JA̰A̰ 8:26 - Bibəl ta Sar̄

²⁶ Mā i kə yá̰á̰ ngá̰ý yā kəda dɔsí tə́ ō, yā gāngəń sarya dɔsí tə́ ō. Banī nge ń əlam̄ ní, najə̄ yān i najə̄ kə́ rɔ̄kum. Adə̄ yá̰á̰ ń m-ōō tan tə́ ní, m-ā m-ə́da de kə́ dɔ nang tə́ gə̄.

Bible sar

²⁶ Mā i kə yá̰á̰ ngá̰ý yā kəda dɔsí tə́ ō, yā gāngəń sarya dɔsí tə́ ō. Banī nge ń əlam̄ ní, najə̄ yān i najə̄ kə́ rɔ̄kum. Adə̄ yá̰á̰ ń m-ōō tan tə́ ní, m-ā m-ə́da de kə́ dɔ nang tə́ gə̄.

JA̰A̰ 8:26 Referans Kwoze

JA̰A̰ 15:15

m̄-ɓāŕsí ngé kəla gə̄ to̰ alé, i tɔdɔ̄ nge kəla ger̄ yá̰á̰ ń kɔ́ɔ̄n a rāā ní alé. Banī m̄-ɓāŕsí kə́ra madə́ḿ gə̄ i tɔdɔ̄ m-ɔ́jə́sí yá̰a̰ malang ń m-ōō ta Bɔbə́ḿ tə́ ní.

JA̰A̰ 8:40

Ba ń toō ɓáa, dan ń m-ə́dásí najə̄ kə́ rɔ̄kum ń m-ōō ta Nə́ɓā tə́ ní, anī sḭḭ̄ ī-sāāī tɔ̄lə̄m̄. Banī yá̰á̰ ń noō Abəraham rāā alé.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 7:28

Anī Jeju ń ndóō de gə̄ yá̰a̰ kem kújə yā Kɔ́ɔ̄ɓē tə́ ní əda na: Ī-ger̄mī ō, ī-gerī loo ń m-ḭ́ḭ tū tə́ ní ō a? Tá i mə̄kɔ́ n m̄-reē kə dɔḿ alé. Nge ń əlam̄ ní asə kadə̄ deē ənī kemən adə̄n. Sḭḭ̄ ī-gerīin̄ alé,

2 KORḚNTƏ 1:18

Nə́ɓā i de kə́ kum tə́ yāḿ, najə̄ ń j-ɔr̄ sesí ní, i a̰á̰ā̰ ō tél i hó̰ō̰ alé.

JA̰A̰ 16:12

M-āw̄ kə yá̰a̰ gə̄ ngá̰ý kadə̄ m-ə́dásí ɓáý, ba sḭḭ̄ ásiī ger̄ kum ngɔr ń toō tə́ alé.

JA̰A̰ 7:16

Jeju tél ədadə́ na: Najə̄ ń m-ɔ́jə́ ní i najə̄ yāḿ alé, banī i najə̄ yā nge ń əlam̄ ní.

JA̰A̰ 3:11

Ādə̄ m-ə́daī najə̄ kə́ bo ngá̰ý, jḭḭ j-ɔr̄ i najə̄ kə́ dɔ yá̰a̰ gə̄ ń jə-ger̄ tə́ ní ō, j-əda i yá̰a̰ gə̄ ń jḭḭ i kum tə́ á j-a̰ā̰ kə kumjí ní ō, ba sḭḭ̄ ɔ́diī koō yá̰a̰ gə̄ ń jḭḭ i kum tə́ á j-əda ní alé.

JA̰A̰ 8:25

Anī nin̄-dəjenən̄ na ké ni i náā wa. Jeju tél ədadə́ na: Mā i nge ń m-ə́dásí najə̄ yān ta kəla gíŕ tə́ ní.

JA̰A̰ 8:27

Ni-ɔr̄ i najə̄ yā Bɔbə̄ Ngōn̄ sedə́, banī nin̄-gerə̄n̄ kum alé.

JA̰A̰ 18:20

Anī Jeju tél ədan na: M-ə́da de gə̄ najə̄ i wáńg. Mā m̄-ndóō de gə̄ yá̰á̰ ngándáńg i kem kújə́ kán̄ naā gə̄ tə́ ō, kem kújə yā Kɔ́ɔ̄ɓē ń Jipə gə̄ malang a kánə̄n̄ naā tū tə́ ní ō, m-ɔ̄r̄ najə̄ kógə̄ḿ loo mundə̄ tə́ aĺ ō.