔ̄ rɔ̄sí ō, kadə̄ m-ə́dá ngé gə̄ ń ton̄ dəngáyá ní na: Ā ī-téliī yā ka̰a̰ loo kə́ kadaá gogə́ ō.

PĀ GƏ̄ 119:133

Ī-rāā ādə̄ njaḿ əhɔ dɔ nang majə kə ta kūl̄ yá̰a̰ gə̄ ń ɔ́sə kə de gēé ta rāā ní ō, ī-lōō kəya̰ yá̰á̰ kə́ majaĺ kógə̄ḿ kadə̄ o̰o̰ ɓē dɔḿ tə́ ō.

PĀ GƏ̄ 119:32

M-ā̰ȳ ngɔ̄də̄ dɔ róbə yā gō míndí gə̄ tə́, tɔdɔ̄ ī-teē kumḿ.

PĀ GƏ̄ 19:13

I náā n kumən teē dɔ yá̰á̰ kə́ rāā gō ger̄ aĺ tə́ ní? Ī-māȳ rɔ̄í dɔ yá̰á̰ kə́ gōtə́ aĺ ń m̄-rāā ba m̄-ger̄ alé ní tə́.

1 KORḚNTƏ 7:22

Tɔdɔ̄ ɓəlo ń Kɔ́ɔ̄ɓē ɓārə́n ní, i de kə́ Kɔ́ɔ̄ɓē gān̄g dɔn kɔ̄ɔ́. Tītə̄ ń toō ɓáý to̰ ní, deē ń i kɔ́ɔ̄ rɔ̄n tá kadə̄ Kərist ɓārə́n ní, ni-tél i ɓəlo yā Kərist.