JA̰A̰ 8:34 - Bibəl ta Sar̄

³⁴ Jeju tél ədadə́ na: Ādə̄ m-ə́dásí najə̄ kə́ bo ngá̰ý, deē ń rāā majaĺ ní i ɓəlo yā majaĺ.

Bible sar

³⁴ Jeju tél ədadə́ na: Ādə̄ m-ə́dásí najə̄ kə́ bo ngá̰ý, deē ń rāā majaĺ ní i ɓəlo yā majaĺ.

JA̰A̰ 8:34 Referans Kwoze

Makətūbə̄ ń Pol ndang adə̄ Rom gə̄ ní 6:16

Dan ń ḭ̄ i ɓəlo yā deē ní ā ōō tan, adə̄ ā ī-rāā kəla yān. Ré ōō i ta yá̰á̰ kə́ majanī yá̰á̰ kə́ majaĺ a aw̄ seí yā kəlaī ta yo tə́, ba ré ōō i ta Nə́ɓā anī ā ī-tél de kə́ gōtə́.

2 PIYER 2:19

Nin̄-ənīn̄ ndūdə́ adə̄n̄də́, ədan̄də́ na a teēn̄ ɓəloó, banī nin̄ kɔ́ gə̄ i ɓəlo gə̄ yā háĺ gə̄ kə́ a aw̄n̄ kə deé a əlanən̄ ta yo tə́. Tām̄ deē i ɓəlo yā yá̰á̰ kə́ dum̄ tɔ́gən.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

Makətūbə̄ ń Pol ndang adə̄ Rom gə̄ ní 6:12

Ī-lōōī kadə̄ majaĺ o̰o̰ ɓē dɔ dā̰ rɔ̄sí kə́ a oy kɔ̄ɔ́ ń toō tə́, na sōgə́ ā ōōī i yān tá loo rāā yá̰a̰ gə̄ ń ngurdə́ a rāān tə́ ní.

Makətūbə̄ ń Pol ndang adə̄ Rom gə̄ ní 6:6

Banī majə kadə̄ ī-gerī najə̄ ń toō majə: Əndan̄ háĺjí kə́ jóo kə máyá̰ naā tə́ kə Kərist tū kāgə̄ kə́ dēsə́ tə́, yā kadə̄ tɔ́gə rāā majaĺ yā de kə́ loo kōkə̄ ní teē kɔ̄ɔ́ ō, majaĺ rāāńjí ɓəlo tə́ to̰ aĺ ō.

TITƏ 3:3

Tɔdɔ̄ kété ní, jḭḭ̄ i de kə́ mbóo gə̄ ō, jḭḭ̄ i ngé dɔ ngan̄g gə̄ ō, tají tḭ̄ḭ̄ kɔ̄ɔ́ ō. Jḭḭ̄ i ɓəlo gə̄ yā ngur yá̰á̰ kə́ tayā tayā gə̄ ō, ɓəlo gə̄ yā yá̰á̰ kə́ tayā tayā gə̄ kə́ adə̄n̄ deē rɔ̄nel̄ ō. J-a jə-rāāī i kem ndul ō, jə-ndiī i gír rāā ɓō yá̰á̰ kə́ tayā tayā gə̄ tə́ ō. Jə-majiī aĺ ngá̰ý ō, jḭḭ̄ i ngé kim̄ naā gə̄ ō.

EPEJƏ 2:2

ń ī-rāāī kété dan ń ā úniīń gō nə́ɓā kə́ dɔ nang tə́ laā, ń i ngār kə́ nge ra dɔ dán dɔ rā̰ kə dɔ nangaá tə́, adə̄ i ndíĺ ń a rāā kəla ngɔlaā kə ngé dum̄ naā gēé ní.

Makətūbə̄ ń Pol ndang adə̄ Rom gə̄ ní 7:25

m̄-ndadə̄ Nə́ɓā kə ta kūl̄ Jeju Kərist, tɔdɔ̄ ni-taām̄ jī rɔ̄ḿ ngeé ń toō tə́. Adə̄ mā i ɓəlo yā Nə́ɓā kə gír̄ yāḿ ō, ɓəlo yā majaĺ kə dā̰ rɔ̄ḿ ō.

1 MBAN̄G GƏ̄ 21:25

Jóo toó deē a̰a̰ de kə́ nelə̄n rāā yá̰á̰ kə́ majaĺ ta kum Kɔ́ɔ̄ɓē tə́ tītə̄ yā mban̄g Akab beé aĺ ɓáý, tɔdɔ̄ nə̄yá̰n Jesabel sə̄lān.

Makətūbə̄ ń Pol ndang adə̄ Rom gə̄ ní 8:21

A gāngə̄n̄ dɔdə́, tɔdɔ̄ a ɔrə̄n̄də́ jī tɔ́gə́ kə́ nge nujə yá̰a̰ gə̄ tə́, yā kadə̄ a əngen̄ kɔsə gɔn yā ngáń Nə́ɓā gə̄ sedə́, ngán Nə́ɓā gə̄ ń nin̄ i kɔ́ɔ̄ rɔ̄də́ gə̄ ní.

Makətūbə̄ ń Pol ndang adə̄ Rom gə̄ ní 7:14

Jə-ger̄ majə kadə̄ ndū najə̄ i yá̰á̰ yā Ndíĺ. Ba mā i de kə́ kə dā̰ rɔ̄ḿ ō, mā i ɓəlo yā majaĺ ō.

KƏLA RĀĀ 8:23

Tɔdɔ̄ m-á̰a̰ kadə̄ majaĺ kógə̄ḿ kə́ atə̄ kárárá rosə kemií ō, yá̰á̰ kə́ majaĺ kə́ ī-rāā do̰ō̰ī kə kəlāá ō.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.