JA̰A̰ 8:33 - Bibəl ta Sar̄

³³ Nin̄-tél ədanən̄ na: Jḭḭ i ngán kaa Abəraham gə̄, jə-rāā ɓəlo yā deē nja kógə̄ḿ alé. Ba i ba̰ý á ə́da na j-a jə-tél kɔ́ɔ̄ rɔ̄jí gə̄ ní?

Bible sar

³³ Nin̄-tél ədanən̄ na: Jḭḭ i ngán kaa Abəraham gə̄, jə-rāā ɓəlo yā deē nja kógə̄ḿ alé. Ba i ba̰ý á ə́da na j-a jə-tél kɔ́ɔ̄ rɔ̄jí gə̄ ní?

JA̰A̰ 8:33 Referans Kwoze

MATIYE 3:9

Ba ī-lōōī kudə ndi ba kəda kə̄ kemsí tə́ na sḭḭ̄ na i de kə́ gír kaa yā Abəraham tə́ gə̄. Ādə̄ m-ə́dásí, ré Nə́ɓā ndigə anī a tūr̄ kūbə̄rū mbal̄ gə̄ ń toō kadə̄ télən̄ ngán kaa Abəraham gə̄ karī.

JA̰A̰ 8:39

Nin̄-tél ədanən̄ na: Bɔbə̄jí i Abəraham. Jeju ədadə́ na: Ré sḭḭ̄ i ngán Abəraham gə̄ anī, ā ī-rāāī kəla gə̄ ń Abəraham rāā ní.

JA̰A̰ 8:37

m̄-ger̄ kadə̄ sḭḭ̄ i ngán kaa Abəraham gə̄, banī ī-sāāī tɔ̄lə̄m̄. Tɔdɔ̄ najə̄ yāḿ ənge loo kemsí tə́ alé.

TA KƏLA 15:13

Kɔ́ɔ̄ɓē ədan na: Majə kadə̄ ī-ger̄ yá̰á̰ ń toō kə gōó: Ngán kaaí gə̄ a ndin̄ dɔ nang kə́ i dɔ nang yādə́ aĺ tə́. A rāān̄də́ ɓəlo tə́ ō, a rāān̄ kumdə́ ndoō tə́ ō, ɓāl̄ ɓú sɔ́.

JA̰A̰ 19:25

Kó̰o̰ Jeju ra kadə kāgə̄ kə́ dēsə́ tə́, nin̄ kə ngōkó̰o̰n kə́ dəyá̰ ō, Mari kə́ nə̄yá̰ Kəlopas ō, Mari kə́ Magədala ō.

ESDRAS 9:9

Tɔdɔ̄ jḭḭ i ɓəlo gə̄. Ba dan ń jḭḭ i ɓəloó ní ḭ̄ ə́yá̰jí kɔ̄ɔ́ alé. Ḭ̄ ī-rāā ādə̄ mban̄g kə́ Persə tə́ gə̄ rāān̄ kem majə sejí. Nin̄ əya̰n̄jí adə̄ jə-ndi kə kumjí ō, adə̄n̄jí ta róbə adə̄ jə-tél jə-rāā kújə yāí gogə́ ō, tɔdɔ̄ j-unən dɔɔ́ gogə́ loo ń ni nujə tū tə́ sák sák kɔ̄ɔ́ tə́ ní ō, nin̄ rāān̄ adə̄ j-ənge loo ɓɔ̄ɔ̄ rɔ̄ yājí kə́ ngan̄g Jerusalem ō, dɔ nang kə́ Juda tə́ ō.

NGÉ SARYA 4:3

Púsə rɔ̄ɔ̄ yān kə́ rāā kə gindīí gə̄ i ɓú ndōhó, adə̄ ni-rāā kum ngán Israel gə̄ ndoō tə́ ɓāl̄ kutə jōó. Loo ń noō tə́ ngán Israel gə̄ nōōn̄ kə̄ dɔ Kɔ́ɔ̄ɓē tə́.

NGÉ SARYA 3:8

Wōn̄g rāā Kɔ́ɔ̄ɓē sedə́ adə̄ əladə́ kem jī Kusan Risataim, mban̄g kə́ Mesopotami tə́. Ngán Israel gə̄ rāān̄ kəla yā Kusan Risataim ɓāl̄ sɔ́sɔ́.

NGÉ SARYA 2:18

Dan ń Kɔ́ɔ̄ɓē a əla kə nge saryaá anī nəkɔ́ i seneé naā tə́ yā gāngəń dɔ ngán Israel gə̄ jī madə̄ ba̰ā̰də́ gə̄ tə́ kə ndɔ̄ gə̄ malang ń nge sarya ndiń kə kumneé ní. Tɔdɔ̄ kum Kɔ́ɔ̄ɓē o̰o̰n tām̄ yādə́ tə́ dan ń ngé rāā kumdə́ ndoō tə́ gə̄ a rāān̄də́ adə̄ a nōōn̄ ní.

LEBI GƏ̄ 25:42

Tɔdɔ̄ ngán Israel gə̄ i ngé kəla yāḿ gə̄ kə́ m̄-teē sedə́ kɔ̄ɔ́ Ejiptə tə́. Deē a igə sedə́ tītə̄ loo kigə kə ɓəlo gēé alé.

Najə̄ kə́ Majə yā Jeju ń Luk ndang ní 3:8

Ī-rāāī yá̰a̰ gə̄ kə́ ɔjən̄ kadə̄ sḭḭ̄ i de kə́ ī-tūrī háĺsí rɔ̄kum gə̄, ba ī-lōōī ndi gír̄ kemsí tə́ na sḭḭ̄ i ngán kaa Abəraham gə̄. Ādə̄ m-ə́dásí, m-ādə̄ ōōī Nə́ɓā asə tūr̄ ngán mbal̄ gə̄ ń toō kadə̄ télən̄ ngán kaa Abəraham gə̄ karī.

JA̰A̰ 8:43

I tām̄ rí tə́ á sḭḭ̄ ī-gerī kum najə̄ yāḿ aĺ ní? I tɔdɔ̄ sḭḭ̄ ásiī koō najə̄ yāḿ alé.

Makətūbə̄ ń Pol ndang adə̄ Rom gə̄ ní 9:7

Tá de gə̄ malang ń nin̄ i gír yā Abəraham tə́ ní, nin̄ i ngánən kə́ rɔ̄kum gə̄ malang alé, tɔdɔ̄ Nə́ɓā əda Abəraham na: Gír kaan a teē i gír kojə yā Isaak tə́.